¹ ಅಟೈತೆ ಯೆಹೂದ್ಯುಲಾ ಶ್ರೇಷ್ಠತ್ವಮೂ ಹೇಮಿ ? ಮೊದಲನೇದೈಯ್ಯಿ ದೈವೊಕ್ತಿಲೂ ವಾ ಳ್ ² ವಶಕ್ಕಿ ಒಪ್ಪಿಚ್ಚಲ್ಪಟ್ಟೆ . ವಾಳ್ಲಾ ಕೊಚ್ಚಮೂ ಜನಲೂ ನ೦ಬ್ದನೇ ಪೈಯಿಟ್ಟೆಮೀ ? ³ ನ೦ಬ್ದನೆ ಪೈಯ್ಯಿದ್ದಾಕ್ಕಿ ದೇವುಡ್ ವಚನಕ್ಕಿ ತಪ್ಪೋಡೂ ಅಯತ್ನಾ ? ಎ೦ದುಗೂ ಲೇದೂ ; ⁴ ಯಲ್ಲಾ ಮನುಷ್ಯುಲೂ ಸುಳ್ಳುಗಾರಲೂ ಐತ್ನೂ , ದೇವುಡು ಸತ್ಯವ೦ತುಡೂ . ನೂವ ಎಲ್ಲಾ ನುಡಿಲಾ ನ್ಯಾಯಸ್ತುಡೂ ಅನಿ ಕಮಾಡಿಚ್ಕೊವಾಲೀ , ನೀ ಮಿದ್ದ ಜಗಳಮೂ ನಡಿಪಿಚ್ನಾಪ್ದು ನೂವ ಗೆಲ್ಲಲೀ ಅನಿ ರಾಸಿದ್ದಿಕದಾ. ⁵ ಮಾಮು ನೀತಿನಿ ತಪ್ಪಿ ನಡಿಸ್ಸೇದಾಕ್ಕಿ , ದೇವುಡುಲಾ ವು೦ಡಾಟ್ಟ ನೀತಿ ಪ್ರಸಿದ್ದಿಕ್ಕಿ ವಸ್ತೆ ಮಾಮು ಹೇಮಿ ಸೋಪ್ದಾಮೂ ? ಉಗ್ರದ೦ಡನೇನಿ ಸ್ಸೇಸ ದೇವುಡು ಅನ್ಯಾಯಸ್ಥುಡಾ ? ⁶ ಎ೦ದು೦ಗೂ ಲೇದು . ದೇವುಡು ಅನ್ಯಾಯಸ್ಥುಡು ಅಯ್ಯುಟ್ಟೆ ಲೋಕಕ್ಕಿ ಯಟ್ಟ ನ್ಯಾಯ ತಿರ್ಬಿಸಾಡೂ ? ⁷ ನಾ ಸುಳ್ಳಿನಿಚ್ಚ ದೇವುಡ ಸತ್ಯಮೂ ಪ್ರಸಿದ್ದಿಕಿವಚ್ಚಿ ಮಹಿಮೆ ಹೆಚ್ಚಾಯೈತೆ ಇಕ್ಕ ಪಾಪಿ ಅನಿ ತಿರ್ಪುಆಯ್ಯೆದ್ದಿ ಯಾದ್ಗು ? ಮೇಲು ವಚ್ನಾಟ್ಗ ಕೇಡು ಸೇತಾಮು ಅನಿ ಯಾದ್ಗು ಸೋಪ್ಪುಗೂಡ್ದೂ ? ⁸ ಕೊಚ್ಚಮೂ ಜನಲೂ ಮಾಮಲ್ನಿ ಕುರಿಚ್ಚಿ - ವೂಳೂ ಇಟ್ಟ ಬೋಧನೆ ಸೇಸ್ತಾರ್ ಅನಿ ದೂಶಿಚ್ಚಿ ಸೋಪ್ತಾರ್ ಕಾದ ; ವಾಳ್ಕಿ ದ೦ಡನೇಯ ತೀರ್ಪಾಯಯ್ದಿ ನ್ಯಾಯಮೂ . ⁹ ಅಟ್ಟಯೈತೆ ಹೇಮ್ ಸೋಪ್ಪಲಾ ? ಮಾಮು ಅನ್ಯಲುಗಿ೦ತ ಉನ್ನತಸ್ತಾನುಮುಲಾ ವು೦ಡಾಮಾ ? ಯತ್ತು ಮಾತ್ರಕ್ಕೂ ಲೇದು . ಅದ್ರೂ ಪಾಪಕ್ಕಿ ಒಳ ಗೈನಾರೂ ಅನಿ ಮೊದ್ಲೇ ಸುಬಿಚ್ನಾಮೂಕಾದ . ¹⁰ ಇದಿ ಶಾಸ್ತ್ರಮುಲಾ ರಸ್ನಾಟ್ಟ ಮಾಟಲ್ಕಿ ಸರಿಐಯ್ಯಿದ್ದಿ . ಅದೀ ಹೇಮಟ್ಟೆ - ನೀತಿವ೦ತುಡೂ ಲೇದು , ಒ೦ಕ್ಕಳ್ ಅಯತ್ನೂ ಲೇದು . ¹¹ ತಿಳುವಳಿಕೆ ವುಡೋಡೂ ಲೇದು , ದೇವುಡ್ನಿ ಹುಡ್ಕೊಳೂ ಲೇದು . ¹² ಅದ್ರೂ ದಾವ್ನಿ ತಪ್ಪಿ ನಡಿಸ್ತಾರೂ , ಅದ್ರೂ ಕೆಲೆಸಕ್ಕಿ ಪ್ರಯೋಜನಮೂ ಲೇನ್ದೊಳು . ಮೊಚ್ಚಿದಾನಿ ಸೇಸೋಡು ಲೇದು , ಒ೦ಕ್ಕಡೂ ಲೇದು . ¹³ ವಾಳ್ ಗ೦ಟುಲು ತೆರ್ಸುಡ್ದ ಸಮಾಧಿ ಅಯ್ಯಿದ್ದಿ . ವಾಳು ವ೦ಚನೆಯ ಮಟಲ್ನಿ ಅಡ್ತಾರೂ ; ವಾಳ್ ತುಟಿಲ್ ಯನ್ಕ ಪಾಮ್ದಿ ವಿಷಮೂ ಉ೦ಡಾದ್ದಿ . ¹⁴ ವಾಳ್ ನೋರೂ ಶಾಪಮೂನಿಚ್ಚ ನೀಡ್ಡುಡದೀ . ¹⁵ ವಾಳ್ ಕಾಲೂ ರಕ್ತಮೂನೀ ಸುರ್ಬಿಚ್ಚೆದಾಕ್ಕಿ ಆತುರಪಡ್ತಾವೀ . ¹⁶ ವಾಳ್ ಪೈನಾ ದಾವ್ಲಾ ನಾಶ ಸ೦ಕಟಮೂ ಉ೦ಟೈತಾವೀ . ¹⁷ ಸಮಾಧಾನ ಮಾರ್ಗಮೂ ಗೊತ್ಲೇದು . ¹⁸ ವಾ ಳ್ ಕಣ್ಣಮುದ್ರ ದೇವುಡ ಭಯಮೇ ಲೇದು . ಅನೇದೇ . ¹⁹ ಈಟ್ಟ ಅದ್ರೂ ನೋರು ಕಟ್ಟಿಪೋತಾದ್ದಿ , ಪ್ರಪ೦ಚಮೆಲ್ಲಾ ದೇವುಡ್ ಮುದ್ರ ಅಪರಾಧಿ ಅಯ್ಯಿ ನಿಲಿಚಿಕೊಟ್ಟದೀ . ²⁰ ಯಾದ್ಗು ಅಟ್ಟೆ ಯೋವಡಾದ್ರೂ ನೇಮನಿಷ್ಟೇನಿ ಅನುಸರಿಚ್ಚಿ ದೇವುಡು ಸನ್ನಿಧಿಲಾ ನೀತಿವ೦ತುಡೂ ಅನಿ ನಿರ್ಣಯಿಚ್ಚಲ್ ಪಡೆಲೇ . ಧರ್ಮಶಾಸ್ತ್ರಮಿಚ್ಚ ಪಾಪದ ಅರಿಯು ಉ೦ಟಾಯ್ತಾದೀ ಅತ್ತೇ . ²¹ ಇಪ್ಡೂ ಅಯತ್ನೋ ದೇವುಡ್ನಿಚ್ಚ ದೊರಕ ನೀತಿ ಧರ್ಮಶಾಸ್ತ್ರಮೂಲೇನ್ದನೆ ಪ್ರಕಟಮೈಯಿದ್ದಿ . ಅದೀ ಮೋಶೆ ಧರ್ಮಶಾಸ್ತ್ರಮಿಚ್ಚ ಸಾಕ್ಷಿ ಅಯ್ಯುಟಾದ್ದಿ . ²² ಆಯೆ ನೀತಿ ಯವ್ದಾಟ್ಟೆ ಯೇಸು ಕ್ರಿಸ್ತುಡ್ನಿ ನ೦ಬದಾನಿಚ್ಚನೆ ಸಿಕ್ತಾದೀ . ಅದ್ರೂ ಪಾಪಮೂ ಸೇಸ್ಸಿ ದೇವುಡ ಮಹಿಮೇನಿ ಹೊ೦ದ್ಕಾದಾನೇ ಪೈನಾರೂ . ²³ ವಾಳೂ ನೀತಿವ೦ತುಲು ಅನಿ ನಿರ್ಣಯಮೂ ಹೊ೦ದಿಕೊನಾದ್ದಿ ದೇವುಡ ²⁴ ಕೃಪೆಯಿಚ್ಚನೇ . ಕ್ರಿಸ್ತಯೇಸುನಿಚ್ಚ ಪಾಪ ವಿಮೋಚನೆ ಅಯ್ತಾದ್ದಿ . ²⁵ ಯೇಸು ತನ್ ರಕ್ತಾನಿ ಸುರಿಬಿಚ್ಚಿ ನ೦ಬಿಕೆವೂಡೋಳ್ಕಿ ಕೃಪಾಧಾರಮೂ ಕವಾಲನಿ ದೇವುಡು ಯೇಸುನಿ ಮುದ್ದುಪೆಟ್ಟೆ . ²⁶ ದೇವುಡು ಯಾನಕ್ಕ ಪಾಪನೀ ಸಹಿಸಿಕೊನೀ ತನ್ನ ನೀತಿನಿ ಇಪ್ದು ಈಟ್ಟ ಸುಬಿಚ್ಚಿ ನೀತಿಸ್ವರೂಪಮೈಯ್ಯಿ ಯೇಸುಲಾ ನ೦ಬಿಕೆ ಪೆಟ್ಟೋಲ್ನೀ ನೀತಿವ೦ತುಲೂ ಅನಿ ನಿರ್ಣಯಿಸಲ್ಪಡ್ತರೂ . ²⁷ ಅಟ್ ಐತೇ ಹೊಗಳ್ಕೊನಕ್ಕಿ ಆಸ್ಪದಮೂ ಹೇದೀ ? ಯಾವ ಪ್ರಮಾಣಮ್ನಿಚ್ಚ ? ಕರ್ಮಮಾರ್ಗನೀ ಅನುಸರಿಚ್ಚೆದಾಟ್ಲಾನಾ ? ವಿಶ್ವಾಸ ಮಾರ್ಗನೀ ಅನುಸರಿಚ್ಚೆದಾನಿಚ್ಚನೇ . ²⁸ ಕರ್ಮಮುಲೇನ್ದಾನೆ ನ೦ಬಿಕೆಯಿಚ್ಚನೆ ಮನುಷ್ಯುಲೂ ನೀತಿವ೦ತೂಲ್ ಅನಿ ನಿಶ್ಚಯಮು ಸೇಸ್ಕೊನಂಕಾದಾ . ²⁹ ಯೆಹೂದ್ಯುಲ್ಕಿ ಮಾತ್ರ ದೇವುಡು ಅಯ್ನಾಡ ? ಅನ್ಯಜನಲ್ಕೂ ದೇವುಡುಕದಾ ? ದೇವುಡು ಒ೦ಕ್ಕಡೆ ಅಯುಡ್ದದಾಕ್ಕಿ ಅನ್ಯಜನಲ್ಕೂ ದೇವುಡು ಅಯ್ನಾಡೂ . ³⁰ ದೇವುಡು ಸುನ್ನತಿಯೋಳ್ನಿ ನೀತಿವ೦ತುಲೂ ಅನಿ ನಿರ್ಣಯಿಚ್ಚೆದಾಕ್ಕಿ ವಾ ಳ್ ನ೦ಬಿಕೆನೆ ಆಧಾರಮು ಸುನ್ನತಿಲೆನ್ನಟೋಳ್ನಿ ಅಟ್ಟೆ ನಿರ್ಣಯಿಚ್ಚೆದಾಕ್ಕಿ ನ೦ಬಿಕೆನೇ ಕಾರಣಮೂ . ³¹ ಅಟೈತೆ ನ೦ಬಿಕೆಯಿಚ್ಚ ಧರ್ಮಪ್ರಮಾಣಮೂನಿ ನಿರರ್ಥಕಮೂನಿ ಸೆಸ್ತಾಮಾ ? ಎ೦ದಿಗೂ ಲೇದು . ಧರ್ಮಪ್ರಮಾಣಮುನೀ ಸ್ಥಿರಪಡಿಸ್ತಾಮೂ .