ಅದ್ಯಾಯ 6
1
2
3
1 ಅತ್ರಿಂಡು ಕ್ರಿಸ್ತನ ಭೋದನೆತ ಮೂಲ ಪಾಠಲಾತ್ತೆಯಿ ಉಟ್ಟೋಟು ನಿರ್ಜಿವ ಕ್ರಿಯೇಲಿಂಡು ಮಾನಸಾಂತರನೂ ದವ್ರ ಮೆನಿಕ್ಕಿರ ನಂಬಿಕೆನು
2 ಬಾಪ್ತಿಸ್ಮತ ಭೊದನೆನೂ ಹಸ್ತಾರ್ಪಣೆನೂ , ಶತ್ತಯಲಾತ ಪುನರುತ್ಥಾನನೂ ನಿತ್ಯಾವಾಯಿಕ್ಕಿರ ನ್ಯಾಯತಿರ್ಪೂ ಇಂಥ ವಿಷಯಲಿಕೊರು ಅಸ್ತಿವಾರತ ತಿಪಿಹೋಡಾದೇ ನಂಬ್ರು ಪರಿಪೂರ್ಣತೇಕು ಹೊಗೊಮಾಂಗ,
3 ದವ್ರತ ಚಿತ್ತವಾನೇಕೆ ಹಿನಾಗು ಸೇಯ್ಯೇಮು,
4
5
6
4 ಒಂಡು ಸತೀ ಬೆಳಕುತ್ತೆಯ್ಯಿ ಹೊಂದಿ ಪರಲೋಕತಿಂಡಾನಾ ದಾನತ ರುಚಿಯತ್ತೆಯಿ ಪಾತು ಪವಿತ್ರಾತ್ಮನುಕೋರು ಪಾಲುಗಾರರಾಯ್ಯಿ
5 ಶ್ರೇಷ್ಠವಾಯಿಕ್ಕಿರ ದವ್ರತ ವಾಕ್ಯನೂ ವರ್ರಾಂತ ಲೋಕತ ಮಹತ್ವತ್ತಯ್ಯಿನೂ ರುಚಿ ಪಾತ್ತಯ್ಯ ಬೂದುಹೋಗುರಾದನೇಕೆ
6 ಅಯಿಲಿಕಿ ಮತ್ತೆ ಮಾನಸಂತರ ಪರಪಿಕ್ಕಿರಾದು ಅಸಾದ್ಯ; ಯಂತ್ಗು ಇಂಡೆಕೆ ಅಯಿಗ್ಯ ತಂಗುಲಾತ ಪಾಲುಕು ದವ್ರು ಮಾವ್ವುನತ್ತೆಯಿ ತಿರಿಗಿ ಶಿಲುಬೆಕು ಹೋಡಾರಾಯ್ಯಲೂ ಅತನತ್ತೆಯಿ ಬಹಿರಂಗವಾಯಿ ಅವಮಾನ ಪಾಡುಸುರಾಯ್ಯಲೂ ಅಯ್ಯಿನೂ,
7
8
7 ಭೂಮಿ ತನ್ನು ಮೇಕು ಅನೆಕಾವರ್ತಿ ಪೆಯ್ಯಿರಾ ಮಗಲಾತ್ತೆಯಿ ಹಿರಿಗೊಂಡು ಅದು ಎತ್ತರ ನಿಮಿತ್ತವಾಯಿ ವ್ಯವಸಾಯ ಸೇಯ್ಯಲ್ಪಡಾದೋ, ಅಯಿಲಿಕಿ ಅನುಕೂಲವಾಯಿಕ್ಕಿರ ಬೆಳೆತ ಕೂಡತ್ತೆಕೆ ಆಶೀರ್ವಾದತತ್ತೆಯಿ ಹೊಂದಾದು ;
8 ಅನೇಕೆ ಅದು ಮುಳ್ಳು ಶಡಿಲ್ಯ ಕಳೆಲಾ ವಲಾಪ್ಪಿಚ್ಚಿಕೆ ತಿರಸ್ಕರಿಸಲ್ಪಟ್ಟು ಶಾಪತ್ಗೂ ಗುರಿಯಾಕ್ಕುದು,ಅತ್ರ ಅಂತ್ಯ ಸುಡ್ರಾದೇ,
9
10
9 ಅನೇಕೆ ಪ್ರಿಯರೆ ಈ ರಿತಿಯಾಯಿ ನಂಬ್ರು ವಸೆತ್ತೆನೆಕು , ನಿಂಗ ಇತ್ತಕಿಂತ ಉತ್ತಮವಾಯಿನೂ ರಕ್ಷಣಾಕರವಾಯಿನೂ ಇರಾಂಗ ಇಂಡು ದೃಡವಾಯಿ ನಂಬಿರೋ,
10 ನಿಂಗ ಪರಿಶುದ್ದರುಕು ಉಪಚಾರತ ಸೇಂದಿರಂಗ ಇನ್ನು ಸೇಯ್ಯಿತಿರಂಗ, ಈ ನಿಂಗಲಾತ ಪನಿತ್ತೆಯಿನೂ, ಇತ್ತಕೊರು ನಿಂಗ ಅತನತ ಪೆರುಮೆನಿ ಕಾಟ್ನಂತ ಪ್ರೀತಿ, ಪ್ರಯಾಸತ ಅಸ್ತೂಡುರುಕು ದವ್ರು ಅನ್ಯಾಯಸ್ತನಲ್ಲ,
