^{1 2 3} 1 ಓ ಬುದ್ದಿಯಿಲ್ಲದೆಯಿಕ್ರ ಗಲತ್ಯತಗ್ಲೆ , ಸತ್ಯತ್ಕು ವಿದೇಯರಗ್ದೆ ನಿಂಗುಲ್ನ ಯೆದ್ದು ಮರುಳುಗೊಳಿಸ್ನು ? ಯೇಸು ಕ್ರಿಸ್ತ ಶಿಲುಬೇಕಿ ಹೊಡುಚ್ಗೊಂಡದಯಿ ನಿಗ್ಟ ಕನ್ಯೆದ್ರುಕು ಸ್ವಷ್ಟವಾಯಿ ವರ್ಣೆಸಲ್ಪಟದಲ್ಯ? 2 ವಂಡು ವಿಷಯ ಮಾತ್ರ ನಿನ್ಗುಲಿಂಡು ತಿಳಿಜ್ಗುರ್ದುಯಿಂಡುಯಿರೇ . ನಿಂಗ ಅತ್ಮನ ಹೊಂದಿಕ್ರದು ನ್ಯಾಯ ಪ್ರಮಣತ ಕ್ರಿಯೆಯಿಂಡ ? ಇಲ್ಲದೆ ಕೊಟ್ಟು ನಂಬಿಕ್ರತಿಂಡುಲೋ? 3 ನಿಂಗ ಇದ್ನು ಬುದ್ದಿಯಿಲರಯಿರಂಗಲ್ಲ ? ಅತ್ಮಕನುಸರವಾಯಿ ಪ್ರರಮ್ಬಿಸಿಕ್ರ ಇಪೋದು ವಡ್ಮುರೀತಿಕುರು ಪರಿಪೂರ್ಣ ವಗೊರ್ದುಯಿಂಡು ಯಿರಂಗಲ್ಲ? ^{4 5} 4 ಹಾಂಗನೇಕೆ ನಿಂಗ ಆದ್ನು ಬಾದೇನ ಅನುಭವಿಸಿಕ್ರದು ವ್ಯರ್ಥವಸೋ ? ವ್ಯರ್ಥಯಿಂಡು ಸೋನುರ್ದ ? 5 ಅದು ಆತ್ಮನ ನೀಂಗುಲ್ಕು ಕೊಟ್ತು ನಿಂಗುಲ್ಕುರು ಮಹತ್ಕಾರ್ಯಾ ಸೇನ್ದಿದಲ್ಯಾ . ಹಂಗು ಸೇನ್ದಿಕ್ರದು ನ್ಯಾಯ ಪ್ರಮಾಣತ ಕ್ರಿಯೇಯಿಂಡುಲೋ ಇಲ್ದೆ ಕೊಟ್ಟು ನಂಬಿಕ್ರತಿಂಡುಲೋ? ^{6 7 8 9} 6 ಅಬ್ರಾಮಹಾನು ದೌರ್ ನ ನನ್ಬಿಂಚು,ಆ ನಂಬಿಕೆ ಅತ್ಗು ನೀತಿವನ್ತಯಿಡು ಆಸು. 7 ಅದದರಿಂಡು ನಂಬುರಗ್ಯ ಅಬ್ರಹಾಮನ ಮಕಿಗ್ಯಯಿಂಡು ನಿಂಗ ತಿಳಿಜ್ಗೊಂಗೋ. 8 ದೌರು ಅನ್ಯಜನರನ ನಂಬಿಕೆಯಿಂಡು ನೀತಿವಂತಯಿಂಡು ನಿರ್ಣರಯಿಸಾಕುಯಿನ್ಡು ಮ್ಮುನೆ ಅಬ್ರಹಾಮಾನುಕು ನಿಟ್ಟು ಮೂಲಕವಾಯಿ ಆದೆರ್ಕು ಜನಾಂಗತ್ಗು ಆಶಿರ್ವಾದನುಂಟಕ್ದುಯಿಂಗ್ರ ಸುವಾರ್ತೆನ ಮುನೇ ಸಾರಿದು ಇಗ್ರದೆ. 9 ಹಿಂಗಿಕ್ರಪೋದು ನಂಬುರಗ್ಯ ನಂಬಿಕೆಯಿಟ್ಟ ಅಬ್ರಹಾಮನೆಂಟಿ ಆಶಿರ್ವಾದನ್ನ ಹೊಂದಕ್ನು. ^{13 14} 13 ಕ್ರಿಸ್ತ ನಗ್ಟಿಂಡು ಶಾಪವಾಯಿ ಸೆಂದು ನ್ಯಾಯ ಪ್ರಮಣತ್ತ ಶಾಪತಿಲಿಂಡು ನಂಗುಲ್ನ ಹೊಡಿಚುಸು . ಯೆನ್ತಿಗಿನ್ಡೆಕೆ ಮರತ್ಗು ತುಗುಹೋಟಲ್ಪಟ ಆದೇರು ಶಾಪಗ್ರಸ್ಥಯಿಂಡು ವರ್ಜೆದುಯಾಲ್ಲ. 14 ಅಬ್ರಹಾಮನ್ಕು ಉಂಟಾನ ಆಶೀರ್ವಾದ ಯೇಸು