¹ Bakiazolua, ka lukuikila mu konso mpeve ko. Kansi lutonta zi mpeve mu zaya zo zina za Nzambi. Kadi m'bikudi mia yingi mia luvunu mia yele mu nza. ² Mu mambu ema si lua zayila mpeve ya Nzambi: ³ konso mpeve yi zeye vo yesu Klisto wa yiza mu n'suni, yina ya Nzambi. Konso mpeve ka yi zeye yesu ko, ka yina ya Nzambi ko. Yina ya n'tiaki, ndo lua wa vo si keza ye wuna yeto kala muamu nza. ⁴ Luena lua Nzambi, lu ana amu, ye lu nungini zo, kadi ndo wuna mu yeno lutidi mu nene kua ndo wuna mu nza. ⁵ Bena besi nza, dina ma wonso a vovanga mena ma nza ye esi nza akua wanga, ⁶ Yeto tuna ba Nzambi, konso nduna zeye Nzambi, yani kutu wanga. Nduna ka zeye Nzambi ko, ka kutu wanga ko. Mu momo, tu zeye mpeve ya ludi ye ya mvilakani. ⁷ Bakiazolua, tu zolana yeto ye yeto, kadi nzola yi tukidi kua Nzambi. Konso nduna zolanga, wa wutuka mu Nzambi ye zeye Nzambi. ⁸ Kondolo zola ka zeye Nzambi ko. Kadi Nzambi i zola. ⁹ Mu diodio nzola ya Nzambi ya sengomonua kua yeto, yi Nzambi wa tu fisila muana ani mosi kaka mu nza mpasi vo yeto tua kala ye moyo mu yani. ¹⁰ Nzola yoyo yi yayi vo: Ka yeto ko tua zola Nzambi, kansi yani wa tu zola. Yi dina wa yekola mua ani ka fua lufua lua mpasi mu vidingisa masumu meto ¹¹ Bakiazolua, vo Nzambi wa toma kutu zola, yeto mpe tu bindamene mu zolana yeto ye yeto. ¹² Ka vena muntu ko wa mona kala Nzambi. Vo tu zolqnqnga yeto ye yeto, Nzambi wu sikilanga mu yeto. ¹³ Mu mambu ema tu kuikidila vo yeto tuna mu Nzambi ye yani mpe wuna mu yeto, Kadi wa tu vana mpeve ani, ¹⁴ Ye mpe tua mona ye tua tambudila vo Se wa tu fidila muana ani mpasi vo ka kala mvuluzi a nza. ¹⁵ Konso wuna kuikila vo yesu yi muana Nzambi, Nzambi wu sikilanga mu yani ye yani mu Nzambi. ¹⁶ Mpe tua zaya ye tua kuikila mu zola kua Nzambi mu yeto. Nzambi i zola ye konso nduna zingilanga mu nzola yoyo, wu sikilanga mu Nzambi ye Nzambi mu yani. ¹⁷ Dina nzola yoyo ya lungisua mu yeto mpasi tua kala ye vuvu muna lumbu kina kia mbazia n'kanu, kadi mpila yina kena yi nplila yina mpe yeto tuna muamu nza, ¹⁸ Mu nzola kamu kalanga ye wonga ko. Nzola ya kieleka yi katulanga wonga, kadi mu wonga mu kuizilanga tumbu. konso muntu monanga wonga, kena ye nzola ya lunga ko. ¹⁹ Tu zolanga kadi Nzambi wa tu zola wa ntete. ²⁰ Vo muntu tele: mono yi zolanga Nzambi ye ka zolanga mfinangani ani ko, wuna m'vuni. Kadi konso muntu ka zolanga mpangi ani ko, ndo ka muene, ka lendi zola Nzambi, ka lembidi mona ko. ²¹ Mpe nsikudusu tua tambula kua yani vo: konso muntu zolanga Nzambi bindamene mpe mu zola mpangi ani.