1
Culumen ben woldoc, malol sab jec ca bret shawec jec uqana delna calec nu del leis ninijen, ilomoga ca benben iwaladec ca age adi Jesus hevi qocobil cal migian nu jahunec na je jelein.
2
Eu odi madein, malol sab jec del na qe heweboun, eu dana sigaleceb gemo na fedadan ec cad ca cain biliaun nu.
3
Sain jesus uqa betani ono, Saimon, dana oso uqa gelgel hag ca uqana jona, ono abalna jain mudi bibilen, caja oso mol dedeman gagadic ca, mebahic hewiahu cabit casalimi jesus ilo na basedu joiden.
4
Odocob ono leih gemanaga ben. Age gemo na madimeig, madein. Eu cetanu seil doja?
5
Mol i men qaig ameg 300 kina wol docna suldu ameg umi dana sawen eundec adoub imeig galac mudein
6
Qa Jesus maden, "Culdega, age cetanu galac mudegina uqa ija nu ceteh mebahic odea.
7
Sawen eu age gamic gaid biluqagan, cel sain age cesul adec nu nijeb cesul adoqagan, qa age ija gami gaid qa biluqaun.
8
Uqa odoc nu waug nijia eu odea." Uqa deweni hel cisuqagan nu mol joudia.
9
Ija mele maadigina, "hatu cunug na, ana me je i saoqagan eu na, caja i ceteh odon inu qasali madecebil uqa nu cisdoqagan.
10
Judas Iskariot, uqa malogom 12 eundec oso uqa qisacadi, ihanec dana benben ageca Jesus camas mudeceb hewoqagan nu nuen.
11
Ihanec dana benben age dumeig wawaga celeceb men qaig utuqagan nu je qel qetein. Uqa cel sain bahic jic oso qaheceb qa cesuladeceb heweqagannu sumaden.
12
Del aqunec na bret sanqaig jecnu, age culumen ben woladecnu mecmec ihanec nu cud biluqagan euna uqana malogom cudun ana saciac docobil culumen woldoc sab joqagan nu sisildoin.
13
Uqa uqana malogom leis sul aali maalen, "Jobon ben na nuesia, ono dana wa halon ca gahidoia oso guluc aleceb, todocobil beleiga.
14
Uqa jo ana dunuh ligian euna todu limesi jo memeg eu madosia. Iwalgec madea, " ija ijani malogom gami culumen woldoc nu sab jec nu cudun aii?"
15
"Uqa jo cudun meca ohis, segi eldoc ihac aligian ono egena ceceteh saciadosia."
16
Malogom age cudun eu culdimeig jobon ben na nuen. Age ceteh cunug uqa maaden odi ninijen fimeig age culumen woldocnu sab saciadoin.
17
Wesu memen uqa malogom 12 gami hoin.
18
Age abalna jain mudi sab jijibileig, Jesus maden, "Ija age mele maadigina, age eundec oso ija gami osoben sab joqona uqa ija deweninu balijigian."
19
Odocob age cunug wawaga meqemen, odocob osol osol age uqa madoin, Ge eu ija qe.
20
Jesus jejenaga hewi maaden, "euqa 12 age gemonadec osouqa ijaca osoben bret mocohul boh na nugian euqa uqa himec.
21
Ge dana melah meje uqanu jaqoc nijia eu odi ihoc ligian, qa walocca dana in uqa deweninu balijen eu. Uqa anag qe basoub mi mebahic."
22
Age jijibileig Jesus bret u ihani mei feni sivi aadi maden, "U jeiga eu ija deweni"
23
Odimei, Uqa gabin u ihan imei adeceb age cunug jein.
24
Odimei uqa maaden iqa ija golani age nu mudon nijia, eu dana cajaca cunug nu basec dugian.
25
Ija mele maadigina, "Ija wain i haun ene age gami qe joqaun, qaija wain haun Dogon na mecul na jigen."
26
Age due oso silimeig coliv aluhna tein.
27
Jesus maaden, ge eu jaqona bilia, ija agena cofadec qocomin uqana mecmec age bilsadoqagan.
28
"Hibna sain ija ceseli ajimeg ija aquni Galili ono tigen."
29
Petrus uqa Jesus madon, "cunug ca eu bilsadu beloqagan, Ija qa qe."
30
Jesus Petrus madon, "ija ina mele mahigina witic ina inna, mala qe qu leis do ninijeb ina ija hibem ti cied dogan.
31
Odocob Petrus maden, ge eu ija inaca calmewan fi ha, ija ina qe hiben ligaun."Odocob cunug ca ha odi madein.
32
Age jobon oso Getsemane egina ono humeig fesus uqana Malogom ma-aden, "Ene biliega, ija inon dodmin."
33
Uqa Petrus, Jems Johanes ca dih cedeceb uqa gami gisacdu inondugianu lein. Ono uqa ben bahic culuben don.
34
Odocob uqa ma-aden, " ija culumen ben bahic teban dugina, calmec nu ihoc gadac na. Age me qahuni mecii bilaga, "
35
Jesus nagodi qisac adi limei ono toni mugu cubodu inondon eu cois fi culumen i woldugian nu.
