ಅದ್ಯಾಯ 12
1 ಅತ್ರಿಂಡು ಇದ್ನಾಳು ಸಾಕ್ಷಿತಯ್ಯ ಮೇಘತ ರೂಪತ್ಕೊರು ನಂಬ್ರು ಸುತ್ತಲು ಇಕ್ಕಿರತಿಂಡು
ಅದ್ದಿ ಬಾರಲಾತ್ತೆಯ್ಯಿನೂ, ಸುಲಭವಾಯಿ ಮುತ್ತಿಗಿರ ಪಾಪಲಾತ್ತೆಯಿ ನಂಬ್ರು ವಂಗಿ ಅಚ್ಚು,
2 ನಂಬುರುಕು ನಂಬಿಕೆ ಪರ್ಪಿಕ್ಕಿರಾತನು ಅತ್ತ ಪುರೈಸುವಾತನು ಅಯಿಕ್ಕಿರ ಯೇಸುವಿನ ಮೇಕು ದೃಷ್ಟಿಯಚ್ಚು ನಂಬುರು ಮುನುಕು ಅಚ್ಚಿಕ್ಕಿರ ಓಟತ ತಾಳ್ಮೆಯಿಂಡು ಓಡೋಮು,ಆತನು ನಂಬುರು ಮುನುಕು ಅಚ್ಚಿಕ್ಕಿರ ಸಂತೋಷತ್ಕೊಸ್ಕರ ಶಿಲುಬೇಯತ್ತೆಯಿ ಸಹಿಸಿಗೊಂಡು ಅವಮಾನತ ಅಲಕ್ಷ್ಯ ಸೆಂದುಸೆಂದು ದವ್ರತ
3 ನಿಂಗ ಮನನೊಂದಿಕ್ಕಿಕ್ಕರಂಗಾಯ್ಯಿ ಬೆಸಾರ್ ಸೆಂದುಗಾರಕನಿ, ಆತನು ತಾನೆ ಪಾಪಿಲಿಂಡು ಎದ್ನೋ ವಿರೋದತ ಸಹಿಸಿಗೊಂಡುಸು ಇಂಗಿರಾತ್ತ ನಿಂಗ ಆಲೋಚನೆ ಸೇಯ್ಯಂಗೋ,
4
5
6
4 ನಿಂಗ ಪಾಪತ್ಕು ವಿರೋದವಾಯಿ ಹೋರಾಡುತ್ಕೊರು ಜಿವುತುಗು ಅಪಾಯ ವರ್ದ್ನು ಎದುರುಸುಲ್ಲ,
5 ಮಕ್ಕಿಲಿಕಿ ಸೋನ್ನುರುಕನಿ ನಿಂಗುಲುಕು ಸೋನ್ನಂತ ಎಚ್ಚರಿಕೆತ ವೋಕುಲಾತ್ತೆಯ್ಯಿ ಅಸ್ತುಟ್ಟೋಟ್ಟಿರಂಗ್ಲ? ಯಂದಾದು ಇಂಡೆಕೆ ---ನಟ ಮವ್ವುನೆ, ಕರ್ತನತ ಶಿಕ್ಷೆಯತ್ತೆಯಿ ತಾತ್ಸಾರ ಸೇಯ್ಯಮಾನ; ಇಲ್ಲ ಆತನು ನಿನ್ನ ಗದರಸಂದು ಬೆಸಾರತ ಸೆಂದುಗುಮಾನ,
6 ಕರ್ತನು ತಾನು ಪ್ರಿತಿಸಾರಯಲೇನೆ ಶಿಕ್ಷಿಸಾದು; ತಾನು ಸೇರಿಪ್ಪಿಕ್ಕಿಚ್ಚಿಕ್ಕಿರ ಪ್ರತಿಯೊಂಡು ಮಕ್ಕಿಲಿನೂ ಮತಾದು,ಇಂಗಿರಾದೆ,
7
8
7 ನಿಂಗ ಶಿಕ್ಷೆತ ತಾಳಿಗೊಂಡೆಕೆ ದವ್ರು ನಿಂಗಲಾನ ಮಕ್ಕಿಲ ತರ ನಡಿಪ್ಪಿಕ್ಯದು; ತೋಪುನಿಂಡು ಶಿಕ್ಷೆ ಹೊಂದಾರಂತ ಮವ್ವು ಎಟಿದು?
8 ನಿಂಗ ಶಿಕ್ಷೆ ಹೊಂದುರಾ ಅದ್ದಿ ಆಂಟಿನೂ ಪಾಲುಗಾರರು ಅಗಾದಿಂದೆಕೆ ನಿಂಗ ಮಕ್ಕಿಗ್ಯ ಅಗಾದೆ ಹಾದರತ್ಗು ಪರ್ದ್ದಿಕ್ಕಿರಯ್ಯ ಅಕ್ಕರಂಗ ;
9
10
11
9 ಇದು ಮಾತ್ರವಲ್ಲದೆ ನಂಬುರುನ ಶಿಕ್ಷೆಸಿಕ್ಕಿರ ಶರೀರ ಸಂಬಂಧವಾಯಿಕ್ಕಿರ ತೋಪುನತ್ತೆಯ್ಯಿ ಸನ್ಮಾನಿಸಿರೋ ಅದನೆ;ಅತ್ಮಲುಕು ತೋಪುಯಿಕ್ಕಿರತ್ಗು ನಂಬ್ರು ಇನ್ನು ಎದ್ನು ಹೆಚ್ಚಯ್ಯಿ ಒಳಪಟ್ಟು ಜಿವುಸುರುದುದಾಲ್ಯ?
10 ಅಯಿಗ್ಯ ಕೆಲವು ದಿನುತಾ ಪ್ರಯೋಜನತ್ಕಾಯಿ, ಅಯಿಲಿಕಿ ಮನುಸುಕು ವಂದಾಕನಿ ನಂಬುರುನ ಶಿಕ್ಷಿಸುನು;ಅತನಾನೆಕೋ ನಂಬ್ರು ತಟ ಪರಿಶುದ್ದತೆಕೋಕು ಪಾಲುಗಾರರಾಗುರುದು ಇಂಡು ನಂಬ್ರುತಾ ಪ್ರಯೋಜನತ್ಕಾಯಿ ಶಿಕ್ಷಿ
11 ಎದೆ ಶಿಕ್ಷೆ ಅನೆಕೂ ತತ್ಕಾಲತ್ಗೂ ಸಂತೋಷವಾಯಿ ಕಂಗಾದೆ ಕ್ರೂರವಾಯಿ ಕಂಗಾದು;ಅನೆಕೂ ಪರುಗುಂಡು ಶಿಕ್ಷೆ ಹೊಂದಿಕ್ಕಿರಯಿಲಿಕಿ ಸಮಾಧನವುಳ್ಳ ನೀತಿಯ ಪಲತ ಕುಡ್ಕಾದು,
12
13
12 ಅತ್ರಿಂಡು ನಿಂಗಲಾತ ಜೋಲುಬೂದಿಕ್ಕಿರ ಕೈಲಾತ್ತೆಯಿನೂ ಬಲಹೀನವಾಯಿಕ್ಕಿರ ಮೊಣಕಾಲತ್ತೆಯಿ ನೆಟ್ಟಗು ಸೇಯ್ಯಂಗೋ
13 ನಿಂಗುಲಾತ ಕಾಲುಕು ನಿಟಾಯಿಕ್ಕಿರ ಎಗಿಲಾತ್ತೆಯಿ ಸೇಯ್ಯಂಗೋ ಹಿನಾಗು ಸೆಂದೇಕೆ ಕುಂಟುಕಾಲು ಹುಳಾಕದೇ ವಾಸಿಯಾಕ್ಕುದು,
14
15
16
17
14 ಅದ್ನಾಳಾ೦ಟಿನೂ ಸಮಾಧಾನತಿಂಡೂ ಪರಿಶುದ್ದತೆಯಿಂಡೂ ಇಕ್ಕಿರಿಕು ಪ್ರಯತ್ನ ಸೇಯ್ಯಂಗೋ,ಪರಿಶುದ್ದತೆ ಇಲ್ಲರ ಎದುನೂ ದವ್ರತ್ತೆಯಿ ಕಾಂಗಾದಿಲ್ಲ,
15 ನಿಂಗುಲುಕೊರು ಎದಾನ ದವ್ರತ ಕೃಪೆತ್ಗು ತಪ್ಪಿಹೊಗಾರಕನಿ, ಎದೆ ವಿಷ ಇಕ್ಕಿರ ಬೇರೂ ನಿಂಗುಲುಕೋರು ಚಿಗುರಿ ಕಳವಳ ಪರ್ಪಿಚ್ಚು ಅತ್ರಿಂಡು ಅನೇಕರು ಅಶುದ್ದರಾಗರಕನಿನೂ,
