ಅದ್ಯಾಯ 13
1
2
1 ಸಹೋದರತ ಪ್ರೀತಿ ನೆಲೆಯಾಯ್ಯಿ ಇಕ್ಕ್ಯೋಟು.
2 ಬೇರೆಯಲಿಕಿ ಸತ್ಕಾರತ ಸೇಯ್ಯಿರತ್ತ ಅಸ್ತುಡುಮಾನಂಗ; ಇತ್ತ ಸೇಯ್ಯಿರತ್ತಕೋರು ಕೆಲವುರು ಗೊತ್ತಗಾದೆ ದೂತರುಲತ್ತೆಯ್ಯಿ ಸತ್ಕರಿಸಿನು,
3
4
3 ಸೆರೆ ಅಯಿಕಿರಲಾಂಟಿ ನಿಂಗುಲು ಬಂದಿಸಲ್ಪಟ್ಟಿರಯ್ಯ ಇಂಡು ಅಯಿಲಾತ್ತೆಯಿ ಜ್ಞಾಪಕ ಸೆಂದುಗೊಂಗೋ,ನಿಂಗ ಶರಿರತ್ಕೊರು ಇಕ್ಕಿರತಿಂಡು ಕಷ್ಟತ ಅನುಭವಿಸರಾಯಲ್ಲತ್ತೆಯ್ಯಿ ನೆನಸಂಗೋ,
4 ಕನ್ನೆಲು ಅದ್ದಿಕೊರು ಗೌರವವಾಯಿಕ್ಕಿರಾದು,ಪಂಡು ಮನಗುನುತ ಸಂಬಂದ ನಿಷ್ಕಳಂಕವಾಯಿಕ್ಕಿಟ್ಟೋ, ,ಅನೇಕೆ ಜಾರರುಕುನು ವ್ಯೆಬಿಚಾರಿಲಿಕಿ ದವ್ರು ನ್ಯಾಯ ತಿರಿಸಾದು.
5
6
5 ನಿನ್ಗುಳುತಾ ನಡತೆ ದ್ರವಾಶ್ಯೇಯಿಲ್ಲರದಾಯಿಕ್ಕಿಟೋ; ನಿಂಗುಲುಕು ಇಕ್ಕಿರತ್ಕೊರು ತೃಪ್ತರಾಯ್ಯಿ ಇರಂಗೋ; ಯಂತ್ಗು ಇಂಡೆಕೆ –ನಾನು ಎಮಾನ್ತಿಗು ನಿಂಗುಲುನ ಕೈ ಉಡುಮಾಟೆ ಇಲ್ಲ ತೋರಿಮಾಟೆ ಇಂಡು ಆತನು ಸೋನ್ನಿದು,
6 ಅತ್ರಿಂಡು ಕರ್ತನು ನನ್ಕು ಸಹಾಯಕನು, ಬಿತ್ಗುಮಾಟೆ ಮಣುಸ್ರು ನಂಬುರುಕು ಯಂತ ಸೇಯ್ಯನು ಇಂಡು ದೈರ್ಯವಾಯಿ ಸೋನ್ನುಬೋದು,
7
8
7 ನಿಂಗುಲುಕು ದವ್ರತ ವಾಕ್ಯ ಸೋನ್ನಿಕ್ಕಿರ ಸಭಾ ನಾಯಕರಲಾತ್ತೆಯಿ ಜ್ಞಾಪಕ ಸೆಂದುಗೊಂಗೋ;ಅಯಿಗ್ಯ ಅಂತ್ಯತನಕ ಎ ತರ ನಡದುಗೊಂಡುಸ್ಸುನು ಇಂಡು ಆಲೋಚನೆ ಸೇಯ್ಯಂಗೋ,ಅಯಿಲಿತ ನಂಬಿಕೆಯತ್ತೆಯಿ ಅನುಸರಸಂಗೋ,
8 ಯೇಸು ಕ್ರಿಸ್ತನು ನೆಸು ಇಂದಕನಿ ಈ ಹೊತ್ತು ಇದು;ನಿರಂತರನು ಹಾನಗೆ ಇಕ್ಕಿಯದು,
9
10
11
9 ನಾನ ವಿದವಾಯಿಕ್ಕಿರ ಉಪದೇಶತ ಸೇಳವುಕು ಸಿಕ್ಕುಮಾನಂಗ; ದವ್ರತ ಕೃಪೆಯತ್ತೆಯಿ ಅತುಗೊಂಡು ಮನಸ್ಸತ್ತೆಯಿ ದೃಡಸೆಂದುಗುರಾದು ಉತ್ತಮವಾಯಿದು,ತಿಂಗಿರಿ ಪದಾರ್ಥಲಿಂಡು ಅಥಾವ ಅತ್ತ ವಿಶೇಷಿ ನಡಕರತ್ತಿಂಡು ಯಾಂದಾದು ಪ್ರಯೋಜನ ಇಲ್ಲ,
10 ನಂಬುರುಕು ಒಂಡು ಯಜ್ನವೇದಿ ಇದು,ಅತ್ರ ಪದಾರ್ಥತ ತಿಂಗಿರುಕು ಗುಡಾರತ್ಕೊರು ಸೇವೆ ಸೇಯಿರಯಲಿಕಿ ಹಕ್ಕಿಲ್ಲ,
11 ಮಹಾಯಜಕನು ದೋಷಪರಿಹಾರಕ ಯಜ್ಞತ ಮಾಡುಲಾತ ರಗ್ತ ಅತ್ಗೊಂಡು ಪವಿತ್ರಸ್ಥಾನತೂಲ್ಲಿಕಿ ಹೊನ್ನಪ್ಪೋರು ಆ ಪಶುಲಾತ ದೇಹಗ ಪಾಳೆಯಾತ ಅಕ್ಕಿಡಿಕಿ ಸುಡಲ್ಪಡದು,
12
13
14
12 ಅದರಂತೆ ಯೇಸು ಸಹ ನಂಬುರತ ಪಾಪಲ್ಕಾಯಿ ತಟ ಸ್ವಂತ ರಗುತಾ ಸುರಿಸಿ ಊರುಬರುಕು ಶ್ರಮೆ ಪಟ್ಟುಸು (ಶತ್ತುಸು),
13 ಅತ್ರಿಂಡು ನಂಬ್ರು ಅತನತ ನಿಮಿತ್ತವಾಯಿ ನಿಂದನೆಯತ್ತೆಯಿ ತಾಲಿಗೊಂಡು ಪಾಳೆಯಾತ ಅಕ್ಕಿಡಿಕಿ ಆತನಂಚುಗು ಹೊಗೊಮಂಗ,
14 ಯಂತ್ಗು ಇಂಡೆಕೆ ಇಟಿ ನಂಬುರುಕು ಶಾಶ್ವತವಾಯಿಕ್ಕಿರ ಊರು ಇಲ್ಲ,ಮುನ್ನುಕು ವರ್ರ ಊರುತ್ತೆಯಿ ದವ್ವುರಂಗಾಯಿರೋ,
15
16
17
15 ಅತ್ರಿಂಡು ಅತನತ ಮೂಲಕನೆ ದವ್ರುಕು ಸ್ತೋತ್ರತ ಯಜ್ಞತ ಎಡಬಿಡದೆ ಸಮರ್ಪಿಸೋಮು,ಇಂಡೆಕೆ ‘ ಆತನು ಕರ್ತನು ಇಂಡು ವಾಯಿಂಡು ಪ್ರತಿಜ್ಞೆ ಸೇಯ್ಯಿರಾದೆ ನಂಬುರು ಅತನುಕು ಅರ್ಪುಸರ ಯಜ್ಞವಾಯಿದು,
16 ಇದಲ್ಲದೆ ನಲ್ಲತ ಸೇಯ್ಯಿರಾದು ಉದಾರವಾಯಿ ಕುಡ್ಕುರಾತ್ತ ಅಸ್ತುಡುಮಾನಂಗ; ಇದೇ ದವ್ರುಕು ಮೆಚ್ಚುಕೆಯಾಯಿಕ್ಕಿರ ಯಜ್ಞಗ,
17 ನಿಂಗುಲುತಾ ಸಭಾನಾಯಕರತ ವೋಕುಲಾತ್ತೆಯಿ ಕೊರಂಗೋ;ಅಯಿಲಿಕಿ ಅದಿನರಾಗೊಂಗೋ,ಅಯಿಗ್ಯ ಲೆಕ್ಕತ ಒಪ್ಪುಸರಾಯ್ಯ ಅಯ್ಯಿ ನಿಂಗುಲುತಾ ಆತ್ಮಲಾತ್ತೆಯಿ ಕಾಕುರಾಯ್ಯ ಅಯ್ಯಿನೂ,ಅಯಿಗ್ಯ ವ್ಯಸನ ಪಡದೇ ಇತ್ತ ಸಂತೋಷತಿಂಡು ನಡಿಪ್ಪಿಕ್ಕಿರಕನಿ ಪಾತುಗೊಂಗೋ,ಅಯಿಗ್ಯ ವ್ಯಸನತಿಂಡು ಇಕ್ಕಿರಾದು ನಿಂಗುಲುಕು ನಲ್ಲದಲ್ಲ,