ಕ್ರಿಸ್ತನಿಂಡು ಆನ್ಯಜನುರ್ಕು ಉಂಟಾಗುರ್ದುಯಿಂಡು ದೌರು ವಾಗ್ದಾನ ಸೇಂದ ಆತ್ಮನಂಗುಲ್ಕು ನಂಬಿಕೆಯಿಂಡು ದೊರಕುರ್ಕನಿಯಾಸು. ^{15 16} 15 ಆನದೆಮ್ಬಿಮಾರೆ , ಮನುಷ್ಯರ ರೀತಿಯಿಂಡು ನಾನು ವಸೆತ್ತಾರೆ . ಸ್ಥಿರಪಡ್ಸಿಕ್ರ ವಂಡು ಒಡಂಬಡಿಕಿ ಮನುಷ್ಯದನೆಕು ಅತ ಯೇದು ರದ್ದು ಸೈದುಲ್ನು ಇಲ್ಲದೆ ಅತ್ಗು ಜಾಸ್ತಿ ಕೊಡುಸ್ದಿಲ್ನು: 16 ದೌರು ಅಬ್ರಾಹಾಮನ್ಕು ಅತ್ರು ಸಂತತಿಕು ವಾಗ್ದಾನ್ನ ಸೆಂಚು ; ಅದು ನಿಟ್ಟ ಸಂತತಿಕಿ ಇಂಡು ಸೋನಿ ಅದೆರ್ನು ಸುಚಿಸ್ದೆ ನಿಟ್ಟ ಸಂತತಿಕಿ ಇಂಡು ಸೋನಿ ವಂಡೇ ಸೂಚಿಸಾಕು .ಆ ವಂಡು ಕ್ರಿಸ್ತನೇ. ^{19 20} 19 ಹಾಂಗನೇಕೆ ನ್ಯಾಯಪ್ರಮಣ ಯೇನ್ತುಗು ? ವಾಗ್ದಾನ ಸಂತತಿತದು ವರತಂಕ ದೌರು ಇಂತಯಿಂತದು ಅಪರದಯಿನ್ ಕಟ್ಟುರ್ಕಾಯಿ ಅತ್ತೆಯ ವಾಗ್ದಾನ ಮುಖಾಂತರ ವಂಡು ನಡುಕುಯಿಕ್ರಲ್ಯಕಿ ಕೊಡ್ಚು. 20 ಮದ್ಯಸ್ಥನು ವಂಡು ಮದ್ಯಸ್ಥಲ ; ಅನೇಕೆ ದೌರು ವಂಡೇ. ^{21 22} 21 ಅನೇಕೆ ನ್ಯಾಯಪ್ರಮಾಣ ದೌರ ವಗ್ದನತ್ಗು ವಿರುದ್ದನ ? ಹಾಂಗು ಎಪೋದು ಸೋನ್ಬರ್ದು ; ಕೊಡ್ತಿಕ್ರ ನ್ಯಾಯಪ್ರಮಾಣ ಪಪಿಕುರ್ಕು ಶಕ್ತಿಯುಳ್ಳದಾನೇಕೆ ಕರಂಕೆ ನ್ಯಾಯಪ್ರಮಾನತಿಂಡು ನೀತಿಯುನ್ಟಾಗುತಯಿಂಚು . 22 ಆನೇಕೆ ಯೇಸು ಕ್ರಿಸ್ತನ್ಕುರು ನಂಬಿಕೆಯಿಡರತಿಂಡು ಉಂಟಾಗುರ್ರ ವಾಗ್ದಾನ ನಂಬುರಲ್ಯಕಿ ಕೊಡ್ತಿರಕಾನಿ ಆದೇರು ಪಾಪತ್ಗುವೋಲ್ಲಗಾಯಿನುಯಿಂಡು ವರ್ಜೆಕ್ರದು ತಿರ್ಮನಿಸುಸು. ^{27 28 29} 27 ಎಂಗಿಂಡೆಕೆ ಕ್ರಿಸ್ತನ್ಕುರು ಸೇರುರ್ಕು ದಿಕ್ಷಾಸ್ತನ ಸೇಚ್ಕೊಂಡಿಕ್ರ ನಿಂಗದೆರು ಕ್ರಿಸ್ತನ ದರ್ಸ್ಕೊಂಡಿರಂಗ. 28 ನಿಂಗದೇರು ಕ್ರಿಸ್ತ ಯೇಸುಕುರು ವಂಡೆ ಅಯಿರಂಗ ಯೆಹೊದ್ಯ ಗ್ರಿಕನು ಇಂಡು ದಾಸನು ಸ್ವತಂತ್ರಯಿಂಡು ಅಮ್ಲಾದು ಪಮ್ಲಾದು ಇಂಡು ಬೇದಯಿಲ್ಲ. 29 ನಿಂಗ ಕ್ರಿಸ್ತನವಾರಯಿಂದೇಕೆ ಅಬ್ರಾಹಮನ ಸಂತತಿಕಿ ವಾಗ್ದನುಸಾರವಾಯಿ ಬಾದ್ಯಾರಯಿರಂಗ.