¹ Jan cu kwa zigidu,i yaganawun ga gamasak na gamaɗ gaɗa herr kakasǝku mi bari ndak ɗiga ki makadoniya. ² A lawan marum kaktla kabe n,gawa perrɗaikshi na tita tluwakshi yaudikshi marum bǝriɗ bari go iyuwa aikwak. ³ Gaɗa i na saida akshi a dumu na baru da kun ntu gǝshak shi. ⁴ Na wila gawa akshi da naceshi ma nda barikshi sartu akshi da dawi aikwak i kun marum wana tuku i ndawa mi barna jirewa. ⁵ Dlaɓu kasǝn kaki mi ja dlam tumangu bai i sǝrum sǝn akshi da ɓanji barik aɗakshi i mǝgǝnyi. kuru barna aɗakshi i ja gaɗa intu rama sǝku. ⁶ Sǝi akshi da dauzi Titus,mi baditu na wana bari tuku gaɗa da dlamu na wana bari tiku i kuna kun. ⁷ Amman kwa sukunu na kun i kun tamke i kun barjijewa i kun rama i kun zigaya,i kun wana rankata i kun intukun gaɗa ja kasǝn zam kwa sukana kun i kun wana ki bari go "yuwa aikwak. ⁸ Na ram kasǝn ka ki mi na ɗawa kun i awayau bai i serum sǝn na ram kasǝn gaɗa na kaktli jirewa intukun da ri kakla amman kun na gagzhǝn ndawa. ⁹ Gaɗa kana zigana herr mǝgǝnyinyawa yeso masihu.Aci babu burǝd amman da dlamin gǝri tlatlawa gaɗa kun.Gaɗa da ri tluwa gǝri kwa dlam na ndak burǝd. ¹⁰ I kun lamar tuku na bari kun shawar mi a banata na kun.Amman mi buntu,kwa ɓandu be ɗagci bi ne,amma kwa dlam kasǝn.Gususku a ¹¹ dami adu kaki mi kwa ɗawi kuna kun i sartu a dlama wana kwa damu du i kun duk be kwa dumu na dlamau. ¹² In kwa dlam niya kwa dlam wanatukun,be blalan ne zam ga gǝnakwam.Katanas dlamun gara kalkal na be mi nǝn na atu amma be mi nǝn na bai ne. ¹³ Gaɗa wana tuku gaɗa ndampi kun dukshi bai ne mi ndau jigab da bi rrama.A serum sǝn,dlam blan tamke da dlami gara kalkal. ¹⁴ Bayakun a sartu a dlaman gara bi banatakshi.kasǝnke bayakshi da dlamun gara bi banatakun,gaɗa kasǝn se tamke da dlamun gara kalkal. ¹⁵ Ari tun kaki mi nda tarnu mi nǝn na atu gawan,ba puluta bai ko funcik,zam nǝn mi na atu bai buku tamke bai" ¹⁶ Amman gǝɗliɓ ikakasǝku,mi ɗawi kun gǝshi Titus intu hankal takun kaki mi i na atu gaɗa kun . ¹⁷ Gada aci gǝn wila ja jab bai, amma dlam na jirewa gaɗa kasǝn.Dew rikunne a ɗa intugǝri. ¹⁸ Ja wane aci i ɗagayi na yagana mi da gǝɗliɓgeri kun ndak diga mak gaɗa wana gǝri ki wazik. ¹⁹ Gaɗa sǝn jab bai,amman ndak ɗiga ne cikɗaci dayi naja i ɗa gayi i kun wana marum tuku.Sune gasaksakta mǝgǝnyi na dagǝri zam gaɗa aniyaja ki banata. ²⁰ Ja rawau gaɗa kar tike dampi aipu bai gaɗa be blan mi ja na atu. ²¹ Niya ja ne iɗa ja dlam be blan,ba i kuma magǝnyi rugǝri bai, amman i kima ndiwa ke. ²² Zam ja wana yagana ɗagai ida gayi na kashi.Ja sa kaktla gori,ja baci na kokari a kun wana gǝri duk.Gususku kwa sukunu na himma gaɗa marum yarda gǝri i ri kun. ²³ Idak Titus,aci manga babu rakan aɗa gayi,zam manga wana ga gaɗa ku.Idak yaganaucin wa,nda wane akshi ne da ri ndak ɗiga,akshi kwa dak martaba ne i masihu. ²⁴ Gaɗa kasǝn a tatkinenshi intau,a tatkine dak ɗiga tsababi mi na arɗtinga na kun.