ಅದ್ಯಾಯ 7
1
2
3
1 ಈ ಮೇಲ್ಕಿಜೆದಕನ ಸಾಲೇಮಿನ ಅರಸನು ಮಹೋನ್ನತನಾಯಿಕ್ಕಿರ ದವ್ರುತ ಯಾಜಕನು ಅಯ್ಯಿಂದು, ರಾಜರಲಾತ್ತೆಯಿ ಕೊಂಡ್ರು ಪದ್ದಿರಿಗಿ ವರಾಂದಂತಹ ಅಬ್ರಹಾಮನತ್ತೆಯಿ ಎದುರುಗೊಂಡು ಅಶಿರ್ವದುಸೂಸು,
2 ಅಬ್ರಹಾಮನು ಅದ್ದಿಕೊರುನು ಪತ್ತಾನೆ ಒಂಡು ಬಾಗತ ಅತನುಕು ಕುಡ್ತುಸು , ಅತನತ ಪೆರುಕು ಮೊದಲೆನೆದಾಯ್ಯಿ ನೀತಿರಾಜನಿಂಡು, ಪರ್ಗುಂಡು ಸಾಲೇಮಿನರಾಜ ಇಂಡೆಕೆ ಸಮಾದನತ ರಾಜನು ಇಂಡು ಅರ್ಥು,
3 ಅತ್ಗು ತಾಯಿ-ದೋಪು ಅಗೋಟು ವಂಶಾವಳಿಯಾಗೋಟು ಇಲ್ಲ,ಆರಂಭ ಅಗೋಟು ಜೀವುತಾ ಅಂತ್ಯ ಅಗೋಟು ಇಲ್ಲ, ಅದು ದವ್ರು ಮವ್ವುನುಕು ಸಮಾನಯಿ ಸೇಯ್ಯಲ್ಪಟ್ಟಿದು,ಇದಲ್ಲದೆ ಅದು ನಿರಂತರವಾಯ್ಯಿ ಯಜಕನಾಯಿದು,
4
5
6
4 ಈ ಮಣುಸ್ ಎದ್ನು ಬೇರಾದು ಇಂಡು ನಿಂಗ ಆಲೋಚನೆ ಸೇಯ್ಯಂಗೋ;ನಂಬುರುತಾ ಮೂಲ ಪಿತೃನಾಯಿಕ್ಕಿರ ಅಬ್ರಹಾಮನು ತಾನು ಗೆದ್ದಿಗೊಂಡು ವಂದಿಕ್ಕಿರತ್ಕೊರು ಪತ್ತನೇ ಒಂಡು ಬಾಗತ ಅತ್ಗು ಕುಡ್ತ್ಸೆ ,
5 ಕರಾಣ್ಕೆ ಲೇವಿಯ ಮಕ್ಕಿಲಿಕೊರು ಯಾಜಕ ಪನಿಯತ್ತೆಯಿ ಹೊಂದುರ್ರಾಯ್ಯ , ಜನಿರಿಂಡು ಇಂಡೆಕೆ ಅಬ್ರಹಾಮನತ ವಂಶಸ್ಥರಾಯಿಕ್ಕಿರ ಅದ್ಗ ಅನ್ನ –ದೆಮ್ಬಿಗಿನ್ಲಿಂಡೆ ದಶಮ ಭಾಗಲಾತ್ತೆಯಿ ಅತ್ಗುರುಕು ನ್ಯಾಯಪ್ರಮಾಣತ್ಕೊರು ಅಪ್ಪಣೆಯಿದು,
6 ಅನೇಕೆ ಅಯಿಲಿತಾ ವಂಶಾವಳಿಕೋರು ಲೆಕ್ಕಿಸಲ್ಪಡದೆ ಇಕ್ಕಿರ ಈ ಮಣುಸು ಅಬ್ರಹಾಮನಿಂಡೆ ದಶಮ ಬಾಗಲಾತ್ತೆಯಿ ಅತ್ಗೊಂಡಿಕ್ಕಿರಾದಲ್ಲದೆ ವಾಗ್ದಾನಲಾತ್ತೆಯಿ ಹೊಂದಿಕ್ಕಿರಂತ ಅತ್ಗು ಆಶೀರ್ವಾದ ಕುಡ್ತುಸು.
