¹ ಅದ್ಗೂ ಎಲೈ ಮನುಷ್ಯುಡ ಇಕ್ಕೊಕಲಾ ದೋಷಮು ಎಣಿಬಿಚ್ಚೆದಾಕಿ ನಿನ್ನಿ ನೂವೇ ದೋಷಿ ಅನಿ ತೀರ್ಪುಸೇಸ್ಕೋನಟ್ಗ ಅಯಾ . ಆ ದೋಷನಿ ನೂವೇ ನಡಿಪಿಸ್ತಾವೂ ಕಾದ . ² ಅಯ್ತೆ ನಡಿಪಿಚ್ಚೋಳಾ ವಿಷಯಮೂಲಾ ದೇವುಡು ಸೇಸ್ಸೇ ತೀರ್ಪು ಸತ್ಯಕ್ಕಿ ಅನುಸಾರಮೈ ವುಟ್ಟದೀ ಅನಿ ಗೊತ್ತುಕದ . ³ ಎಲೈ ಮನುಷ್ಯುಡ ದೋಷಮು ಅನೇದಾನೆ ಸೇಸ್ತಾವುಡಟ್ಟ ನೂವ ದೇವುಡ ತೀರ್ಪುಕಿ ತಪ್ಪಿಚ್ಕೊಟ್ಟನೂ ಅನಿ ಯೋಚಮೂಸೆತ್ತಾವಾ . ⁴ ದೇವುಡ ಅಪಾರಮೈನಟ್ಟ ದಯಾ, ಸಹನ , ದೀರ್ಘಶಾ೦ತಿನಿ ಅಸಡ್ಡೆ ಸ್ಸೇಸ್ತಾವಾ ? ಮನಸ್ಸನಿ ಬೇರೇ ಸೇಸ್ಕೊನೆದಾಕ್ಕಿ ದೇವುಡ ಉಪಕಾರಮೂ ನಿನ್ನಿ ಪ್ರೇರಿಸ್ತಾದಿ ಅನಿ ನೀಕೀ ಗೊತ್ಲೆದಾ . ⁵ ನೂವ ಮೊ೦ಡತನಮೂನಿ ಪಶ್ಚಾತ್ತಾಪಮೂ ಲೆನ್ನಟ್ಟ ಮನಸ್ಸಿನಿ ಅನುಸರಿಸ್ತಾವುಡ್ಡದಾಕಿ ನಿಕೊಸ್ಕರಮೂ ದೇವುಡ ಕೋಪನಿ ಕೂಡಿಪಿಚ್ಕೊಟ್ಟ ವು೦ಡಾವೂ. ದೇವುಡ ಕೋಪಮೂ ಪ್ರಕಟಮೈಯೇ ದಿವಸಮೂ ವಸ್ತಾದೀ . ⁶ ದೇವುಡು ಪ್ರತಿಯೋಕ್ಕಲ್ಕಿ ವಾಳ್ ಕೃತ್ಯಲ್ಕಿ ತಕ್ಕ ಪ್ರತಿಫಲಮುನೀ ಇಸ್ತಾಡೂ . ⁷ ಯೋಳು ಮಾನ ನಿರ್ಲಯತ್ವನಿ ಹೋ೦ದ್ಕೊವಲನೀ ಮೊಚ್ಚಿದಾನಿ ಬೇಸರಮೂ ಲೇನ್ದಾನೆ ಸೇಸ್ತಾರೋ ವಾಳ್ಕಿ ನಿತ್ಯಜೀವಮೂನಿ ಇಸ್ತಾನೂ . ⁸ ಯೋಳು ಸತ್ಯಮುನಿ ಅನುಸರಿಸ್ದಾನೇ ಅನ್ಯಾಮುನೀ ಅನುಸರಿಸ್ತಾರೋ ವಾಳ್ಕಿ ಕೋಪಮೂ , ರೌದ್ರಲೂ , ವಸ್ತಾವೀ . ⁹ ಸೇಡ್ದೆದಾನಿ ನಡಿಪಿಚ್ಚ ಪ್ರತಿಯೋಕ್ಕ ನರಪ್ರಾಣಿಕಿ ಕಷ್ಟಮೂ , ಸ೦ಕಟಮೂ ವಸ್ತಾದೀ . ¹⁰ ಅಯ್ತೆ ಮೋಚ್ಚಿದಾನಿ ನಡಿಪಿಚ್ಚ ಪ್ರತಿಯೋಕ್ಕಲ್ಕಿ ಪ್ರಭಾವಮೂ , ಮಾನಮೂ , ಮನಶ್ಯಾ೦ತಿ , ಉ೦ಟಾಯ್ತಾದೀ . ಯೆಹೂದ್ಯಲ್ಕಿ ಮೊದ್ಲೂ , ¹¹ ಅಮೆಕಿದ್ದ ಗ್ರಿಕಲ್ಕಿ ಸಹ . - ದೇವುಡುಕಿ ಪಕ್ಷಪಾತಮೂ ಲೇದು . ಧರ್ಮಶ್ರಾಸ್ತಮೂಲೇನಟ್ಗ ಪಾಪಮೂ ಸೇಸೋಳೂ ಧರ್ಮಶ್ರಾಸ್ತ್ರಮೂಲೇನಟ್ಗನೇ ನಾಶಮೂ ಅಯ್ತಾರೂ . ¹² ಅಯ್ತೆ ಧರ್ಮಶಾಸ್ತ್ರಮು ವೂಡೋಲ್ ಅಯ್ಯಿ ಪಾಪಮೂ ಸೇಸೋಳೂ ಧರ್ಮಶಾಸ್ತ್ರಕ್ಕಿ ಅನುಸಾರಮೈಯ್ಯಿ ತಿರ್ಪುನಿ ಹೊ೦ದೂತಾರೂ . ¹³ - ಧರ್ಮಶ್ರಾಸ್ತ್ರನಿ ಇನ್ ತಕ್ಷಣಮೇ ನೀತಿವ೦ತುಲೂ ಅಯೇಲೆ ದಾನೀ ಅನುಸರಿಚ್ಚೊಳೆ ನೀತಿವ೦ತುಲೂ ಅನಿ ನಿರ್ಣಯಿಂಚಲ್ಪಡ್ತಾರೂ . ¹⁴ ಧರ್ಮಶ್ರಾಸ್ತಮೂ ಲೇನೆಟ್ಟ ಅನ್ಯಜನಲೂ ಧರ್ಮಶ್ರಾಸ್ತಮೂ ಸೋಪ್ನಾನಟ್ಗ ನಡಸ್ತೆ ವಾಳೂ ವಳ್ಕೆ ಧರ್ಮಪ್ರಮಾಣಮೂ ಅಯ್ನಾರೂ . ¹⁵ ಯಟ್ಟ ಅಟ್ಟೆ ವಾಳೂ ಧರ್ಮಶ್ರಾಸ್ತದ ಮುಖ್ಯ ತಾತ್ಪರ್ಯನೀ ಹೃದಯಮುಲಾ ರಾಸಿದ್ದಿ ಅನಿ ಸೂಬಿಸ್ತಾರೂ . ವಾ ಳ್ ಯೋಚನೇಲೂ ಇದಿ ತಪ್ಪು , ತಪ್ಪುಕಾದೂ ಅನಿ ಸೂಚಿಸ್ತಾವೀ . ¹⁶ ದೇವುಡು ಯೇಸು ಕ್ರಿಸ್ತುಡ ಮೂಲಕಮೈ ಮನುಷ್ಯುಲಾ ಗುಟ್ಟುನಿ ಪುಟ್ಕಾನಿ ವಿಚಾರಮೂ ಸೇಸೆ ದಿನಮೂ ವಸ್ತಾದೀ ಅಬದ್ದು ಇವೆಲ್ಲಾ ಗೋತಾಯ್ತಾವೀ . ¹⁷ ನೂವ ಯೆಹೂದ್ಯ ಅನಿಚ್ಕೊಡೋಡು, ಧರ್ಮಶಾಸ್ತ್ರಲ ಭರವಸೆಪೇಟ್ಟುಡೋಡು , ದೇವುಡ ಚಿತ್ತಾಮೂ ಗೊತ್ತುಡೋಡು , ¹⁸ ಧರ್ಮಶಾಸ್ತ್ರಮಿಚ್ಚ ಉಪದೇಶಮೂ ಹೊ೦ದ್ಕೊನಿ ಇದಿ ತಕ್ಕಮೈನ್ದೀ , ಇದಿ ತಕ್ಕಮೈನ್ದೀ ಕಾದೂ ಅನಿ ವಿವೇಚಮೂನಿ ಸೇಸೋಡ್ದು ಅಯ್ನಾವೂ . ¹⁹ ಧರ್ಮಶಾಸ್ತ್ರಮೂಲಾ ಜ್ಞಾನ ಸ್ವರೂಪುಡು ಉ೦ಡೆದಾಕ್ಕಿ , ಕುರುಡುಲ್ಕಿ ದಾವಾ ಸುಬೋಡೂ , ಸಿಕ್ಟ್ಲ ಉ೦ಡೋಲ್ಕಿ ಯೆಲಗೂನಿ , ²⁰ ಲೆನ್ನಾಟ್ಟೋಲ್ಕಿ ಶಿಕ್ಷಕುಡೂ ಬಾಲಕುಲಾಕಿ ಉಫಾಧ್ಯಾಯುಡೂ ಅಯ್ನಾವು