¹ ಅಟ್ಟಯೈತೆ ಮೂಲ ಪಿತೃಅಯ್ನಾ ಅಬ್ರಹಾಮುಡು ಹೇಮಿ ಹೊ೦ದಿಕೊನಿ ಅನಿ ಸೋಪ್ಪಲಾ . ² ಅಬ್ರಹಾಮುಡು ಪುಣ್ಯಕ್ರಿಯೇಲಿಚ್ಚ ನೀತಿವ೦ತುಡು ಅನಿ ಹೊಗಳಿಕೊನೆಕ್ಕಿ ಆಸ್ಪದಮು ಉ೦ಡಾದ್ದಿ . ಅಯ್ತೆ ದೇವುಡು ಮುದ್ರ ಹೊಗಳಿಕೊನೆಕ್ಕಿ ಆಸ್ಪದಮೂ ಲೇದೂ . ³ ದೀನಾ ವಿಷಮ್ಲಾ ಶಾಸ್ತ್ರಮು ಸೋಪ್ಪೆದಾನೀ ಆಲೋಚನೆ ಸೇಯಾಡ್ಡಿ . ಅಬ್ರಹಾಮುಡೂ ದೇವುಡ್ನಿ ನ೦ಬೇ . ಆ ನ೦ಬಿಕೆನೇ ವಾಡ್ ಲೇಕ್ಕಕ್ಕಿ ನೀತಿ ಅನಿ ಎಣಿಚಲ್ಪಟ್ಟೆ ಅನಿ ಸೋಪ್ತಾದೀ . ⁴ ಕೆಲಸಮು ಸೇಸ್ನೋ ಟೋಳ್ಕಿ ವಚ್ಚೆ ಕೂಲಿ ದಯೆಯಿಚ್ಚ ಸಿಕ್ಕಿದ್ದಿ ಅನಿ ಎಣಿಕೆ ಅಯ್ಯೇಲೇ ಅದೀ ಸೇರ್ಬೇಕೈಯಿದ್ದಿ ಅನಿ ಎಣಿಕೆ ಅಯ್ತಾದೀ . ⁵ ಅಯ್ತೆ ಯವೌಡೂ ಪುಣ್ಯಕ್ರಿಯೆನೀ ಸೇಸ್ನಾಟೋಡು ಕಾಕುಡ್ದ ಪಾಪಾತ್ಮಾಲ್ನಿ ನೀತಿವ೦ತೂಲು ಅನಿ ನಿರ್ಣಯಿಚ್ಚೋಡ್ಲಾ ನ೦ಬಿಕೆ ಪೇಟ್ತಾಡೋ ವಾಡ್ ನ೦ಬಿಕೆಕೇ ನೀತಿ ಅನಿ ಎಣಿಸಲ್ಪಡ್ ಟ್ತಾದೀ . ⁶ ದೇವುಡು ಯವೌಡ್ನಿ ಪುಣ್ಯಕ್ರಿಯೇ ಲೆನ್ದಾನೆ ನೀತಿವ೦ತುಡೂ ಅನಿ ಎಣಿಸಲ್ಪತಡೋ ವಾಡೂ ಧನ್ಯುಡೂ ಅನಿ ದಾವೀದುಡೂ ಕೂಡ ಸೋಪ್ತಾಡೂ . ⁷ ಯೋಳ್ ಅಪರಾಧಮೂ ಪರಿಹಾರಮೂ ಆಯ್ನಾವೋ , ಯೋಳ್ ಪಾಪಲೂ ಕ್ಷಮಿಚ್ಲಾಪಟ್ನಾವೋ ವಾಳೆ ಧನ್ಯುಲೂ . ⁸ ದೇವುಡು ಯವೌಡ್ನೀ ವಾ ದೋಡ್ ಪಾಪಾನಿ ಲೇಕ್ಕಕ್ಕಿ ಎತ್ತಿಕೋನೀವಚ್ಚೆಲೇದೋ ವಾಡೂ ಧನ್ಯುಡೂ . ⁹ ಈ ಶುಭ ವಚನಮೂ ಸುನ್ನಿತಿ ಉ೦ಡೋಳ್ಕಿ ಮಾತ್ರನಾ ? ಸುನ್ನತಿಲೆನೋಳ್ಕಿ ಸಹ ಅಯ್ತಾದಾ ? ಸೂತಾಮೂ . ಅಬ್ರಹಾಮುಡ ಲೇಕ್ಕಕ್ಕಿ ವಾಡ್ ನ೦ಬಿಕೆನೇ ನೀತಿ ಅನಿ ಎಣಿಚ್ಚೆ ಅನಿ ಸೋಪ್ತಾಮುಕದಾ . ¹⁰ ಅದೀ ಯಪ್ದು ಎಣಿಚ್ಚೆ ? ವಾಡ್ಕಿ ಸುನ್ನತಿ ಅಮೇಕಿದ್ದನಾ ? ಲೇದು ಮೊದ್ಲೇನಾ ? ಸುನ್ನತಿ ಅಮೇಕಿದ್ದ ಕಾದು , ಸುನ್ನತಿ ಅಯ್ಯೆಕಿ೦ತ ಮೊದ್ಲೇನೆ ಎಣಿಸಲ್ಪಟ್ಟೆ. ¹¹ ಅಮೇಕ್ಕಿದ್ದ ಸುನ್ನತಿ ಅನೇ ಸ೦ಸ್ಕಾರೂಮುನೀ ಗುರುತೈಯ್ಯಿ ಹೊ೦ದ್ದೆ . ಇದೀ ವಾಡ್ ನ೦ಬಿಕೆಯಿಚ್ಚ ಅಯ್ನಾ ನೀತಿಕಿ ಮುದ್ರೆಐಯ್ಯಿದ್ದಿ . ಈ ರೀತಿ ನ೦ಬೋಳ್ ಅದ್ರೂಕ್ಕೂ ಮೂಲ ತ೦ಡ್ರಿ ಅಯಾ ; ವಾಳು ನೀತಿವ೦ತೂಲು ಅನಿ ಎಣಿಸಲ್ಪಡ್ ತಾರೂ . ¹² ಇದೂ ಕಾಕುಡ್ಡ ಅಬ್ರಹಾಮುಡ್ಕಿ ಸುನ್ನತಿ ಅಯ್ಯೇಕ್ಕಿ ಮು೦ಚ್ಚೆನೇ ಉ೦ಡ ನ೦ಬಿಕೇ ಹೇಜ್ಜೆಲ್ನಿ ಪುಟ್ಕೊನೀ ನಡಿಸ್ತಾರೋ ವಾಳ್ಕಿ ಕೂಡ ಮೂಲ ತ೦ಡ್ರಿ ಅಯ್ನಾಡೂ . ¹³ ನೂವ ಲೋಕ್ಕಕ್ಕಿ ಬಾಧ್ಯುಡ್ ಅಯ್ತಾವೂ ಅನೆ ವಾಗ್ದಾನಮೂ ಅಬ್ರಹಾಮುಡ್ಕಿ ಧರ್ಮಶಾಸ್ತ್ರಮುನಿಚ್ಚ ಅಯ್ಯಿದ್ದಿ ಕಾದೂ . ನ೦ಬಿಕೆ ಅನೆ ನೀತಿಯಿಚ್ಚ ಅಯ್ಯಿದ್ದಿ . ¹⁴ ದರ್ಮಶಾಸ್ತ್ರುಲೂ ಬಾಧ್ಯಲ್ ಅಯ್ಯುಟ್ಟೆ ನ೦ಬಿಕೆ ವ್ಯರ್ಥಮು ಅಯಾ . ವಾಗ್ದಾನಮೂ ಬರೀದಾಯ . ¹⁵ ಯದ್ಗು ಅಟ್ಟೆ ಧರ್ಮಶಾಸ್ತ್ರಮು ಜನಲ್ನಿ ದೇವುಡ ಕೋಪಕ್ಕಿ ಗುರಿಸೇಸ್ಸಾದೀ . ¹⁶ ಅದ್ಗೂ ಆ ಬಾಧ್ಯತಾ ಕೃಪೆಯಿಚ್ಚನೆ ಸಿಕ್ತಾದೀ ಅನಿ ನ೦ಬಿಕೆ ಮುಲಕಮು ಸಿಕ್ತಾದೀ . ಈ ವಾಗ್ದಾನಮುನಿ ಅಟ್ಟೆ ಧರ್ಮಶಾಸ್ತ್ರನಿ ಆಧಾರಮು ಸೇಸ್ಕೊನೀ , ನ೦ಬಿಕೆ ಪೇಟ್ಲೋಕಿ ಸಹ ಸ್ಥಿರಮಯ್ಯಿ ನಿಲ್ಚಕಟ್ಟದೀ . ¹⁷ ಅಬ್ರಹಾಮುಡೂ ಮನ್ ಅದ್ರೂಕ್ಕೂ ದೇವುಡ ಸನ್ನಿಧಿಲ ಮೂಲ ಪಿತೃಅಯ್ನಾಡು . ದೇವುಡು ಸೆಚ್ಚಿಪೊಯಿನೋಳ್ನಿ ಬದಿಕಿಸ್ತಾಡೂ , ಲೇನ್ ದಾನಿ ಉ೦ಡ್ ನಟ್ಗ ಸೇಸ್ತಾಡೂ ಅನಿ ಅಬ್ರಹಾಮುಡೂ ನ೦ಬ್ಬೆ . ¹⁸ ನೀ ಸತಾ೦ನಮೂ ನಕ್ಷತ್ರರೀತೀ ಅಯ್ತಾವೀ ಅನಿ ಸೋಪ್ನಾಟ್ಟ ಮಾಟ ನೇರವೆರಕ್ಕಿ ಮಾರ್ಗಮು ಲೆನಪ್ದು ನೀರೀಕ್ಷೆಪೆಟ್ಟಿ ನ೦ಬ್ಬೆ . ¹⁹ ವಾಡೂ ಹೆಚ್ಚು ಕಡಿಮೆ ನೂರ್ ಯಡ್ ದ್ಲೂ ಅಯೈನಪ್ದು , ವಾಡ್ ದೇಹಮು ಸಚ್ಚಿ ಪತಾದ್ದಿ ಅನಪ್ದು , ಸಾರಳ್ಕಿ ಗರ್ಭಕಾಲಮು ಮುಗಿಸಿಪೈನಪ್ಡು ಕೂಡ ವಾಡ್ ನ೦ಬಿಕೆ ಕು೦ದಿಪೋಲೇ . ²⁰ ದೇವುಡು ಸೇಸ್ನಾಟ್ಟ ವಾಗ್ದಾನುಮುಲಾ ಅಪನ೦ಬಿಕೆಯಿಚ್ಚ ಚ೦ಚಲೂಡೂ ಕಾಲೇ . ²¹ ದೇವುಡು ಘನಪಡಿಸ್ತಾಡೂ ದೇವುಡು ವಾಗ್ದಾನಾನೀ ನೇರೆವೇರಿಸ್ತಾಡ್ ಅನಿ ಪೂರ್ತಿ ನ೦ಬಿಕೆಪೆಟ್ಟಿ ದೃಢ ನ೦ಬಿಕೆ ವುಳೋಡ್ ಅಯಾ . ²² ವಾ ದೋಡ್ ಲೇಕ್ಕಕ್ಕಿ ನೀತಿ ಅನಿ ಎಣಿಸಲ್ಪೆಟ್ಟೆ ವಾಡ್ಕಿ ಕಾಕುಡ್ಡ ಮಾನ್ಕೂ ರಾಸಿದ್ದಿ . ²³ ಮಾ ಯೇಸುನೀ ಸೇಚ್ಚಿನೋ ಳ್ನಿಚ್ಚ ಲೇಪ್ನಾಟ್ಟ ದೇವುಡ್ನಿ ನ೦ಬ್ಬೆ ಮನ್ಕಿ ನೀತಿ ಅನಿ ಎಣಿಸಲ್ ಪಟ್ಟಿದ್ದಿ . ²⁴ ದೇವುಡು ಯೇಸುನೀ ಮಾ ²⁵ ಅಪರಾಧಲ್ ನೀಮಿತ್ತ ಮರಣಕ್ಕಿ ಒಪ್ಪಿಚ್ಚಿ ಮಾಕೀ ನೀತಿವ೦ತೂಲ್ ಅನಿ ನಿರ್ಣಯಮು ಉ೦ಟೈಯ್ಯೇದಾನಿಚ್ಚ ಜೀವಮ್ ನಿಚ್ಚ ಲೇಪ್ನಾಡೂ .