1
Qasil wele bahic maha cul nu ilo dana uqa doc dana, ilo dana gamic cegulimeig, age Jesus hewi ehili Pailot utein.
2
Odocob Pailot uqa Jesus sisildon, "Ina Juda agena ilo ca fo?" Odicob Jesus uqa je waldu odi madon, "Ina madagana odi himec."
3
Maha cul ilo dana age Jesus deweg nu geh bahic balien.
4
Age odi odocobil Pailot uqa haun sisildon, "Ina sisilec wadac dogan fo qe?"
5
Qa Jesus uqa Pailot na je oso qe wadac dutocob Pailot uqa geh jaen qon.
6
Age cegulimeig gaban du sab jec saen hocob, dana caja ca age Pailot madocobil dana age gawegina eundec suldocob gel dunuh calena nu.
7
File i, dana qagadudu duman meqec odi bilec dana age gemo na dana oso uqa ijan Barabas.
8
Dana caja am mati bahic age Pailot ca humeg, age uqa ceteteh wele odoli odi odoc madoin.
9
Pailot uqa je waldu je waldu odi ma-aden, "Ija Juda agena ilo ca eu age ebenaga na culudecemin ligian aden.
10
Eu ceta nu, Pailot uqa Jesus na cahul doc oso qe fel.
11
Qa Ihanec dana uqa dana caja ca ma-adeceb uta i madein, Barabas culudecebil calea.
12
Odocob Pailot haun je waldu adi ma-aden, "Ija Juda agena ilo ca eu adi odidigen?"
13
Odocob age haun utai madein, "Na babalec na tutuqocobil calmea!"
14
Pailot uqa ma-aden, "Uqa ceta oso cahuldoya?" Dana caja ca age gehgeh bahic utai bili madein, "Na babalec na tutuqocobil calmea!"
15
Pailot uqa dana caja ca wawaga me nijigian nu Barabas suldocob age gemo len.
16
Odocob han dana age Jesus ehudi mahana sisi cofdoc agena gel duhuh lelegin han dana mati bahic age Jesus todoin.
17
Age lotoc cadib ca Jesus taqitumeig, halu dudca ilo na jelitoin.
18
Odimeig age qesal dudu odi madoin, "Ina Juda age na ilo ca doin."
19
Odimeig age halu dud ca na ilo ququ cin doin. Odimeig age gob cehi uhulec cuha fein.
20
Saen age qesal du hedumeig, age lotoc cadib ca hulitumeig uqa na lotoc haun u taqitoin. Odimeig age Na babalec tutu qoqaga uhewi calein.
21
Dana oso ijan Saimon uqa Sairin dec eu Aleksendra, Rafas ca memela uqa Jesus na Nababalec gahidoc nu ninicdoin.
22
Odocob han dana ageJesus ehudi Gogata belein, je eu uqa na gug eu odi, Dana iolmoga teful tawadena nu.
23
Odimeig age wa gulihin ca ibul du uyein qa uqa qe jel.
24
Age Jesus Nababalec na tutuqumeig, uqa na jamel eu bala du nacnac doin.Odimeig age maniqu filfil siwi cedein.
25
Age saen calag osol gic waloso na Jesus Nababalec na tutuqoin.
26
Odimeig age nafan oso na Jesus nu odi jaqoin, "Juda age na ilo dana.
27
Age dana leis hs Jesus gami nababalec na tutuaqalain, oso uqa eben meula na cisec qumeig oso uqa eben anise na cisec qoin.
28
Euqa je jaqec todoc, Uqa dana gemo euna dec silail ca qe oso.
29
Dana caja ca leih age ono tawein eu lihu i madoin, Ina gun jo watalcem neceb haun del cijed na cehec dana.
30
Odiwe ina nababalec nadec toninaga doin.
31
Odiwe maha nadec ilo dana age ha Jesus qesal dudu odi madein, uqa dana leih qa cesul aden qa uqa docdoc cesul docwe qe.
32
Hawadoiga uqa kristus, Israel age na ilo dana, nababalec ohis dec toninecem fimeb wawige ege wawige meleigian.
33
Saen tuweluf kilok na maha cunug ca gagatuc jelen ninienli wesu men.
34
Saen tiri kilok na Jesus uqa odi utai maden , "Eli, Eli, Lema Sabatani?" Je i uqana gug eu odi, "Mei o, Mei o, ina cetanu culitigina?"
35
Leih age ono tawein eu dah mimeig madein, "Feiga, Elisa utadona ein."
36
Dana oso uqa guguli limei wa gulihin ca spans na cumimei na celauc na gihac dumei Jesus jigian nu utimei maden, "Elaija hu cesul dugian feiga aden."
37
Odocob Jesus uqa geh bahic utaimei calmen.
38
Odocob Gun jonadec lotoc eu gemo gadac bala du leis don, eu ohis dec ni mahana calen.
39
Han dana age na ilo dana uqa Jesus jic eu na cal meceb fimei uqa maden, "Mele bahic dana i Jawe melah."
40
Odiwe caja leih age onoca tatawi meciein. Age gemona Maria Magdala dec c, Maria Jems oso anag eu Joses waliag, Salome ca.
41
Saen uqa Galili bibilen, age uqa todu cocobi cesuldoloig. Caja geh bahic leih age todu Jerusalem nuein.
42
Wesu memen eu sabat del nu gebica doc saen,
43
Josep Arimatia decuqa ono calen. Uqa sisi cofaec dana agena ilo ca oso. Eu Dogon na cul sumudi bilina, uqa Pailot ca limei, Jesus deweg ganag nu sisildon.
44
Pailot uqa Jesus wele calmea ec dumei uqa han dana agena iloca silsildon eu Jesus wele calmea eun dec dugian nu.
45
Saen Pailot uqa han cadec dana agena ilo ca co na Jesus wele calmea ec dumei, uqa Jesus deweg ganac Josep uten.
46
Josep uqa lotoc fajimei Jesus dewg ganac nababalec nadec cagasi umei lotoc euna jeluden. Odimei men helo qalqal haun na mudimei men ben oso ibal docob li helo cafaqon.
47
Maria Magdala uqa Maria Josep anag ca ale Jesus helcisein cudun eu fesin.