¹ Sain "del mageg" hedocob, Maria Magdalena ca, Jems Salome ca, anala Maria. Jesus deweg arometic mol uqa ehili isec nu dot qosin. ² Cam qebec ninijen, qasil wele bahic wik euna, del oso sanan mecna age qalqal na noin. ³ Saen age nunu bileig, age dodoc sisil docob sisil docob ein. Indec uqa qalqal sebec men eu olicol mudigein? ⁴ Age ali nu fein eu, dana oso wele olicol mudon. ⁵ Qalqal dunuh lein eu, age dana eu deweg na , ceteh. Se-ec jaunon tatawen fimeig, " filicit ein. ⁶ Ain cucugowain, Jesus Nasaret de na-babalec na tutu qoin eu wele ceseli ajean, qila ene qe aden. ⁷ Eseli meig uqani Malogom ma-adeiga Petrus ca, aquni Galili ono sumiteiga, " uqa ma-aden odi. ⁸ Age qalqal dunuh dec alihoin saen na, age hahabanaga ca isdoc cunug ca tutuc qe bilel. ⁹ Uqa ceseli ajen saen, euna del aqunec wik euna uqa Maria Magdalena ca calen, casac uqa titihudec kis " Mageg" (7) odi ititac aditon. ¹⁰ Odocob uqa aji limei, uqa gami biloloig eu qaqajegin limei ma-aden. ¹¹ Age dah mudein eu uqa cebac bilia ec ma-aden qa age wawaga qe mele-el. ¹² Eteh eu cunug hedocob uqa kis deweg na dana lecis Hatu oso na bebelesin uqa aleca amasa men. ¹³ Ale hu malogom ma-adecebil, age wawaga qe mele el. ¹⁴ Hib na Jesus uqa Malogom eleven iage ca calimei, age na wawaga mele-ec caun ca agena gagadic, nu ca culunuga ca gagadic mamadi ma-aden. ¹⁵ Uqa ma-aden, age maha maha, beladimeig meje sa-adi coboiga aden. ¹⁶ In uqa waug mele-eceb, wajoc eldoc ufei uqa basa ec ugian aden.Oso uqa waug qe mele igijaqa, uqa geldoc fadal ec ugian aden. ¹⁷ In uqa waug mele-ec ca eu, " age gadac i foqagan, age kis meqec ititac adoqagan, age kis dado made-ceb je filfil madoqagan aden. ¹⁸ Man sononec ebenaga na hewoqagan, wa qulihinca joqagan, qe cal moain aden. Dana hageca eu ebenaga ilomoga na mecebil hac me adigian aden. ¹⁹ Je ma-adi hedumei uqa sau ul na ten, ono uqa Dogon ca eben meula na isec bilia. ²⁰ Uqa ni Malogom age cocobi bileig meje ma-adi coboin.Odocob uqa je ma-aden ca, gadac ca ihoc len.