^{1 2} 1 ನಾನು ಇಪೋದು ಸೊಂರದಿಡೆಕೆ , ಬಾದ್ಯನನದು ತಟ್ಟು ಆಸ್ತಿಕದಿ ದಣೆಯಾಯಿಂದೆಕು ಬಲಾಕನಗುರ್ತಂಕ ಯೆಂದು ಬೇದಯಿಕಿಲ್ಲ. 2 ಆನೇಕೆ ಅವ್ವ ನೇಮಿಸ್ನ ದಿನತ್ನಂಕ ಆದು ಶಿಕ್ಷಕರ ಅನ್ಬೇಸಲಿ ಉಟ್ಟು ಒಕ್ರಲ್ಯ ಕೈತರ್ಗಿಲಿಯಿಂಚು. ^{3 4 5} 3 ಹಾಂಗೆ ನಗ್ಲು ಬಾಲಕರಯಿಂದಪೋದು ಲೋಕುತ ಮೂಲ ಪಾಠತ್ಗು ಆಧೀನರಯಿಂದೋ. 4 ಆನೇಕೆ ಕಾಲ ಪರಿಪೂರ್ಣವನ್ಬೇಸಲಿ ದೌರು ತಟ್ಟು ಮೌನ ಪಂಳತಿಂಡು ಪರ್ಪಿಚದಯಿ ನ್ಯಾಯ ಪ್ರಮಾಣತಯೋಳಗ್ವನಾಯಿ ಸೆಂದು ಅಪ್ನಾದಲ್ಲದೆ. 5 ನ್ಯಾಯ ಪ್ರಮಾಣಧೀನರ್ತಗ್ಯ ವೀಮೊಚಿಸುರ್ಕು ನಾಂಗ ದತ್ತುಪುತ್ರ ಸ್ವಿಕಾರ ಸೇದುಗುರ್ಕಾನಿ ಅಂಪುಸು. ^{6 7} 6 ನಿಂಗ ಮೌವಯಿಕ್ರತಿಂಡು -- ಅವ್ವ (ತಂದೆ)ಯಿಂಡು ಅಕೀರ ತಟ್ಟು ಮೌನ್ನತ ಆತ್ಮನ ದೌರು ನಿಂಗುಲ್ಕುರು ಅಂಪುಸು. 7 ಹಿಂಗಿಕ್ರಪೋದು ನಿಂಗ ದಾಸರಲ್ಲ. ಮೌವಯಿರಂಗ ; ಮೌಯಿಂಡು ಕ್ರಿಸ್ತನಿಂಡು ದೌರುಕು ಬಾದ್ಯರಯಿರಂಗ. ^{8 9} 8 ಪೂರ್ವಕಾಲತ್ಕುರು ನಿಂಗ ದೌರ್ನ ತಿಳಿಜ್ಗುದೆ ದೌರ್ಲ್ಲದಿಕ್ರತ ಸೇವಿಸಿರಂಗ . 9 ಇಪೋದನ್ನ ನಿಂಗ ದೌರತೆಯಾ ತಿಳಿಜ್ಗೊಂಡಿರಂಗ ; ಇನ್ಗಿರತ್ತುಗು ನಿಂಗ ಬಲಹೀನವನ ದರಿದ್ರ ಮೂಲತ್ತ ಪಾಠತ್ಗು ಅದೀನವಗುರ್ದುಯಿಂಡು ಆಸೆಪಟ್ಟು ಪುನಃ ಅಯಿಲ್ಕಿ ನೋಇಂಗ ತಿರಿಗಿಕೊಳ್ರದು ಯೇನುಗು? ^{10 11} 10 ನಿಂಗ ಆ ದಿನುತ್ತ ಮಾದು ಕಾಲ್ತ ಸಂವತ್ಸರನ ಆಚರಿಸರಂಗ. 11 ನಾಂಗ ನಿಂಗುಳ್ಕೊಸ್ಕರ ಪ್ರಯಾಸಪಟ್ಟುನಾದು ನಿಷ್ಪಲವಸೋ ಎಂದೋ ಇಂಡು ನಿಗ್ಟ ವಿಷಯತ್ಕುರು ನಾನು ಭಯಪಡರೆ. ^{12 13 14} 12 ಆನಬೇಮ್ಬಿಮಾರೆ ನಾನು ನಿಂಗುಲ್ಕನಿ ಅನತಿಂಡು ನಿಂಗ ನಂಕನಿ ಹಾಗುರ್ದುಯಿಂಡು ನಿಂಗುಲ್ನ ಬೇಡಿಗ್ಯರೆ .