ಅನಿ ನ೦ಬಿಕೊನುಟ್ಟಿ . ²¹ ಮತ್ತೋಕೊಲ್ಕಿ ಉಪದೇಶಮೂ ಸೇಸ್ಸಟ್ಟ ನೂವ ನೀಕೀ ಉಪದೇಶಮುನಿ ಸೇಸ್ಕೊದಾನೆ ವು೦ಡಾವಾ ? ದೊಗ್ಗತನಮೂ ಸೈಗೂಡ್ ದನಿ ಸೋಪ್ಪಟ್ಟ ನೂವ ದೊಗ್ಗತನಮೂನೀ ಸೇಸ್ತಾವಾ ? ²² ಹಾದರತನಮೂನೀ ಸೈಗೂಡ್ ದನಿ ಸೋಪ್ಪಟ್ಟ ನೂವ ಹಾದರತನಮೂನೀ ಸ್ಸೇಸ್ತಾವಾ ? ²³ ಧರ್ಮಶಾಸ್ತ್ರಮೂಲಾ ಅಭಿಮಾನಿ ಆಯ್ಯುಡಟ್ಟ ನೂವ ಧರ್ಮಶಾಸ್ತ್ರಮುನಿ ಮಿರೀ ನಡಿಪಿಚ್ಚಿ ದೇವುಡ್ನಿ ಅಪಮಾನಮೂ ಸೇಸ್ತಾವಾ ? ²⁴ ಮಿಯಿಚ್ಚ ಅನ್ಯಜನಲ್ಲ ದೇವುಡ ನಾಮಮೂ ದೂಷಣೆಕ್ಕಿ ಗುರಿ ಅಯ್ತಾದೀ ಅನಿ ರಾಸಿದ್ದಿ ಕದಾ . ²⁵ ನೂವ ಧರ್ಮಶಾಸ್ತ್ರಕ್ಕಿ ಅನುಸಾರಮಯ್ಯಿ ನಡಿಸ್ತೆ ಸುನ್ನತಿ ಪ್ರಯೋಜನಕರಮೈಯ್ಯಿದ್ದಿ ; ಅಯ್ತೆ ಧರ್ಮಶಾಸ್ತ್ರನೀ ಮೀರಿ ನಡಿಸ್ತೆ ಸುನ್ನತಿವುಟ್ಟನು ಲೇನಟ್ಗ ಅಯಾ . ²⁶ ಇಟ್ಟುಡದಾಕಿ ಸುನ್ನತಿಲೇನಟ್ಟೋಡೂ ಧರ್ಮಶಾಸ್ತ್ರ ಪ್ರಕಾರ೦ಗ ನಡಿಸ್ತೆ ಸುನ್ನತಿ ಉ೦ಡೋಡು ಅನಿ ಎಣಿಸಲ್ಪಪಡಲೇದ ? ²⁷ ಧರ್ಮಶಸ್ತ್ರಮುಲಾ ಸೋಪ್ನಾನಟ್ಗ ಶಾಸ್ತ್ರಮೂ , ಸುನ್ನತಿ , ವು೦ಡಿ ದಾನಿ ಮೀರಿ ನಡಿಸ್ಸೇ ನಿನ್ನಿ ದೋ ಷಿ ಅನಿ ನಿರ್ಣಯಿಚ್ಚಲೇದಾ ? ²⁸ ಅತಾರ ಮಾತ್ರ ಯೆಹೂದ್ಯುಡು ಅಯ್ನೋಡೂ ಯೆಹೂದ್ಯುಡೂ ಕಾದು ; ಮಲ್ಲಿ ಶರೀರೂಮುಲಾ ಮಾತ್ರ ಸೇಸ್ನಾಟ್ಟ ಸುನ್ನತಿ ಸುನ್ನತಿಕಾದೂ . ²⁹ ಅಯ್ತೆ ಲೋಗ ಯೆಹೂದ್ಯೂಡು ಅಯ್ನೋಡೂ ಯೆಹೂದ್ಯುಡು . ಹೃದಯಮುಲಾ ಸೇಸ್ನಾಟ್ಟ ಸುನ್ನತಿಯೇ ಸುನ್ನತಿ . ಇದಿ ಅತಾರಿಕ್ಕಿ ಸ೦ಬ೦ಧಪಟ್ಟುಡದೀ ಕಾದೂ , ಅತ್ಮಕ್ಕಿ ಸ೦ಬ೦ಧಪಟ್ಟಿ . ಇಟ್ಟ ಸುನ್ನತಿ ವುಡೋಡ್ಕಿ ವಚ್ಚ ಹೊಗಳಿಕೆ ದೇವುಡ್ನಿಚ್ಚನೆ . ಮನುಷ್ಯುಲ್ನಿಚ್ಚ ಕಾದೂ .