16 ಏದೇ ಜಾರನಾಗೋಟು ಎಸಾವನಂಥ ಪ್ರಾಪಂಚಿಕನಾಗೋಟು ನಿಂಗುಲುಕೋರು ಇಕ್ಕ್ಯರಕನಿ ಜಾಗ್ರತೆಯಿಂಡೂ ಪಾತುಗೊಂಗೋ; ಆ ಎಸಾವನು ತುತ್ತುಕಲಿಕಾಯಿ ತಟ ಚೋಚ್ಚಲತನತ ಹಕ್ಕತ್ತೆಯಿ ಇಚ್ಚೋಡುಸು,
17 ಪರ್ಗುಂಡು ಅದು( ತಟ ತೋಪುನತಾ ) ಅಶಿರ್ವಾದತ ಬಾಧ್ಯವಾಯಿ ಹೊಂದುರುದು ಇಂಡು ಕನ್ನೆರು ಅಚ್ಚು ಬೇಡಿಗೊಂಡೆಕೆನು ಪಶ್ಚಾತ್ತಾಪತ್ಗೂ ಏಗಿಯಿಲ್ಲದೆ ನಿರಾಕರಿಸಲ್ಪಟ್ಟುಸು ಇಂಡು ನಿಂಗ ತಿಲ್ಜುಗೊಂಡಿರಂಗ,
18
19
20
21
18 ನಿಂಗ ಮುಟ್ಟುಬಹುದಾಯಿಕ್ಕಿರ ಮತ್ತೆ ನೆರ್ಪು ಆಂಟಿಕ್ಕಿರ ಗಟ್ಟುಕುನೂ ಮಾಡತ ಮೊಬ್ಬುಕುನೂ, ನಬ್ಬುಕುನೂ ಬಿರುಗಾಲಿಕಿನೂ, ತೂತೂರಿಯ ಧ್ವನಿಕಿನೂ ವೋಕುಲಾತ ಶಬ್ಥಕುನೂ ವಂದಂಗಲ್ಲ
19 ಆ ಶಬ್ಥತ ಕೋಟಾಯ್ಯ ಇನ್ನು ನಂಗುಲುಕು ಒಂಡು ವೋಕಾನಾ ಸೋನ್ನುರುದಲ್ಲಯಿಂಡು ಹೊಡಿಗೊಂಡುಸುನು,
20 (ಯಂತ್ಗು ಇಂಡೆಕೆ ಎದೇನಾ ಪ್ರಣಿಗ್ಯ ಗಟ್ಟುತ್ತೆಯ್ಯಿ ಅತ್ತುನೇಕೆ ಅತ್ತ ಕೆಲ್ಲಪೆಟಿ ಕೊಲ್ಲುರ್ದಿಂಚು; ಇಲ್ಲ ಈಟಿಯಿಂಡು ತಿವಿರಿದು ಇಂಗಿರಾ ಅಯಿಲಿತಾ ಅಜ್ಞಾಪಾನೇಯತ್ತೆಯಿ ತಾಳಲಾರದೆ ಇಂಚುನು,
21 ಅದಲ್ಲದೇ ಅಟಿ ಕಂಡದು ಅದ್ನು ಭಯಂಕರವಾಯ್ಯಿಕ್ಕಿರತಿಂಡು ಮೋಶೆ—ನನ್ಕು ಶನ ಬಿತ್ ಅಗ್ತಿದು,ನಡುಗುತಿರೇ ಇಂಡು ಸೋನ್ನುಸು)
22
23
24
22 ಅನೇಕೆ ನಿಂಗ ಚಿಯೋನ್ ಪರ್ವತ್ಕು ಜಿವಸ್ವರೂಪನಾಯ್ಯಿಕ್ಕಿರ ದವ್ರತ ಪಟ್ಟಣವಾಯಿಕ್ಕಿರ ಪರಲೋಕತ ಯೆರೆಸೆಲೆಮುಕೂ ಎಣಿಸಲಸಾದ್ಯವಾಯಿಕ್ಕಿರ ದೂತ ಗಣಲುಕು