ನಿಂಗ ನಂಕು ಕೇಡು ಸೈಯಿಲ್ಲ. 13 ನಟ್ಟು ವಡ್ಮುಕು ಅನಾರೋಗ್ಯಯಿಂದತಿಂಡು ನಾನು ನಿಂಗುಲ್ಕುರು ಸುವಾರ್ತೆ ಸರಿಕ್ರತ ನಿಂಗುಲ್ಕುಗೊತ್ತಿದೆ. 14 ನಾನು ವಡ್ಮುಕುರುಯಿಂದ ಶೋದನೆನ ನಿಂಗ ಇಯಾಲ್ಸುಲ. ನಿರಾಕರುಸುಲ; ಆನೇಕೆ ನನ್ನ ದೌರ್ ದೊತನ್ಕನಿ ಕ್ರಿಸ್ತ ಯೇಸ್ತಂಕುರು ಸೇರ್ಕೊಂಡಿರಂಗ. ^{15 16} 15 ಅಪೋದು ನಿಂಗುಲ್ಕು ಆಶಿರ್ವದವಾಸುಯಿಂಡು ನಿಂಗ ತಿಳಿಜ್ಕೊಂಡಿರಂಗ್ಲೆ; ಆದು ಯೇತ್ಕು ಹೊಸು? ಸಾದ್ಯವಯಿಂದೇಕೆ ನಿಗ್ ಕನ್ನತೆಯಾ ಪಿಚ್ಚು ನಂಕು ಕುಡುಕ್ತಯಿಂದಗ್ಲ ನಿಗ್ಟ ಸಾಕ್ಷಿನ ನಾನು ಸೋನರೆ . 16 ಹಿಂಗಿಕ್ರಪೋದು ನಾನು ನಿಂಗುಲ್ಕು ಸತ್ಯ ಸೊಂರತಿಂಡು ನಿಂಗುಲ್ಕು ಶತ್ರುವಯಿದೆನ? ^{17 18} 17 ಆಗ್ಯ ನಿಂಗುಲ್ನ ಮೆಚ್ಚುಸುರ್ಕು ಅಸಕ್ತರಾಯಿನ್ನು ;ಆನೇಕೆ ನಾಲ್ಲ ಅಭಿಪ್ರಾಯತಿಂಡು ಅಲ್ಲ ; ಅಂಬೋ ನಿಂಗ ತಂಗುಲ್ನೆ ಮೆಚ್ಚುಸುರ್ದುಯಿಂಡು ನಿಂಗುಲ್ನ ತೋರ್ಸೈಯಿರ್ಕು ಆಸೆಪಡಕ್ನು. 18 ನಾನು ನಿಂಗ್ಲೆಂಟಿ ಇಕ್ರಪೋದು ಅಲುದೆ ಯೇಪೊದು ನಾಲ್ಲ ವಿಷಯಾತ್ಕುರು ನಿಂಗ ಆಸಕ್ತರಕಿಕ್ರದು ನಾಲ್ಲದು. ^{19 20} 19 ನಟ್ಟು ಚೀನ್ನು ಮಗಳೇ , ಕ್ರಿಸ್ತನ ಸಾರುಪ್ಯಾ ನಿಂಗುಲ್ಕುರು ಉಂಟಾಗುರ್ತಂಕ ನಿಂಗುಲ್ಕೊಸ್ಕರ ತಿರ್ಗಿ ಪ್ರಾಯಸ ವೇದನೆಪಾಡರೆ. 20 ನಾನು ನಿಗ್ಟ ವಿಷಯತ್ಕುರು ಸಂಶಯಾಪಡ್ರದಾನೇಕೆ ಇಪೋದು ನಿಂಗುಲೆಂಟಿಯಿಂದು ನಟ್ಟು ದನೀ ಬದಲಿಸುರ್ದುಯಿಂಡು ಆಸೆಪಾಡರೆ. ^{21 22 23} 21 ನ್ಯಾಯ ಪ್ರಮಣದಿನರಗುರ್ಕು ಮನಸ್ಸಿಕ್ರಾಂಗುಲೇ, ನ್ಯಾಯಪ್ರಮಾಣತ್ಗು ಸೌಕುಡ್ಮಟಾನ್ಗ್ಲ ? ನಂಕು ಸೋನಂಗೋ. 