1
Haun uqa wa gat cagoc gesac na je saen. Dana eguli gemo mudein, odocob uqa Wag oso tobimei Wag na bilen wa gesac na, odimei dana caja ca wa gesac je dahmein.
2
Uqa galolo je gech bahic mamadi bilei sacaden.
3
Doiga, dana oso cabi na sab aig qelena.
4
Eu sab aig leih jicobec na tonon odocob manfululec jein.
5
Aig leih men baibac na tonoin eu qala qahimei casen.
6
Cam tawimei cijeceb glal ena, bebeig wa tutuc qe ona.
7
Aig leih gigisac dud ca na tonoin cdocob casen , gigisac dud ca ben mimei jahul docob qemen.
8
Aig leih mulu maha na tonoin, odimeig ben mimeig aig qoin. Leih age 30 gisein, leih aig 60 gisein , leih age 100 gisein eu uqa sab aig me cehen.
9
In uqa dahig ca fi, culdcebil dahmea.
10
Sain Jesus uqa uhanic tatawen, leih age cemenug tawein, eu age malogom gamic galolo je sisildoin.
11
Uqa maaden, age Dogon na cul na cisdoc yahunec eu wele oiga. Qa leih mahagemo eu age galolo je na himec dogina.
12
Odocob age fein, mele fein qa age qe felein. Odimeig dac mein mele age dac mein qa qe oloin. Age ois falic docobil Dogon cagasi adigian.
13
Uqa maden, ina galolo je i qe dolom fi cadi ina galolo je geh bahic eu dogan?
14
Sab aig jic na tonon eu jec aig qe.
15
U jelein eu Satan humei je jein eu wagaligian
16
Sab aig men qaiqa na tonon eu je aig nag bahic wawaga na tacein eu odimeig deboein.
17
Age bebeig caqe, nag bahic tawimeig haun taweceb galalena.
18
Sab aig gigisac dud na tonon eu age je oin.
19
Qa, age cuhulec je ca eteh geh bahicca gonagona mec geh, odinu Dogon na je qe aig qol.
20
Leih age je mulu maha na tonon eu age Dogon na je umeig age leih 30 gisein, leih 60 gisein, leih 100 aig gisein eu age ceta cehein eu woldoc oin
21
Jesus ma aden, ina lam jo na ahumeg cabal bisalu megan fo? qe lam abal tatac megan.
22
Odinu ceteh oso jahunec qe bilel eu age qe dowain, odocob eteh oso ha qe jahunuwain eu cunug camas migian.
23
Dana oso uqa dahig ca fi, ois dah migian.
24
Uqa odi ma aden, dahin mimeg dah maga. Eu ceta nu, gadac ina maga eu wol dumeig qocobil tihigian.
25
Eu ceta nu indec uqa ceteh ca eu meca utuqagan, odocob indec uqa ceteh aqe eu, uqa ceteh ca eu cediqeloqagan.
26
Jesus maden Dogon cul na dec eu odi Dana oso sab aig cehena mahana.
27
Uqa witic na nijina odimei camineg na casena, qa sab aig eu calibena, uqa ceta jic calibeja eu uqa qe dona.
28
Maha uqa sab uqa dodoc utina, odimei bagac cali bena odocob bagac mudina, haun me ben mena.
29
Sain sab wal mena, cabi dana uqa sinig sul dona nu.
30
Uqa maden, eu ceta jic na Dogon cul na dec galolo je eu cabalec ihocihoc mudigian.
31
Eu qa hul aig nacnac cinigwe mahana qelegan.
32
Odocob qala bimei ben migian, odocob jacabahic caligian, odimei batac geh bahic mudigian, odocob manfululec sau na dec geh bahic batac na teic muduqagn.
33
Je geh bahic eu galolo na maden.
34
Uqa galolo je dih qe sa adel, sain gauc na uqana malogom je aig cabali ma adoloi.
35
Del eu na, witic hon, uqa ma aden, "hoiga nahacisec beloqa."
36
Egulein eu culimeig, malogom age Jesus ehudi ehili wag na mudin, wag leih ha tacadein.
37
Bebelegin fufu ben bahic casen, Macas ha casen odimei wa wag dunuh amben.
38
Eu qa Jesus wag eu na us ninijen, malogom age tuli du madoin, Iwalgec ege cal mec nu odoqona ina qe felem fo?
39
Uqa casimei fufu galac muden, Macas wa ha madon, cehna nijiga. Odocob fufu tilien, Macas ha tilien.
40
Uqa ma aden, "age ceta nu cucuiegina? age wawaga qe mele el fo?
41
"Malogom age eu fimeig oso madocobdoco ein." Uqa indec eu nu fufu Macas ca ale dah mudesia."