7
8
9
10
7 ಆಶೀರ್ವಾದ ಹೊಂದುರತ್ತಕ್ಕಿಂತ ಆಶೀರ್ವಾದ ಸೇಯ್ಯಿರಾದು ಬೇರಾದು ಇಂಗಿರಾದು ವಿವಾದ ಇಲ್ಲರಂತ ವೋಕು ಅದ್ನೆ,
8 ಇಟಿ ಸಾಗರಂತ ಮಣುಸ್ರು ದಶಮ ಬಾಗಲಾತ್ತೆಯಿ ಅತ್ಗಾನು; ಅನೇಕೆ ಅಟಿ ಜೀವಿಸಿತಿದು ಇಂಡು ಸಾಕ್ಷಿಹೊಂದಿಕ್ಕಿರಾದು ಅತ್ಗಾದು,
9 ಇದು ಮಾತ್ರವಲ್ಲದೆ ದಶಮ ಭಾಗಲಾತ್ತೆಯಿ ಅತಗ್ರಾ ಲೆವಿನೂ ಕೂಡ ಅಬ್ರಹಾಮನ ಮುಖಾಂತರ ದಶಮಬಾಗತ ಕುಡ್ತ್ಕಾನಿ ಅಸು ಇಂಡು ನಾನು ಸೋನ್ನೋಬೋದು;
10 ಹೆನಾಗು ಇಂಡೆಕೆ ಮೇಲ್ಕಿಜೆದಾಕನು ಲೇವಿಯಾತ ಮೂಲ ಪುರುಷನತ್ತೆಯಿ ಎದುರುಗೊಂಡಾಪ್ಪೋರು ಇತ್ತ್ಕೊರು ಲೇವಿಯಾದು ಅಡಕವಾಯಿಂಚು,
11
12
11 ಲೇವಿಯ ಯಾಜಕತ್ವತಿಂಡು ಸಂಪೂರ್ಣ ಸಿದ್ದಿ ಅಯಿಂದೇಕೆ ಆರೋನನ ತರತಾದಾಗದೆ ಮೇಲ್ಕಿಜೆದನ ತರತ ಇನ್ನೊಂಡು ಯಜಕನು ಅದ್ದಿಕ್ಕಿರಂತ ಅವಶ್ಯಯಂದಾದಿಂಚು?, (ಅತ್ಗೊರು ಜನುರು ನ್ಯಾಯಪ್ರಮಾಣತ ಹೊಂದುಸುನು )
12 ಯಜಕತ್ವ ಬೇರೆಯಾನೇಕೆ ನ್ಯಾಯಪ್ರಮಾಣನು ಸಹ ಬೇರೆಯಾಗುರಾದು ಅಗತ್ಯವಾಯಿದು,
13
14
13—14 ಇತ್ತ ಎತ್ತ್ರ ವಿಷಯವಾಯಿ ಸೋನ್ನಲ್ಪಟ್ಟಿದೋಆತನು ಬೇರೊಂಡು ಗೊತ್ರತ್ಗು ಸಂಬಂಧಪಟ್ಟದು;ಆ ಗೊತ್ರತಯಿಲಿಕೊರು ಒಂಡುನೂ ಯಜ್ಞವೇದಿಯಂಚಲಿ ಸೇವೆ ಸೆಂದಿಕ್ಕಿರದಿಲ್ಲ,
14 ನಂಬುರುತಾ ಕರ್ತನು ಯೂದಾ ಗೋತ್ರತ್ಕೊರು ಪರ್ದ್ದಿಕ್ಕಿರಾದು ಇಂಡು ಸ್ಪಷ್ಟವಾಯಿದು ಅದ್ನೆ;ಈ ಗೊತ್ರತ ವಿಷಯವಾಯಿ ಮೋಶೆ ಯಾಜಕರ ಸಂಬದವಾಯಿ ಯಂತು ಸೋನ್ನುಲ್ಲ.
15
16
17
15 ಮೇಲ್ಕಿಜೆದಕನ ಹೋಲಿಕೆಕು ಅನುಸಾರವಾಯಿ ಇನೊಂಡು ಯಾಜಕನು ಅದ್ದಿಕ್ಯದು ಇಂಗಿರಾದು ಇನ್ನು ಎದ್ನೋ ಹೆಚ್ಚಾಯಿ ಸ್ಪಷ್ಟವಾಯಿದು,
16 ಆತನು ಶರೀರಕವಾಯಿಕ್ಕಿರ ಅಜ್ಞೆತ ನಿಯಮತ್ಗು ಅನುಸರ ಅಲ್ಲದೆ ನಿರ್ಲಯವಾಯಿಕ್ಕಿರ ಜೀವಾತ ಶಕ್ತಿಕಾನುಸಾರವಾಯಿ ಸೇಯ್ಯಲ್ಪಟ್ಟಿದು,
17 ಅತನತ ವಿಷಯತ್ಕೊರು –ನೀನು ಸದಕಾಲನು ಮೇಲ್ಕಿಜೆದಕನ ತರತ ಯಾಜಕನಾಯಿರ ಇಂಡು ಆತನು ಸಾಕ್ಷಿ ಕುಡ್ಕಾದು.
