¹ Biyano, kada ngu on jire ki lei kelui bu,uno bu kiki, kabta kelui bu,uno ngu moyi ki gem deiyi ɗo. kika nabi tim ana rerei, hetensu ton dunya. ² Kika, a ngu mantitik kelui, bu,uno yo Ndeyi lei kelui bu' uno yo sheida Yeso dino ton zugo ki gem Ndeyi, ³ lei Kelui bu'uno na sheida Yeso bu ki gem Ndeyi bu. Woi Kelui bu'uno yo a gafa, yon kolanko isno kauso me a tong dunya. ⁴ Nguni ki gem Ndeyi, millano mamaye ngu tankok bullo kasu, kika siyo hawokku nakko wallikk siyo ton dunya. ⁵ Zuni ki ton dunya; kika ka a ei zuni ance ki tong dunya, me ke dunya kolshe zuni. ⁶ Munik gem Ndeyi. Shaf ngo na manotik Ndeyi a kolshe muni. Si yok gem Ndeyi bu a kolshe muni bu. Ki ka woi mu manangkotik kelui bu' uno yo jire ki kelu rerei. ⁷ Biyano, ndalta mu zehe, kika ndaltu ki gem Ndeyi, shaf ngo na a ndatu le'i Ndeyi manotik Ndeyi. ⁸ Ngoi na a ndaltu bu man Ndeyi bu, kika Ndeyi an ndaltu. ⁹ Kika ka,a ndaltu Ndeyi tamko hawommu, Ndeyi sarneno kawai Lahni a tong dunya ɗo mu welle ki leheni. ¹⁰ Woi si ne ndaltu, kika mu ndaltanko Ndeyi bu, me si ndalta muni, ki ka'a si sarneno lah ni ɗo ei kafara zunhun mu. ¹¹ Biyano, na Ndeyi ndaltu mu, muni ke mu ndalte zehe. ¹² An ngoi damɓa moya Ndeyi bu. Na mu ndaltanko zehe, Ndeyi deino tintilmu daltuni ngamito ahawommu. ¹³ Ki wonɗe, mu mantiti ta mu deino hawonni si ke hawonmu, kika omu tik kine Kelui. ¹⁴ Har kaiso, mu moyanko mu onankok sheida aka Boti sarno Lah ni do Wange dunya. ¹⁵ Ngoi na onko sheida Yeso Lah Ndeyi, Ndeyi deino hawonni si ke tong Ndeyi. ¹⁶ Har kaiso mu manankoti yarda ki ndalt Ndeyi andi bo yo mu. Ndeyi an ndaltu, ngoi na a deino tong ndaltu a deino tong Ndeyi, me Ndeyi deino hawonni. ¹⁷ Kika ka,a ndaltu woi ngaminni tintilmu, do mu a e geɗo a hotik sharya, kika si ka a kawai mu wonɗe tong dunya. ¹⁸ An zuba bu tong ndaltu, ki ka ka a ngamno ki ndaltu a yaktantik zuba kori, kika zuba ɗabshe bei ki bone. me na ngoi a zuba a kamalta tong ndalta bu. ¹⁹ Mu ndaltu kika si zalko ndalta muni. ²⁰ Na ngoi anko "Ne ndalta Ndeyi" me a kushe ba, i si a rerei. Si ngo na ndalta ba, i bu, si yo a moishe a dalta Ndeyi bu, yo si moishe bu. ²¹ Kauso woi doka yom anandi ki gem ni; ngoi na dah Ndeyi a ndalte yaganani.