36
Uqa maden, "Abba, mei, ceteh cunugca eu ina odocnu ihoc. Gabin i uqeli taga ge euqa ijani gawec na qa, inani, "
37
Uqa ceseli hu us ninijegin meciadimei Petrus madon, "Saimon, age us nijeiga? sain nag bahic odi qahuni meci i bilec we qe fo?
38
Qahuni meci i inondoiga, odocob temadec na qe lowain kis qa waug nijia qa dewenega eu qe elobo el."
39
Haun uqa ceceli li inondon euha je maden odi dih maden.
40
Haun uqa cesili hu us ninijegin meciaden, Ge euqa age amaga culumen aden, age je oso uqa madocnu doc aqe.
41
Uqa hu cijed docna maaden, "Gad jain mudega us nijeiga fo? Ihoc, sain wele hoja, feiga dana melah wele silsil dana ebenagana meiga.
42
Cajega beloqa, feiga dana ijanu balijec eundecwele hogina."
43
Mahuc we bahic, uqa je mamaden, Judas, malogom 12 eundec oso dana am ben gami hoin, age ihanec dana ilomogaca benben, iwaldec dana, cofadec ca suladecebil han sigin ca na qetec ca cedi hewi hoin.
45
Qila uqanu balijec dana gadac ihac aadi maaden, "Indec uqa cotdugen, dana euqa dih, hewi libimeig hewibeliga. odocob Jesus Judas madon,
44
"Humeg", Judas mahuwe Jesus ca himi maden, "Iwalgec" odimei cotdon.
46
Odocob age hewi libein.
47
Dana cemenega tawein eundec oso sigin begesiu ihanec dana uqana begabeg oso qocob dahig ganac cagu tonon.
48
Odocob Jesus maaden, "age heje dana hewoqagan nu howe, han sigin, na qetec ca cedihewi ija hewitoqagan nu hoiga."
49
Ija sain cunug na age gami ihanec jona iwaladigina, euna age ija qe hewi libitelein. Ge i odoiga eu meje ihoc ligian nu."
50
Age cunug Jesus gami hoin eu cuculdi bilsa doin.
51
Mel haun oso uqa todon euuqa jamel cecelauc tacen; eu age hewecebil,
52
Uqa jamel huli qeqeladi bical busalen.
53
Age Jesus hewi ihanec dana ca ehi tein. ono ihanec benben, Cofadec, Iwaladec ca egulein.
54
Petrus uqa hib todu ihanec dana uqana jo gel qeihna obas gemo bilen, age ja cemenug ja walac aaden bilein.
55
Euqa ihanec dana ilomagaca benben, ilo bilec eunde cunug ceguli Jesus na cahuldoc gug megein, odieig qocobil cal migian nu. Ge age gug cahuldoc oso qe felein.
56
Mati bahic age uqa umqudein, qa agena je mele oso aqe.
57
Leih caji tawi uqa nu uhule je madein, odi madein,
58
Ege uqa mamaden dah mom, ija ihanec jo dana ebenaga cehein eu wagalimeg del cejed dih haun cehigen en.
59
Euha, agena je eu iho iho qe.
60
Odocob ihanec dana iloca, age gemo aji tawi jesus, "Ina je wadac doc nu oso caqe fo? I cetah, dana iage ina dewein nu je baliegina.
61
Ge uqa hawa en, je oso qe madel. Odocob ihanec dana ilo ca haun sisil du madon, "Ina kristus, Dogon melah fo?"
62
Jesus maden, "Ese euqa ija.Ge age dana melah sain uqa eben meulana cisec bilimei binan benca sau taen na neneceb foqagan.
63
Ihanec dana ilo ca uqana jamel baladu heheli maden, "ege haun je gagadic mudigec dana oso cocnu nijiafo?"
64
"Uqa bulamec je madea eu age doiga, eunu age cetah egina?" Odocob age cunug ca uqa cal migian nu madein.
65
Leih age uqa cinqoqoig ola jahul dumeig qisadudu madoin in qihina, ? dadomec je oso madaga.
66
Euqa Petrus mahana jo gel dunuh ono tatawen, ihanec dana uqana begabeg caja oso hu feic don.
67
Uqa Petrus ja cemenug walacdodon tatawen li gugca fen. Odiei maden, "Ina ha osoben, Jesus Nasaret dec ca."
68
Odocob uqa qesasac qu maden, "Ija age madigina eunu qe dugina, naha qe fogotel." odimei uqa mahagumu ali lelen mala qon.
69
Euna begabeg cajaeu haun fimei danaono tawen eu age maaden ."Dana i agenn dec oso."
70
Ge uqa haun qesasac qon, nagodi gieceb, ono tawein age Petrus madoin, Mele bahic ina agena dec oso euqa ina ha galili dec.
71
Qa uqa dodoc deweg geldumei maden, "dana inu madegina eunu ija qe dugina."
72
Odocob mala qu leis don. Euna Petrus uqa cisdocod ceseleceb Jesus madon eunu fogodon. Ina mala qu leis qedoc ninijeb ina ijanu qesasac qu cied dogan don. Euna odocob uqa waug qocob ben bahic qajen.