22 ಯೆಂತಿಗಿಂಡೆಕೆ ದಾಸಿಯಿಂಡು ವಂಡು ,ಸ್ವತಂತ್ರತಿಂಡು ವಂಡು ಹಿಂಗು ಅಬ್ರಾಹಮನ್ಕು ರಂಡು ಗಂಡು ಮಕ್ಕಿಯ್ಯಯಿನ್ಯಿಂಡು ವರ್ಜೆದು. 23 ದಾಸಿಯಿಂಡು ಪರ್ದದು ವಡ್ಮನುಸಾರವಾಯಿ ಪರ್ಚು .ಆನೇಕೆ ಸ್ವತಂತ್ರತಿಂಡು ಪರ್ದದು ವಾಗ್ದನತಿಂಡು ಪರ್ದದು. ^{24 25} 24 ಈ ಸಂಗತಿಗ್ಯ ಉಪಮಾನವಾಯಿದು; ಹೆಂಗಿಂಡೆಕೆ ,ಇಗ್ಯ ರಂಡು ಒಡಂಬಡಿಕೆ, ವಂಡು ಒಡಂಬಡಿಕೆ ಸೀನಾಯಿ ಪರ್ವತತಿಂಡು ಉತ್ಪನ್ನವಾಯಿ ದಾಸತ್ವಕುರುಯಿಕ್ರ ಬೇಕುಯಿಂಡು ಮಕ್ಕಿಲ್ಯ ಹೇರುರದ್ದು; ಹಾಗರ್. 25 ಹಾಗರ್ ಅಂಡೆಕೆ ಅರಬಸ್ಥನತ್ಕುರು ಸೀನಯಿ ಪರ್ವತ .ಆ ಪಂಲಾದು ಇಪೋದುಯಿಕ್ರ ಯೆರೂಸಲೇಮಿಯಿಗ್ರತ್ಗು ಸರಿಯಾಕ್ದು, ಹೆಂಗಿಂಡೆ, ಪಂಲಾದು ತಟ್ಟು ಮಕ್ಕಿಲ್ಯಾಲೆಂಟ್ಟಿ ದಾಸತ್ವತ್ಕರುಯಿದು. ^{26 27} 26 ಆನೇಕೆ ಮೇನಾದು ಯೆರುಸಲೇಮ್ ಇಗ್ರದು ಸ್ವತಂತ್ರಳು ,ಇದೇ ನಂಗುಲ್ಕದೆರ್ಕು ಅಮ್ಮ. 27 ಯೆಂತಿಗಿಂಡೆಗಿ , ಬಂಜೆಯೇ, ಸಂತೋಷಿಸ್ರದು; ಪ್ರಸವ ವೇದನೆ, ಧನಿ ಪೇಚ್ಚಿ ವದ್ರು; ಯೆನ್ತಿಗಿಂಡೆಕೆ ಮನಾಗುಯಿಕ್ರಕಿಂತ ಉಟ್ಟತ್ಗು ಶ್ಯನ ಮಕ್ಕಿಗ್ಯಯಿನುಯಿಂಡು ವರ್ಜಿದು. ^{28 29} 28 ಅನದೆಮ್ಬಿಮಾರೆ, ನಂಗ ಇಪೋದು ಇಸಾಕಂಕನಿ ವಾಗ್ದಾನ ಮಕ್ಕಿಗ್ಯರಯಿರೋ. 29 ಆನೇಕೆ ಇಪೋದು ವಡ್ಮನುಸಾರವಾಯಿ ಪರ್ದದು ಆತ್ಮನುಸಾರವಯಿ ಪರ್ದತ್ಗು ಹಿಂಸೆಪಡ್ಸುಸು .ಹಂಗೆ ಇಪೋದು ಇದು. ^{30 31} 30 ಆನೇಕೆ ವರ್ಜಿಕ್ರದು ಎಂತ ಸೋನಕು? ದಾಸಿನ್ನ ಆತ್ರು ಮೌವು ಬೈಲ್ಯಕಿ ಹೋಡಕು; ಯೆಂತಿಗಿಂಡೆಕೆ ದಾಸಿಯ ಮೌವು ಸ್ವತಂತ್ರ ಮೌಯೇಂಟಿ ಬಾದ್ಯನಗಬರ್ದು ಇಂಡು ಸೋನಾಕು. 31 ಹಿಂಗಿಕ್ರಪೋದು ಅನ್ನಬೇಮ್ಬಿಮಾರೆ ,ನಂಗ ದಾಸಿಯ ಮಕಿಗ್ಯಯಾಲ್ಲ, ಆ ಸ್ವತಂತ್ರಳ ಮಕಿಗ್ಯರಾಯಿರೋ.