¹ Age wa siosi leti geraneshatu nahacisec lein ² Odocob JESUS uqa wag ohis dec tonocob dan oso uqa titihadec kis ca qalqal dunuh dec calihu gulucdon. ³ Dana qalqal dunuh bilen eu oso ha cesul docweqe.Uqa saen matibahi halu na jaih eben ca luc docobil tawen. ⁴ Uqa halu cagu nacnacdon qa dana oso uqa ehudi ahoc we qe. ⁵ Witic camineg ca cunug uqa qalqal aluh ca dunuh bilimei , qaqaji utai men aigca na deweg qeqeti biloloi. ⁶ Saen uqa Jesus hohon fimei uqa guguli li olana gob cehi bilen. ⁷ Odimei uqa qaqaji utai madon, Jesus Dogon melah, ija ina nu adiodigen ? Ija Dogon ijan na sisilhigina , ina ain fadal tagaun. ⁸ Odocob Jesus uqa titihadec kis eu madon, dana eu culudimeg calihuinuga. ⁹ Jesus uqa dana eu sisildon, ina ijain indec ? Odocob uqa je waldu odi madon, ija ijani Ami. ¹⁰ Odocob uqa geh bahic sisildon, cain suladeceb hatu oso na belowain nu. ¹¹ Qila ho mait age aluh nag oso na sab jiji cocobogin, ¹² Kis meqec age Jesus madoin, sulgecem ho wawaga dunuh nuqa. ¹³ Odocob Jesus kis meqec ititac adeceb ho wawaga dunuh nuein.Odocob ho 2 tausen odi guguli nuimeig mas dunuh wa jimeig calmein. ¹⁴ Eu odi fimeig dana ho cofadec age guguli nui saisai jobon ben ono dana caja ca ma adain ceteh calen eunu. Odocob age ha nuimeig amagana fein. ¹⁵ Age Jesus ca humeig dana titihadec kis ca coboloi eu fein, uqa balajahunec haun ca cisdoc meca bibilen fimeig age tumatuma ein. ¹⁶ Dana leih age Jesus kobolkobol odon fein eu cotogail leih sa adein ¹⁷ Odocob dana caja ca cegulein eu Jesus hatu i culi nuec nu ninidon. ¹⁸ Jesus jobon eu wimei wag tobi nuigian odon, dana kis meqec ca coboloi eu hu sisildon.Ija ina ca belewan ois fo? ¹⁹ Odocob Jesus uqa cahac dumei odi madon, ina nuimeg jobon dana caja ca ma adaga Dogon kis meqec ititac dutimei me eu ija dunuh tacea adaga. ²⁰ Odinu dana eu nuimei ceceteh calen nu sa adeceb wawaga meleceb Jesus binan susuli bilein. ²¹ Saen Jesus uqa wag tobi haun nahacisec leceb dana am mati bahic hu alildoin odocob uqa lan gesac na tawen. ²² Odocob Jairus, Juda agena cuha jo cofdoc uqa Jesus fimei, uqa jaih na gob cehi bilen. ²³ Odimei uqa Jesus ninicdu madon, ijana melaid sim eu calmigian nu nia, eu nu ija ninic higina. Limeg sim eu cesuldocom cebacmea. ²⁴ Odocob Jesus uqa Jairus ca bebelesin dana am mati bahic todu lein. ²⁵ Saen eu na caja oso uqa gelgel calag leis gic leis golac gaucgauc nuec biloloi. ²⁶ Uqa dana hag nu balmiadec mati bahic cesuldocnu ma aden. Men qaig gauc culen qa basaec oso qe ol, ²⁷ odinu caja eu jaen qoc ca bibili, Jesus hona ec dumei uqa cajimei todu dana am mati gemo na limei, Jesus na yemel bibig qududon. ²⁸ Ija Jesus na jamel bibig hewifig fi hag metigian. ²⁹ Odinu uqa Jesus na yamel bibig qududocob hag uludi qisacdon. ³⁰ Odocob Jesus uqa tebandon eu uqa na gagadic oso qisacdon. odinu uqa qal i meci i sisil en, "In ijana yamel bibig qududoa?" ³¹ Odocob uqana malogom jejeg hewi madoin, ina faga dana am mati bahic alilhea ninien, ina sisil agana. ³² Qa Jesus uqa ameg fecien in uqa qududon eu fegian nu. ³³ Jesus uqa odi odocob caja eu teban don eu hag uludi qisacdon. Odocob uqa cucui i qelel i li Jesus ola na bilimei mele je qasali madon. ³⁴ Odocob Jesus uqa caja eu jejeg hewi odi madon, ina wawin melec eunu hag qe mea odi nu wawin elce ca nuga. ³⁵ Saen Jesus uqa caja eu je madodon, dana caja ca Jairus na jo nadec humeig odi madoin, ina iwalgec ceta nu uhul dogona? Aten wele calmea. ³⁶ Saen Jesus uqa je eu dahmimei Jairus madon ain cucui agaun, wawin mele ea. ³⁷ Odimei uqa dana caja ca cahac aden, odocob uqana malogom ijed gami himec bilein eu Pita ca Jon ca Jems ³⁸ ca. Age Jairus na jona licalimeig, Jesus uqa dana caja ca mati bahic qaqaji uel dodogin feciaden. ³⁹ Jesus uqa jo dunuh limei sisil aden, " age ceta nu walol adea qajegina? Sim eu qe calmel uqa usniya aden, uqa odi ma adeb. ⁴⁰ Age asal doin, odocob uqa ma adeb calein odimei uqa sim eu anag memeg ca malogom cijed gami himec jo hamol lein. ⁴¹ Jesus uqa sim eu eben hewi tulidudu ijan u madon ija mahigina casaga. ⁴² Sim eu uqa mahuc bahic odi wasi cobon eu abigel calag leis gic leis. Odocob dana caja eu fimeg cunug wawaga celen. ⁴³ Odocob Jesus uqa je gagadic bahic ma-aden eu, dana leih cain doain nu. Odimei uqa sim eu sab utec nu ma-aden.