11
12
11 ಅಂತ್ಯತನಕ ನಿರಿಕ್ಷೇತ ಸಂಪೂರ್ಣ ನಿಶ್ಚಯತ್ವತ್ಕಾಯಿ ನಿಂಗುಲುಕೋರು ಪ್ರತಿಯೊಂಡುನು ಅದೇ ಆಸಕ್ತಿಯತ್ತೆಯಿ ಕಾಟ್ರುದು ಇಂಡು ನಂಗ ಬಾಯಿಸಾರೋ,
12 ಹಿನಾಗೆ ನಿಂಗ ಮೈಗಳ್ಳುರಾಗಾದೆ ನಂಬಿಕೆಯಿಂಡೂ ತಾಳ್ಮೆಯಿಂಡೂ ವಾಗ್ದಾನಲಾತ್ತೆಯಿ ಭಾದ್ಯವಾಯಿ ಹೊಂದುರಂತಯಲಾ ಅನುಸರರಂಗಯಿರಂಗೋ,
13
14
15
13 ದವ್ರು ಅಬ್ರಹಾಮನುಕು ವಾಗ್ದದನ ಸೇಂದಪ್ಪೋರು,ತನ್ನಕಿಂತ ಹೆಚ್ಚಿನತ್ಮೆನಿ ಅಣಿ ಅಕ್ಕಿರುಕು ಅಗಾದೆ ತನ್ನಮೆನಿ ಅಣೆಅಚ್ಚು.
14 ಖಂಡಿತವಾಯಿ ನಿನ್ನ ಅಶಿರ್ವಾದಿಸೆ ಅಶಿರ್ವಾದಿಸಾರೆ, ನಿನ್ನತ್ತೆಯಿ ಹೆಚ್ಚಿಸೆ ಹೆಚ್ಚಿಸಾರೆ ಇಂಡು ಸೋನ್ನಿದು ಅದ್ನೆ
15 ಹಿನಾಗೆ ಅಬ್ರಹಾಮನು ತಾಳ್ಮೆಯಿಂಡು ಕಾತು ಆ ವಾಗ್ದನತ ಪಡ್ಜುಗೊಂಡುಸು,
16
17
18
16 ಮಣುಸ್ರು ಕರಾಣ್ಕೆ ತಂಗುಲಿಕ್ಕಿಂತ ಹೆಚ್ಚಿನತ ಮೆನಿ ಅಣಿ ಅಕ್ಕ್ಯನು ಅದ್ನೆ; ಅಣಿ ಸ್ಥಿರಪಡಸಿನ್ನಪ್ಪೋರು ಅತ್ತುಲ್ಲಿ ವಿವಾದ ಯಂದಾದು ಇಕ್ಕಿದಿಲ್ಲ;
17 ಅತ್ಗೊರು ದವ್ರು ತಟ ಸಂಕಲ್ಪವು ನಿಶ್ಚಲವಾಯಿಕ್ಕಿರಾದು ಇಂಗಿರಾತ್ತ, ವಾಗ್ದನತ್ಗು ಭಾದ್ಯರಾಗುರಾಯಿಲಿಕಿ ಬಹು ಸ್ಪಷ್ಟವಾಯಿ ಕಾಟ್ರುದುಯಿಂಡು ಅಣಿಅಚ್ಚು ತಟ ವೋಕತ್ತೆಯಿ ಸ್ಥಿರಪಡಿಸಿದು,
18 ಆಶ್ರಯ ಹೊಂದುರುಕು ಓಡಿವಂದು ನಂಬುರುಮುನುಕು ಅಚ್ಚಿಕ್ಕಿರ ನಿರೀಕ್ಷೆಯತ್ತೆಯಿ ಪುಡುಸುಗೊಂಡಿಕ್ಕಿರಂಗಾನಾ ನಂಬ್ರು ಸುಳ್ಳು ಸೋನ್ನಾದೆ ದವ್ರತ ರಂಡು ನಿಶ್ಚಲವಾಯಿಕ್ಕಿರ ಅಧಾರಲುಕೊರು ನಂಬುರುಕು ಬಲವಾಯಿಕ್ಕಿರ ಆದರಣೆ ಉಂಟಾಸು,
19
20
19 ಆ ನಿರೀಕ್ಷೆ ನಂಬುರುತ ಪ್ರಾಣತ್ಗೂ ಲಂಗರದ ಅಯ್ಯಿಂದು ಕರಾಣ್ಕೆ ಸ್ಥಿರವಾಯಿಕ್ಕಿರಾದು ಅಯಿದು,ಅದು ತೆರೆಯೂಲ್ಲಿಕಿ ಹೋಗುರಾಂತದು,
20 ಯೇಸು ಸದಾಕಾಲನು ಮೇಲ್ಕಿಜೆದೇಕನ ತರಹತ ಮಹಾಯಜಕನಾಯಿ ಸೇಯ್ಯಲ್ಪಟ್ಟು ನಂಬ್ರುಕೊಸ್ಕರ ಮುಂದಾಯಿ ಅತ್ತುಲಿಕಿ ಹೊಯಿದು,