¹ Moya shida ndaltui yo Boti omu, a anshe muni ta milla Ndeyi, mu e ka, a me a e. Kika, ka'a dunya man muni bu, ke man si bu. ² Ana ndaltuno, ngu milla Ndeyi, me ɗo ngo ananko bu yomu deidi. Mu mantiti na Kristi baiyana, mu ɗeya konta si, kika mu moya si konta si. ³ Shangoi na andi geɗok tili aka si bu'utik kanni ki shida yo si budino. ⁴ Le ngoi yiya na eko ek zunhu tal shikok uhe. zunhu sine et talsha uhe. ⁵ Ngu manan kota kristi heteno ɗo namtik zunhu, a hawonni an zunhu bu. ⁶ Lei ngoi yiya na a ɗeino hawonni a ina ek zunhu bu. Ngoi na tuko dom ki zunhu bu ko moyini ɗo nama mantini. ⁷ Millano mimi'i an ngo moɗi bo, oyta nguni bu na ngoi a lshe ei zina,kit kristi a moɗi. ⁸ Ngoi na a ishe zunhu si sikau, kika sinkau a ishe zunhu tinki kalou. kika ka,a lah Ndeyi tamko kanni, ɗo laktitik sinkau ki rutani. ⁹ Ngo na le,i gem Ndeyi a tina dom ki zunhu bu kika shida Ndeyi ɗeino hawonni. A tina dom ki zunhu bu kika le,ik Ndeyi. ¹⁰ A tong woiye e milla Ndeyi kika milla sinkau hatano, ngoi na iko a zina bu ki gam Ndeyi , le ngoi na nda bai'bu. ¹¹ Kika sarni woiye so kolanko tun kalou ,ta mu ndalte zehe. ¹² Kit Kayinu bu kigem sinkau dukok ba,i. kika miya dugini? kika rutanii disa, yo ba,i zina. ¹³ Ngu e monmoni bu ba,i shemu,na dunya kudiniku. ¹⁴ Mu manankoti mu retankok tong ma'to kaba tong zau, kika mu ndalanko ba,i shemu. Lei ngoiyiya na an ndaltu bu a ɗeno tong mato ¹⁵ Le ngoi yiya na a kushe ba,i a dukshe zau. Ngu manankoti andi duga zau yo andi tili a ɗeino hawonni. ¹⁶ Kika ka,a mu manankotik ndaltu, kika kristi onko zau ni kammu. muni ke ngahito mu on zau mu ki ba,inshamu. ¹⁷ Ngoi andi ei dunya, a moishe ba,i ki halasa andi jikyayi kanni bu, lolo ndaltu Ndeyi ɗeino hawonni? ¹⁸ Shaeno milla mimi,i mu e ndaltu ki eni ki linso bu, me kaba ruta ki jire. ¹⁹ Kika ka,a mu mantiti ta mu gem jire, mu wallitik geɗo tili mu a domni. ²⁰ Na me tili mu yabta muni bu, Ndeyi walliko tili mu nakko,si maanotik le miya. ²¹ Biya no, na tilimu yabta muni bu, mu anandi geɗo gem Ndeyi. ²² Le miya na mu ndalanko mu biskak gemani.Kika mu ngahakkok uhe ni mu ishe ei initi zina. ²³ Woi uhe ni ta mu on jire tong sun Lah Yesu Kristi mu ndalte zehe kit yo si omu uhe ni. ²⁴ Ngoi na ngafko uhe Ndeyi a ɗeino hawonni. Kika ka'a mu mantiti ta si hawonmu, kika Kelui bu onom yo si omu.