18
19
18 ನಂಗುಲುಕೊಸ್ಕರ ಪ್ರಾರ್ಥನೆ ಸೇಯ್ಯ೦ಗೋ;ನಂಬರು ಅಡ್ಡಿ ವಿಷಯತ್ಕೊರು ಪ್ರಮಾಣಿಕರಾಯ್ಯಿ ನಡದುಗುರುದು ಇಂಡು ಅಪೇಕ್ಷಿಸರಯ್ಯ ಅಯಿಕರ ನಂಬುರುಕು ನಲ್ಲ ಮನಸಾಕ್ಷಿ ಇದು ಇಂಡು ನಂಬಿರೋ,
19 ನಿಂಗ ಇತ್ತಾದ್ದಿ ಸೇಯ್ಯಂಗೋ,ಇಂಡು ನಾನು ನಿಂಗುಲಾನ ಬಹು ವಿಶೇಷವಾಯಿ ಕೋಟುಗಾರೆ; ನಿಂಗುಲಾತ ಪ್ರಾರ್ಥನೆ ಮೂಲಕ ನಾನು ಅನಾದ್ನು ಬೇಗ ನಿಂಗಲಾಂಚುಗು ವರ್ರಕನೆ ಅಗೋಟು
20
21
20 ಶಾಶ್ವತವಾಯಿಕ್ಕಿರ ಒಡಂಬಡಿಕೆತ ರಗುತಾಮುಖಾಂತರ ಕುರುಬಡ್ಲಾತ ಮಹಾಹಿಂಡುಕು ಕುರುಬನಾಯಿಕ್ಕಿರ ನಂಬುರುತಾ ಕರ್ತನನಾಯಿಕ್ಕಿರ ಯೇಸುನತ್ತೆಯಿ ಶತ್ತಯಿಲಿಕೊರಿಂಡು ಅದ್ದಿಪ್ಪಿಚ್ಚಿಕ್ಕಿರ ಶಾಂತಿದಾಯಕ ದವ್ರು,
21 ನಿಂಗುಲಾನ್ನತ್ತೆಯಿ ಸಕಲ ಸತ್ಕರ್ಯಲುಕೊರು ಅತನತ ಚಿತ್ತದಂತೆ ಸೇಯ್ಯಿರುಕನಿ ಪರಿಪೂರ್ಣ ಸೇಯ್ಯಿಟು ತನ್ನುಕು ಮೆಚ್ಚಿಕೆಯಾಯಿಕ್ಕಿರತ್ತ ಯೇಸು ಕ್ರಿಸ್ತನ ಮುಖಾಂತರ ನಿಂಗುಲುಕೊರು ನಡಿಪ್ಪಿಕ್ಯೋಟು,ಯುಗಯುಗಂತರಲುಕೊರು ಅತನುಕು ಮಹಿಮೆ ಉಂಟಾಗೋಟು, ಅಮೆನ್
22
23
22 ಅನ್ನ್ –ದೆಂಬಿಗಿನ್ಲೆ , ಈ ಎಚ್ಚರಿಕೆತ ವೋಕುಲಾತ್ತೆಯಿ ಸಹಿಸಿಗಿರುದು ಇಂಡು ನಿಂಗುಲಾನ್ನ ಹೊಡಿಗಿರು ಕನಿ ಸಂಕ್ಷೇಪವಾಯಿ ವರ್ಜಿರೆ ,
23 ನಂಬುರತ ಸಹೋದರನಾಯಿಕ್ಕಿರ ತಿಮೊಥೆಯನುಕು ಬಿಡುಗಡೆಯಾಸು ಇಂಡು ನಿಂಗುಲುಕು ಗೊತ್ತಿಕ್ಕಿಟು; ಅದು ಬೇಗ ವಂದೇಕೆ ನಾನು ಅತ್ತೆಂಟಿ ವಂದು ನಿಂಗುಲುನ್ನ ಪಾಕಾರೇ,
24
25
24 ನಿಂಗುಲಾತ ಸಭಾನಾಯಕರುಕು ಮತ್ತೆ ಪರಿಶುದ್ದರಾದ್ದಿಕ್ಕಿನು ವಂದನೆ,ಇತಾಲ್ಯತಯ್ಯ ನಿಂಗುಲಾನ್ನ ವಂದಿಸುತಿನು,
25 ಕೃಪೆ ನಿಂಗುಲು ಅದ್ದಿಂಟಿನೂ ಇಕ್ಕಿಯೋಟು, ಆಮೇನ್,