¹ De niditra tio amin'ny Synagoga indreka Jesosy ary nisy lilae narare tagnana takiô. ² Nandigne izay ataon'i Jesosy izarô mpagnajaka satria Sabata ny andro. Nozahavan-jarô Jesosy na anasitrana amin'ny andro Sabata na sia. ³ Nasene Jesosy nisangana ilay lilae maty tagnana. ⁴ De nanadina ireo olona ireo Jesosy ra mete ny manasitrana amin'ny andro Sabata na sia nefa sy nizaka izarô. ⁵ Vingitra Jesosy nony ditran'ny olona ireo de nasene namparin'ilay lilaeny tagnane de afaka. ⁶ Naregne an'izane ny Fariseo de niala malade niaraka tamin'ireo Herodiana niaragna hevitra hafaty Azy. ⁷ Sitiô Jesosy sy ny mpianane nefa maro ny nagnaraka ananje hatrany Galilia, hatrany Jodia ⁸ ka hatrany Jerosalema sy Edoma ary hatramin'ny amoron'ny Jordana ka magneragna an'Tira sy Edona de maro no nafantata ny nataone ka nagnatona ananje. ⁹ Nisy sambo bitika nandigne an'i Jesosy sy ny mpianane tiô mba sy itangoronan'ny olona Ize. ¹⁰ Nanafanafaka olona maro Izy de tonga tiô aby ny marare na de iisatra aman'anje foana aza. ¹¹ Raha nahita anje ireo fanahy maloto ireo de nangekeka oe: "Anô no Zanak'Andriamanitra." ¹² Nozakene mafe ireo mba sy izakazaka ananje. ¹³ De nagnatona tavirana Ize ary nantsovane ireo tiane hiarakamananje de nakiô aminy ireo. ¹⁴ Roambinifolo no isan-jarô( izay nantsovany hoe Apostoly), izay alefany hetore ¹⁵ miaraka amin'ny faefana handroaka ny devoly. ¹⁶ Togna aby izarô roambinifolo izay nofidine: Simona, izay antsovana oe Petera, ¹⁷ tiô koa Jakoba zanak'i Zebedio sy Jaona ralahany, izay namene anarana oe Boanarijesy izay midika ho zana-baratra, ¹⁸ Andre, Filipo, Bartolomeo, Matio, Tomasy, Jakoba zanak'i Alfeo, Tadeo, Simona kananita ary farany ¹⁹ i Jodasy Iskariota izay namadika an'i Jesosy. ²⁰ Raha tonga takagne andragno izarô de avindreka ny olona maro tonga tiô amanje ka siafaka niinana zarô. ²¹ Raha naregne zava-niseo takagne zarô fianakaviene Jesosy de ave zarô ananje. ²² Ary ny mpitondra fanjakana kosa izay nandrorogna avy takagne Jerosalema de nizaka fa: "Manana devoly Ize de Beslizeboba", ka, "io mpanjaka ny demonia io no hanoravane ny demonia." ²³ De nangian'i Jesosy izarô ka nozakene tamin'ny alàlan'ny fagnoarana oe: "nahoana no afahan'i Satana mandroaka an'i Satana? ²⁴ Ra misy fanjakana miade andragno de orava izane. ²⁵ Ary ra misy miaratrano miade andragno de si maaritra izane. ²⁶ Ra mikome amin'ny tegnane i Satana, de siaefa na inona na inona ize,ary de izane no vitane amine. ²⁷ Sisy afaka iditra ao andragnon'olona maere mba androbaka anaze sy ny fanagnane ra sy afatony aloha ilay maere. ²⁸ Zakeko aminarô marina tokoa, avela eloka ny zanak'olombelona, sy ny zaka rase izay nozakene vavane. ²⁹ Fa izay mizaka rase ny Fanahy Masina kosa de tsy avela eloka mandrakize." ³⁰ Nizaka anizane Jesosy nony fizakan-jarô: "Fa manana fagnae maloto Ize." ³¹ Tonga tiô avelagne tiô ny reniny sy ny ralahiny ary nampagnatso Azy. ³² Ary nipetraka magnodidigna an'i Jesosy ny olona marobe. Ary nise nizaka taminy: "Fa miaragna ananje ao ivelagne ao ny reniny sy ny ralahiny." ³³ Ary Ize namaly oe: "Zove no reniko, ary zove no ralahiko?" ³⁴ Ary nitodika tamin'olona nipetraka magnodidigna ananje Ize ary oy Ize: "Itogno ny reniko sy ny ralahiko! ³⁵ Fa na zove na zove no magnano ny sitrapon'Andriamanitra, de ize no ralahiko sy anabaviko ary reniko."