23 ಪರಲೊಕತ್ಕೊರು ಪೆರುವರ್ಪಿಚ್ಚಿಗೊಂಡಿಕ್ಕಿರ ಸಾರ್ವತ್ರಿಕ ಸಂಘತಗು ಚೋಚ್ಚಲ ಮಕ್ಕಿಲಾತ ಸಭೆತ್ಗು ಅದ್ದಿಕಿನೂ ನ್ಯಾಯದಿಪತಿಯಾಯಿಕ್ಕಿರ ದವರಂಚುಗುನೂ ಸಿದ್ದಿಕಿ ವಂದಿಕ್ಕಿರ ಅತ್ಮಲಾತ೦ಚುಗು,
24 ಪುದೀ ಒಡಂಬಡಿಕೆತ್ಗೂ ಮಧ್ಯಸ್ಥನಾಯಿಕ್ಕಿರ ಯೇಸುವಿನಂಚುಗು ಹೆಬೆಲನತ ರಗುತ್ಕ್ಕಿಂತ ಹಿತಾಕರವಾಯಿ ವಸ್ಸೇತ್ತರ ಪ್ರೋಕ್ಷಣ ರಗುತಂಚುಗು ವಂದಿರೋ,
25
26
25 ನಿಂಗ ವಸ್ಸೇತ್ತಿಕ್ಕಿರತನ ವೋಕುಲಾತ್ತೆಯಿ ಕೊಕುಮಾಟೋ ಇಂಗಿರಿದಲ್ಲ,ಯಂತ್ಗು ಇಂಡೆಕೆ ಭೂಮಿ ಮೆನಿ ವಸ್ಸೇತ್ತಿಕ್ಕಿರತ್ತೆಯಿ ಅಸಡ್ಡೆ ಸೇಂದಿಕ್ಕಿರತ್ಗು ಅಯಿಗ್ಯ ತಪ್ಪಿಸಿಗಿರುಕು ಅಗಾರಪ್ಪೋರು ಪರಲೋಕತಿಂಡು ವಸ್ಸೇತ್ತ್ರ ಆತನಕು ನಂಬುರು ಬೆಲೆ ಕುಡಕುರುಕು ಮನಸಿಲ್ಲದೇ ತೋಲುಗುನೇಕೆ ಹೆನಾಗು ತಪ್ಪಿಸಿಗ್ಯರೋ?
26 ಅತನತ ದ್ವನಿ ಅಪ್ಪೋರು ಭೂಮಿಯತ್ತೆಯಿ ಕದಲುಸುಸು;ಇಪ್ಪೋರಾನೆಕೋ –ಆತನು ಇನ್ನೊಂಡೆ ಸತಿ ನಾನು ಭೂಮಿ ಮಾತ್ರವಲ್ಲದೆ ಪರಲೊಕತ್ತೆಯಿನೂ ಕದಲಿಸಾರೆ ಇಂಡು ವಾಗ್ದಾನ ಸೇಂದಿದು,
27
28
29
27 ಇದಲ್ಲದೆ ಇನ್ನೊಂಡೆ ಸತಿ ಇಂಡಿಕ್ಕಿರ ವೋಕು ಕದಲಿಸಿಕ್ಕಿರ ವಸ್ತುಗ ನಿರ್ಮಿತವಾಯಿಕ್ಕಿರತಿಂಡು ವಂಗಿಹೋಡುರುದು ಇಂಗಿರತ್ತ ಸೂಚಿಸಾದು;ಅಪ್ಪೋರು ಕದಲಿಸಾದೆ ಇಕ್ಕಿರ ವಸ್ತುಗ ಸ್ಥಿರವಾಯಿ ನಿಕ್ಯನು,
28 ಅನಾಗಯ್ಯಿ ಎದುನೂ ಕದಲುಸುರುಕು ಅಗಾರಂಥ ರಾಜ್ಯತ ಪಡಿರಂತ ನಂಬುರು ವಿನಯತಿಂಡೂ ದವರತ ಭಯತಿಂಡು ದವ್ರತ್ತೆಯ್ಯಿ ಯೋಗ್ಯವಾಯಿ ಸೇವಿಸಿರ್ಕನಿ ಕೃಪೆಯತ್ತೆಯಿ ಹೊಂದಿಗೊಮಾಂಗ,
29 ಯಂತ್ಗು ಇಂಡೆಕೆ ನಂಬುರುತಾ ದವ್ರು ದಹಿಸಿರ ಅಗ್ನಿಯಾಯಿದು,