18
19
18 ಮೊದಲಿಂದ ಆಜ್ಞೆ ನಿರ್ಬಲವಾಯಿನೂ ನಿಷ್ಪ್ರಯೋಜಕವಾಯಿನೂ ಇಂದು ಕರಣ್ಕೆ ರದ್ದಾಯಿಹೊಸು,
19 ನ್ಯಾಯಪ್ರಮಾಣ ಯಂತುನು ಸಿದ್ದಿಕಿ ಅತ್ತೆರಾದೆ ಇಕ್ಕಿರಾತಿಂಡು ಉತ್ತಮವಾಯಿಕ್ಕಿರ ನಿರೀಕ್ಷೆ ಸಿದ್ದಿಕಿ ವಂಚು;ಇತ್ರಿಂಡು ನಂಬ್ರು ದವ್ರಂಚುಗು ಸೇರಾರೋ,
20
21
20 ಆತನು ಅಣಿ ಇಲ್ಲದೆ ಯಾಜಕನಾಗೆ ಇಲ್ಲ,
21 (ಆ ಯಜಕರು ಅಣಿ ಇಲ್ಲದೆ ಯಾಜಕಾರಸುನು ); ಈತನಾನೇಕೆ –ನೀನು ಸದಾಕಾಲನು ಮೇಲ್ಕೆಜೆದಕನ ತರಹತ ಯಾಜಕನಾಯಿರ ಇಂಡು ಅತನುಕು ಕರ್ತನು ಅಣಿ ಅಚ್ಚು ನುಡ್ಜಿದು , ಪಶ್ಚಾತ್ತಾಪಪಡುದಿಲ್ಲ,
22
23
24
22 ಇತ್ರಿಂಡೆಯೇಸು ಎದ್ನೋ ಶ್ರೇಷ್ಠವಾಯಿಕ್ಕಿರ ಒಡಂಬಡಿಕೆತ್ಗು ಹೊಣೆಗಾರನಾಸು,
23 ಅಯಿಗ್ಯ (ಲೇವಿಯರು ) ಶಾಶ್ವತವಾಯಿ ಉದ್ಯೋಗ ನಡಿಪ್ಪಿಕ್ಕಿರುಕು ಮರಣಕಾರಣತಿಂಡು ಕರಾಣ್ಕೆ ಅಯಿಲಿಕೊರು ಯಾಜಕಾರನಾಯ್ಯ ಅನೇಕರು;
24 ಈತಾನಾನೆಕೋ ಸದಾಕಾಲ ಇಕ್ಕಿರಾತಿಂಡು ಬದಲಾವಣೆಯಾಗರಂತ ಯಾಜಕತ್ವತ ಹೊಂದಿದು,
25
26
25 ಅನಾಗಯ್ಯಿ ಆತನು ತನ್ನ ಮೂಲಕ ದವ್ರಂಚುಗು ವರ್ರಾಯ್ಯಲಾತ್ತೆಯಿ ಸಂಪೂರ್ಣವಾಯಿ ರಕ್ಷಿಸುರುಕು ಶಕ್ತನಾಯಿದು;ಅಯಿಲಿಕೊಸ್ಕರ ವಿಜ್ಞಾಪನೆ ಸೇಯ್ಯಿರುಕು ಎಪ್ಪೋತಿಗು ಪಕಿರಾದಾಯಿದು,
26 ಇಂಥದೇ ನಂಬುರುಕು ಬೇಕಾಯಿಕಿರ ಮಹಾಯಜಕನು,ಈತನು ಪರಿಶುದ್ದನು ಕೇಡು ಸೇಯ್ಯರಾದು ನಿಷ್ಕಳ೦ಕನು ಪಾಪಿಲಾಂಟಿ ಸೇರಾದೆ ಪ್ರತ್ಯೇಕವಾಯಿ ಇಕ್ಕಿರಾತನು ಆಕಾಶತ್ಕಿಂತ ಉನ್ನತವಾಯಿ ಸೇಂದಿಕ್ಕಿರಾತನು ಅಯಿದು.
27
28
27 ಮೊದಲು ತಟ ಸ್ವಂತ ಪಾಪಪರಿಹಾರತ್ಗು ಪರ್ಗುಂಡು ಜನುರುತ ಪಾಪಪರಿಹಾರತ್ಗು ಯಜ್ಞಾರ್ಪಣೆ ಸೇಯ್ಯಿರ ಮಹಾಯಾಜಕರಂತೆ ಈತನು ಪ್ರತಿನಿತ್ಯನು ಸಮರ್ಪಿಸರ ಅವಶ್ಯಕತೆ ಇಲ್ಲ, ಯಂತ್ಗು ಇಂಡೆಕೆ ಈತನು ತನ್ನತ್ತೆಯಿ ತಾನೇ ಸಮರ್ಪಿಸಿಗೊಂಡು ಒಂಡೇ ಕಡ್ತು ಆ ಪನಿತ್ತೆಯಿ ಸೆಂದು ಮುಗಿಸಿದು,
28 ನ್ಯಾಯಪ್ರಮಾಣ ನಿರ್ಬಲರಾಯಿಕ್ಕಿರ ಮಣುಸ್ರತ್ತೆಯಿ ಮಹಾಯಾಜಕರನ್ನಯಿ ಸೇಯ್ಯದು;ಅನೇಕೆ ನ್ಯಾಯ ಪ್ರಾಮಾಣತ ನಂತರ ಅಣಿ ಮುಖಾಂತರ ಉಂಟಾಯಿಕ್ಕಿರ ವಾಕ್ಯ ಸದಾಕಾಲತ್ಗು ಪ್ರತಿಷ್ಟೆ ಸೆಂದುಗೊಂಡ ಮವ್ವುನನ್ನೇ ಮಹಾಯಾಜಕನಾಯಿ ಸೇಯ್ಯದು,