¹ Shaf ngoi na onko jire Yeso Kristi leik Ndeyi, ngoi na ndalta boti ndalta lah leyankok goni. ² Kika a mu dalanko Ndeyi millani: na mu ndaltanko Ndeyi na mu daf dokani. ³ Kika woi sine ndaltu, Ndeyi ; mu ngaf dokani. Dokani an bone bu. ⁴ Shaf ngoi na leik gem Ndeyi an bullo tong dunya woi ona yardu yo mu tangko balno tong dunya, ona geɗommu. ⁵ Ngoi yiya tuko bullo tong dunya? Ngo onko jire Yeso Lah Ndeyi. ⁶ Woi moɗiyyo dinok tong ham ki domi Yeso Kristi, dino kawai ki tong ham bu, me ki tong ham ki dom. ⁷ Kika andi kunu onankok sheida: ⁸ Kelui bu'uno, ham ki dom. maye kunui onankok yarda. ⁹ Na mu biskankok sheidak biya, sheid Ndeyi ka a leyanko si sheida aka si lah Ni. ¹⁰ Ngoi na yardinni a tong Lah Ndeyi a ontik sheida guda kanni. Ngoi na yardak Ndeyi bu ɗeyinni ki tong rerei, kika yarda ki sheida so Ndeyi onko aka Lah ni. ¹¹ Sheidai ka a Ndeyi omu zau so gebe, me zau wonses a tong lahni. ¹² Na ngoi andi Lah an zau ngoi na andi Lah Ndeyi bu andi zau bu. ¹³ Ne teruku ie woɗo ngu mantiti ta ngu anandi zau so gebe ki ganku do yarde a tong sun Lah Ndeyi. ¹⁴ Har kauso woi ona geɗo mu anandi kafin nguni, na mu dolankolei miya a tong dalshinni, si kolshe muni. Har kaiso, mu moyanko mu onankok sheida aka boti sarneno lah ɗo wellente, dunya. ¹⁵ Ngoi na onko sheida Yeso lah Ndeyi, Ndeyi deino hawonni si ke tong Ndeyi. ¹⁶ Shaf ngoi na a moishe yagananni a ishe zunhu yo mokno mato bu si e ɗonshu, me Ndeyi onitik zau. Me kabtankuk mamaye yanko zunhu moko ki mato bu. Andi zunhu so mokshentik mato; Ne anshe ka a bui ta do mu ei ɗonshu aka woi e. ¹⁷ shafki rutanta disa zunhu, me an zunhus ina te a moka ngo tong mato bu. ¹⁸ Mu manankoti ta ngoi na le,ik Ndeyi a zunhu bu. me an ai disa yo shuta si bu. ¹⁹ Mu manankoti muni ki gem Ndeyi me mu manankoti muni ki gam Ndeyi me mu manankoti shaf ki dunya rerei a tong ie disa. ²⁰ Me mu manankoti ta Lah Ndeyi dino omotik manto kika mu mantitik ngoi yo a jire. kauso mu tongko moɗik ana jire a tong Lah ni Yeso Kristi, si yo jirek Ndeyi ki zau so gebe. ²¹ Milla, yak gera ki goro.