ಅದ್ಯಾಯ 5
1
2
3
1 ಪ್ರತಿಯೊಂಡು ಮಹಯಜಕನು ಮಣುಸುರುಲ್ಲಿಂಡು ಪೆರಿಕಿಗೊಂಡು ಮಣುಸುರುಕೊಸ್ಕರ ದವ್ರತ ಕಾರ್ಯಲುಕೊಸ್ಕರ ನೇಮಿಸಲ್ಪಡಾದು ; ಅದು ಕಾಣಿಕೆಲುನೂ ಯಜ್ಞಲುನೂ ಪಾಪಲುಕೊಸ್ಕರ ಸಮಾರ್ಪುಸುರುದು,
2 ತಾನು ಬಲಹೀನನಾಯಿಕ್ಕಿರತಿಂಡು ಅದು ಜ್ಞಾನ ಇಲ್ಲರಯ್ಯಲ ಮೆನಿನೂ ಯಗಿ ತಪ್ಪಿಕ್ಕಿರಯ್ಲ ಮೆನಿನೂ ಕರುಣೆ ಕಾಟುಬಲ್ಲದು,
3 ಆ ಬಳಹಿನಾತೆಯ ಕಾರಣತಿಂಡೂ ಅದು ಜನುರುಕೊಸ್ಕರ ಹೆನಾಗೋ ಹಾನ್ಗೆ ತನುಕೊಸ್ಕನು ಪಾಪನಿವಾರಣ ಯಜ್ಞಲಾತ್ತೆಯಿ ಅರ್ಪಿಸರಾಂತದು ಅಯಿದೂ.
4
5
4 ಇದಲ್ಲದೆ ಎದುನೂ ತನ್ನದ್ನೂಕು ತಾನೇ ಈ ಗೌರವತ ವಹಿಸಿಗ್ಯದೆ ಆರೋನನ ತರ ದವ್ರಿಂಡು ನೇಮಿಸಿಲ್ಪಟ್ಟಿಕ್ಯದು
5 ಹಾನಗೆ ಕ್ರಿಸ್ತನು ಸಹ ಮಹಯಜಕನಾಗುರುಕು ತನ್ನತ್ತೆಯ್ಯಿ ತಾನೇ ಘನಪಡಿಸಿಗಿಲ್ಲ; ಅನೇಕೆ ---ನನ್ಕು ನೀನು ಮವ್ವು; ನಿನತ್ತೆಯಿ ಈ ದಿನು ನಾನೇ ಪಡಜಿರೆ ಇಂಡು ಸೋನ್ನಿಕ್ಕಿರಂತದೆ ಈ ಗೌರವತ ಅತನುಕು ಕುಡ್ತುಸು,
6
6 ಆತನು ಇನ್ನೊಂಡು ಜಾಗುತ್ಕೊರು –ನೀನು ಸಾದಕಾಲನೂ ಮೇಲ್ಕಿಜೆದೇಕನ ತರತ ಯಜಕನು ಇಂಡು ಸೋನಾದು,
7
8
7 ಆತನು ತಟ ಶರೀರತ ದಿಂತ್ಕೊರು ಮರಣತಿಂಡು ತಪ್ಪುಸುರುಕು ಶಕ್ತನಾಯಿಕ್ಕಿರಾತನುಕು ಬಲವಾಯಿ ವದ್ರುತಾ ಕನ್ನೆರು ಸುರುಸುತಾ ಪ್ರಾರ್ಥನೆ ವಿಜ್ಞಾಪಾನೇ ಸಮರ್ಪಿಸಿ ದವ್ರು ಮೆನಿ ಭಯ ಭಕ್ತಿಯಿಂಡು ಕೋಟುಗೊಂಡುಸು,
8 ಹಿನಾಗು ಆತನು ಮವ್ವುನಾಯಿಂದೆಕೆನೂ ಅನುಭವುಸುನಾ ಬಾಧೆಲಿಂಡೆ ವಿಧೇಯತೆ ಅತ್ತೆಯಿ ಕೆಚ್ಚುಗೊಂಡುಸು,
9
10
11
9 ಇದಲ್ಲದೆ ಆತನು ಸಿದ್ದಿಕಿ ವಂದು ತನುಕು ವಿಧೇಯರಾಯಿಕ್ಕಿರಲಾದ್ದಿಕಿನೂ ನಿರಂತರವಾನ ರಕ್ಷಣೆಕು ಆತನು ಕರ್ತನಾಸು
10 ಆತನು ದವರಿಂಡು ಮೇಲ್ಕಿಜೆದೇಕನ ತರಹತ ಮಹಾಯಜಕನಿಂಡು ಇಂಗಿಪ್ಪಿಚ್ಚುಗೊಂಡುಸು,
11 ಆತನತ ವಿಷ್ಯತ್ಕೊರು ನಂಬ್ರು ಸೋನ್ನುರಂತಾದು ಶನ ಇದು, ನಿಂಗುಲುತಾ ಸವ್ವಿಗ್ಯ ಮಂದವಾಯಿಕ್ಕಿರತಿಂಡು ಅತ್ತ ವಿವರಿಸರಾದು ಕಷ್ಟಯಿದು,
12
13
14
12 ನಿಂಗ ಇಯ್ಯಳ್ಳಿಕಾಪ್ಪೋತಿಗೆ ಬೋದಕರಾಗುರ್ದಿಂಚು ಅನೇಕು ಒಂಡು ನಿಂಗುಲುಕು ದೈವೊಕ್ತಿಲಾತ ಮೂಲ ಪಾಠಲಾತ್ತೆಯಿ ತಿರಿಗಿ ಕೆಪಿಚ್ಚು ತಾರದಾಯಿದು; ನಿಂಗ ಪಾಲು ಕುಡ್ಕಿರಾಂಗ್ಲೇ ಹೊರುತು ಗಟ್ಟಿಯಾಯಿಕ್ಕಿರ ಕಲಿ ತಿಂಗಿರಂಗಲ್ಲ,
13 ಪಾಲು ಕುಡ್ಕಿರಾದು ಕೂಸು ತರಾ ಇಂದೂ, ನೀತಿವಾಕ್ಯತ್ಕೊರು ಅನುಭವವಿಲ್ಲರಂತಾದಾಯಿದು
14 ಅನೇಕೆ ಗಟ್ಟಿಯಾಯಿಕ್ಕಿರ ಕಲಿ ಪ್ರಾಯಸ್ಥರು ಅಂತಾಯಿಲಿಕಿ ಇಂಡೆಕೆ ತಂಗುಲುತಾ ಜ್ಞಾನಂದ್ರಿಯಲಾತ್ತೆಯಿ ಸಾಧನೆಯಿಂಡು ಶಿಕ್ಷಿಸಿಗೊಂಡು ನಲ್ಲತ್ತೂ ಕೊಟ್ಟಿಯತ್ತೂ ತಿಲ್ಜಾಯಿಲಿಕೊಸ್ಕರವಾಯಿದು