¹ Jibin gara na dlam fariya, ko da na riba bai;Amman na ta kǝma na wahayi ruyayin da ri mǝgǝnyi. ² Na ziga na nǝn dagai i kun masihu,mi dlamman guma ayawa fudu,mi buntu,ko i kun tǝka,ko i kun tǝka bai,wa ziga bai,sǝku zigadu nda mana aci i nye disku ma kwan. ³ Zam na ziga na warau ko i kun tǝka ko i vǝda,na ziga bai sǝku zigadu. ⁴ Nda mana aci i nye janna Kuma bi saksakta lamar mi go nǝn a dumu da rami. ⁵ Na dlam fariya i zadak nǝn tunu.Amman i sǝrum ga na dlam fariya bai.Sai dai na dlam gaɗa tatlu ga. ⁶ In nancu na dlam maɗe nǝn,a dlaɓ dliɓgǝnu bai,gaɗa na jiba rama jirewa.Amman na dlam ruwa fariya,gaɗa dau jigab da kuna kun dami iyu da ɗikina be akshi kǝmau ko i kun i ɗaga. ⁷ Na ruwa dlam fariya gaɗa be mi ɗika na ginawa ruyayin,gaɗa na dlaɓa baci gauɗak aɗa bai,nda bar da jijm mi dukshi i tǝka ga mi a dlapiga.Mawak gu ga tikai di ri lǝspir,gaɗa da ravinyi iyu gaɗa kar na dlaɓi baci gaɗak aɗa. ⁸ Na tabtli mǝgǝnyi herr zǝgǝr kwan,gaɗa da iyu da nai bitiku. ⁹ Amman da ra mma,."herr ga nai bata na ci gaɗa da ri rashik awayau ga a miya".Gaɗa kasǝn na kasuktinga na maɗe ga gaɗa kasataga,gaɗa kǝrmai masihu da dam mbashi l kunuga. ¹⁰ Gaɗa kasǝn i sanadik masihu na kumu karak,ikun gangam kwinaga.Ko mowa,ko jiktu,na jaraba, na dukshi.Gaɗa fatawanke na kumu tita i na awayau zam. ¹¹ Na dlamunga kakaɓu!Amman kun ne kwa ɗawa 'yu kasǝn.Ca da kwa gǝtleɓaga gaɗa na mbotu bai, i dak ndawa mi na ɗauraikshi ma marumamin muwanaucin bai koda 'yu be wam bai. ¹² na cacak alamak za -man wakatu i gadava kun,na cacak kanadi,alama na bi ajab na marumamin wana. ¹³ Dlam nana kwa dlam nakun go paida i ɗak gagzhǝn dak ɗiga,sai gaɗa na dlamga bik jiktu i rikun bi?a tubti na iyu i dak aipu tuku. ¹⁴ 'yu na niya ni i rikun ki zigir makwan.Na intutau na dlam dukshi bai i ɗakun nancu karekun bai,nancu kun gaɗa mamune a dlam tanadi i ma 'yawakshi bai saidai ma 'yawakshi da dlamikshi tandi. ¹⁵ Na dlam pǝrɗai na ngum jikta kun,ko a dlaman gara na bar aro ga .In na intutu kun rankata nǝn sai 'yu ne nda intutau fincik? ¹⁶ Amman kasǝn ko nampe kun dukshi bai,amman gaɗa i ke baci kasǝn, na 'yu ne kun na luvata bi? ¹⁷ ko na cucetu kun bi dari ndawami na wane kun? Na wilatu Titus gaɗa da nai irikun dasǝn,na dabe aci na yaganaɗagai .Nadabe Titus cucetu kun bi? Ja rakinu i kun duvugayi bai? jarakinyi ki zigir gayi bai?. ¹⁹ kwa tumanga a lowktu mak ja kareta aɗa jabi i rikun? Ja ram tamke i kima sǝku gaɗa ja ɗauzi kun i kun masihu . ²⁰ Na kalau gaɗa in na dew rikun nǝn na tasayakun kaki mi na dlam tuman bai,Na kalau zam kwa de rigan kwa tase ga kaki mi kwa dlam tumangu bai, Na kalau nda bi na gamɗaya,ngurngur,tlatligǝshi,burik intuaɗa,nyau,marumaɗa,na tlatliaɗa na tlai ankal; ²¹ Na kalau i dak aku na kalakten,kakasǝkuga a kacina 'yu be bai i kimakun,na kalu ndak na dlam ayugǝshi na ndawa gawa mi dlam tuɓu dade gususku,na ndawa mi kur na dlamtubi dari rakanblanbai kitapai napaskanci nawana intugǝshi miakshi adlamau.