ಅದ್ಯಾಯ 8
1
2
1 ನಂಗ ಇಪ್ಪೋರು ಸೋನ್ನುರ ವಿಷಯಲಾತ ಸಾರಾಂಶ ಯಂದದು ಇಂಡೆಕೆ ಪರಲೋಕತ್ಕೊರು ಮಹಿಮೆಯುಳ್ಳತನ ಸಿಂಹಾಸನತ ಉನುಗೈಜಾಯಿ ಉಕ್ಕೊಂಡಿಕ್ಕಿರ ಮಹಾಯಾಜಕನು ನಂಬುರುಕಿದು,
2 ಈತನು ಪವಿತ್ರ ಸ್ಥಾನತ್ಕೊರು ಇಂಡೆಕೆ ಮಣುಸ್ನಿಂಡುಲ್ಲ , ಕರ್ತನೇ ಹೋಟಿಕ್ಕಿರ ನಿಜವಾದ ಗುಡಾರತ್ಕೊರು ಸೇವೆ ಸೇಯ್ಯಿರದಾಯಿದು,
3
4
5
3 ಪ್ರತಿಯೊಂಡು ಮಹಯಾಜಕನು ಕಾಣಿಕೆಲತ್ತೆಯಿನೂ ಯಜ್ಞಲತ್ತೆಯಿನು ಸಮರಪಿಸುರುಕು ನೇಮಕವಾಯಿಕ್ಕಿಯದು ಅದ್ನೆ,ಅತ್ರಿಂಡು ಸಮರ್ಪಿಸುರುಕು ಈತನುಕು ಸಹ ಯಂದದಾನ ಇಕ್ಕಿರಾದು ಅವಶ್ಯವಾಯಿದು,
4 ಈತನು ಭೂಮಿ ಮೆನಿ ಇನ್ನು ಇಕ್ಕಿರಾದೆ ಅನೇಕೆ ಯಜಕನಾಗರಕಾನಿ ಇಕ್ಕಿಲ್ಲ , ಯಂತ್ಗು ಇಂಡೆಕೆ ನ್ಯಾಯಪ್ರಮಾಣತ ಪ್ರಕಾರ ಕಾಣಿಕೆಲಾತ್ತೆಯಿ ಸಮರ್ಪಿಸಿರ ಯಾಜಕರು ಇಂದೇ ಇಕ್ಕ್ಯನು,
5 ಅಯಿಗ್ಯ ಪರಲೋಕತ್ಕೊರು ಇಕ್ಕಿರಂತಯಲಾತ ನಿದರ್ಶನನು ಛಾಯೆನೂ ಅಯ್ಯಿಕ್ಕಿರಪ್ಪೋರು (ಆಲಯತ್ಕೊರು )ಸೇವೆತ ನಡಿಪ್ಪಿಕ್ಕಿರಾದು,ಮೋಶೆ ದವ್ರಿಂಡು ಎಚ್ಚರಿಸಲ್ಪಟ್ಟು ಗುಡಾರತ ಸೇಯ್ಯಿರುಕು ಇಂದಪ್ಪೋರು –ಪಾರು;ನಾನು ಗಟ್ಟುಮೆನಿ ನಿನ್ಕು ಕಾಟ್ನಂತ ಪ್ರಕಾರನೆ ಅದ್ದಿನು ಸೇಯ್ಯಿರುದು.
6
7
6 ಅನೇಕೆ ಆತನು ಅತಕ್ಕಿಂತ ಶ್ರೇಷ್ಠಕ್ಕಿರ ಸೇವೆತ ಹೊಂದಿಕ್ಕಿರಿದಾಯಿದು;ಉತ್ತಮವಾಯಿಕ್ಕಿರ ವಾಗ್ದಾನಲಾ ಮೆನಿ ಸ್ಥಾಪಿತವಾಯಿಕ್ಕಿರ ಶ್ರೇಷ್ಠವಾಯಿಕ್ಕಿರ ಒಡಂಬಡಿಕೆತ್ಗು ಸಹ ಮಧ್ಯಸ್ಥನಾಯಿದು,
7 ಆ ಮೊದಲನೆತ ಒಡಂಬಡಿಕೆ ದೋಷ ಇಲ್ಲರದಾಯಿಂದೇಕೆ ರಂಡೆನೆತ್ಗು ಅವಕಾಶ ಇಕ್ಕ್ಯಕ್ಕಿಲ್ಲ.
