1
Jesus ono dec cocobi hu uqana gug jobon na calen. Uqana malogom ha osoben todocobil hoin.
2
Saen eu agena del gun nu uqa me je iwal aden. Am mati age dah mudimeig tumatuma ein. Odimeig madein, "Uqa iwaldoc i anadec on? Doc i Dogon uten fo? Uqa ebeh na ceta ceta mudeceb calea?
3
Uqa eu kamada melah, Maria uqa cotugul eu Jems ca Josep ca Judas ca odocob Saimon ca. Uqa cebinagul eu ene ege gamic qe tawolom fo? Odimeig age uqa qoqaga bili odoin.
4
Jesus uqa odi ma-aden, je hahun madec dana uqana gug jobon ca uqa na sihul ca uqana jona uqa ijan ca qe, aden.
5
Uqa ceteh gagadic oso ono qe mudel, uqa ebeh na dih dana caja hagca leih eladen.
6
Uqa jobon jobon cocobi li meje caun eu iwaladen. Age uqa nu wawaga qe mele-el.
7
Ge uqa na malogom calag lecis gic lecis ma-adeceb hocobil, lecis lecis suladen, belimeig titihudec kis meqec.
8
Ititac adeiga aden odimeig age bret, o begabeg agena badom ca, men qaig cain cawaladoain aden.
9
Jamaga ganac qa taceiga, ceteh lecis eu qa cain tacowain aden.
10
Odimei ma-aden, cel jo oso na lefeig ono himec bilimeig, haun aji coboiga aden.
11
Jobon oso na qe ehadeceb o jejenaga qe hewecebil fi, saen cuculadi bileig jamaga comis qoidoigale aden.
12
Age belimeig, dana caja ca, tului falic doc nu ma-adein.
13
Age titihudec kis mati ititac a-adi, mol ilo maga na joiadidi bileig, dana caja ca hag mati el adein.
14
King Herodias uqadahmen eu, Jesus ijan hatu cunug ihoc len. leih madein Johanes wajowadec calmec nadec ceseli cajea ein, eu tatac na uqa maha inadec gagadic deweg na cabi mudon
15
Leihmadein, " uqa Elias ein, "leih madein, uqa profet oso, wele asigeil age na saen na dec.
16
Herot dah mimei maden, "Johanes, eu ija ilo wele qetem, haun ceseli cajen."
17
Herot uqa dodoc sulladeceb, Johanes hevi gihac doc na mudein. "Ceta nu?" Herodias eu, uqa waliag Filipus uqa na caja, "Eu Herod on.
18
Eunu Johanes uqa Herot madon, ina cotin na caya om eu.
19
Herodias uqa Johanes qagadugian nu jic mudon, qa ihoc qe.
20
Cetanu ? Herot uqa Johanes nu du cusadona, "uqa tutuc dana uqa dana gun. Odinu Herot uqa cofdocob me cobigian nu isdon.Saen Johanes uqa me je madoli eu, uqa doc nu gale doli.
21
Herodias uqa anag basen saen del euna, Herot sab ben uqana cabi dana saciadu aden.
22
Herodias ateg uqa alege ec due, Herot ca uqana cabi dana amaga na dueceb nu, Htu ilo uqa sisildon. Ina ceta oso nu matecem fi ihigen don.
23
Ijana cul eu naha cabalimig naha ihigen don.
24
Uqa anag ca limei madon, " ija cetanu bahic madugen?" Johanes wajoadec uqana ilo.
25
Odocob uqa haun ceseli Hatu iloca madon, ija Johanes wajoadec uqana ilo boh na mimeg itiga don.
26
Hatu ilo ca uqa waloldon, ge je maden eu culec we qe.
27
Odinu uqa cobas sul docob li Johanes ilo ugian nu len.
28
Odimei uqa ilo boh mimei ahumei ateg uten.
29
Uqa na malogom dah mimeig, age hu deweg ganac uheli hel cisein.
30
Malogom age Jesus ca humeig, age cabi mumudi coboin nu sadoin.
31
Ge uqa ma-aden, age dodoc calimeig wadau na beli jaen mudeiga aden.
32
Age wag tobimeig age dih wadau na belein.
33
Dana caja ca feci adi meig, age unug Sasai ulimeig, age casi beli calein.
34
Jesus meicaden eu, mecmec, "ofadec, " caqe, odimei uqa ceteh mati iwaladen.
35
Uqana malogom humeig madoin ege i wadau na biluqadoin.
36
Odocob ma-aden jobon o hatu oso na belimeig sab faji jeiga aden.
37
Odocob Jesus ma-aden age sab adecebil jeiga." Age Jesus madoin, ege cois nuimeb beret 2 handed menqeig gadac na fajimeb adocomun joqagan cois fo?"
38
Uqa odi ma-aden, " age beret ganic heweiga? Odinu age li feiga. Ege ul leis beret calag ca himec hewoqa.
39
Uqa dana caja ma-adeb, age filfil ilan dumeig bilen.
40
Age ilandu bilein eu gadac handed-fifti dana caja.
41
Odimei uqa beret calag ca cul leis ca cedimei sau na meci-i eldumei adeb siwijein.
42
Age jecebil wawaga amben.
43
Age jecebil ceseleb galel tuweluf tacein.
44
Dana caja faef tausen age beret eu jein.
45
Saen uqa dana caja ca suladeb bebelegin, Jesus uqana malogom mahucbahic suladeb age wag tobimeig Betsaida lein.
46
Cunug ca belihedocobil, uqa aluh na timei inondon.
47
Wesu memen Jesus uqa cahanuc mahana tatawen wag uqa macas gemona tawen.
48
Uqa meciaden eu, gugla ben bahic cajeceb age u-uiein.
49
Odocob nu uqa macas tatac cocobi len.
50
Age eu fimeig age wawaga caden, odocob age madein eu dana dolog. Ija himec, Cain cucuiowain aden.
51
Uqa wag na tobi beleceb, fufu manin tilieceb age filicit ein.
52
Saen euna doc age na eu, tutuc qe fogo adel
53
Age hu Genasaret lan na le alein.
54
Sain age wawaga nadec tonimeig, fogo adeceb i Jesus ein.
55
Dana ajaca age hatu cunug cobimeig hag dana cabal na mati cedi gahidu ahu toin.
56
Uqa ana ana liliein eu jobon na ca sasai ben na ca hatuhatu na age hag dana ecedi Sasai cudun na ha ahoin .Age uqana jamel qududoc nu ninic doin, odocob matibahic age qududumeig basaec oin.