8
9
8 ಆತನು ಅತ್ತ ಮೆನಿ ತಪ್ಪು ಹೊರೆಸಿ ಹಿನಾಗು ಇಂಡಸ್ –ಇಗೋ,ನಾನು ಇಸ್ರಯೇಲ್ ಮನೆತನತಯಲಾಂಟಿನು ಯೆಹೂದ ಮನೆತನತಯಲಾಂಟಿನು ಒಂಡು ಪುದೀ ಒಡಂಬಡಿಕೆತ ಸೆಂದುಗುರಂತ ದಿನಂಗ ವರಾದು,
9 ಈ ಒಡಂಬಡಿಕತ ನಾನು ಇಯಿಲಿತಾ ಪಿತೃಲಾತ್ತೆಯಿ ಕೈ ಪುಡುಸು ಐಗುಪ್ತದೇಶತಿಂಡು ಅಗುಸುಗೊಂಡು ವಂದ ದಿನ್ತುಕೋರು ಅಯಿಲಾಂಟಿ ಸೆಂದುಗೊಂಡ ಒಡಂಬಡಿಕೆಯಂತದಲ್ಲ; ಅಯಿಗ್ಯ ನಟ ಒಡಂಬಡಿಕೆಕೊಕು ಸ್ಥಿರವಾಯಿ ನಿಕ್ಕಿಲ್ಲ ಅತ್ರಿಂಡು ನಾನು ಅಯಿಲಾತ್ತೆಯಿ ಲಕ್ಷ್ಯತ್ಗು ಅತ್ಗುಲ್ಲ ಇಂಡು ಕರ್ತನು ಸೋನ್ನಾದು,
10
10 ಅ ದಿನು ಅದ್ದಿನು ಮುಗುಜು ಹೊನ್ನಪ್ಪೋರು ನಾನು ಇಸ್ರಯೇಲ್ ಮನೆತನತಯಲಾಂಟಿ ಸೆಂದುಗುರಾಂತ ಒಡಂಬಡಿಕೆಹಿನಾಗು ಇಕ್ಕ್ಯದು ----ನನ್ನ ಆಜ್ಞೆಲಾತ್ತೆಯಿ ಅಯಿಲಾತ ಮನಸುಕೋಕು ಅಕ್ಕ್ಯರೆ ; ಅಯಿಲಾಟ ಹೃದಯಲುಕೋಕು ವಾರಿಯರೇ ; ನಾನು ಅಯಿಲಿಕಿ ದವ್ರು ಅಯ್ಯಿ ಇಕ್ಕ್ಯರೆ , ಅಯಿಗ್ಯ ನನ್ಕು ಮಕ್ಕಿಗ್ಯ ಅಯ್ಯಿಕ್ಯನು,
11
12
11 ಇದಲ್ಲದೆ ಒಂಡೇ ಊರುಯಲಿಕಿನು ಅನ್ನ್ –ದೆಂಬಿಗಿನ್ಲುಕುನು ಕರ್ತನತ ಜ್ಞಾನ ಪಡಿಯಂಗೋ ಇಂಡು ಒಂಡಾಳುಕು ಒಂಡಾಳು ಸೋನ್ನುರಾದು ಬೇಕಾಗುಲ್ಲ; ಯಂತ್ಗು ಇಂಡೆಕೆ ಚಿನ್ನಾಯಿಲಿಂಡು ಬೆರಾಯ್ಲತನಕ ಅದ್ದಿನು ನಟ ಜ್ಞಾನತ ಪಡ್ಜಿಕ್ಯಾನು;
12 ನಾನು ಅಯಿಲಿತ ಅನಿತಿಯ ವಿಷಯವಾಯಿ ಕರುಣೆ ಇಕ್ಕಿರವಾಯ್ಯಿ ಅಯಿಲಿತ ಪಾಪಲುನೂ ಅಪರಾಧಲಾತ್ತೆಯಿನು ನಟ ನೆನಪುಕು ಎಮಾನ್ತಿಗು ಅತ್ತರಮಾಟೆ ಇಂಡು ಕರ್ತನು ಸೋನ್ನಿದು,
13
13 ಇಟಿ ಆತನು –ಪುದೀ ಒಡಂಬಡಿಕೆ ಇಂಡು ಸೋನ್ನಿಕ್ಕಿರಯಲಿಕೋರು ಮೊದಲು ಇಕ್ಕಿರತ್ತ ಪಗನತ್ತಾಯಿ ಸೇಂದಿದು, ಅದು ಪಗನದಾಗುತ ಕ್ಷಿಣವಾಯಿ ಇಲ್ಲರಾಕನಿ ಅಗುರುಕು ಸಿದ್ದವಾಯಿದು ಇಂಡು ಸೋನ್ನಾದು,