¹ Konso wu kuikilanga vo yesu i Klisto, wa wutuka kua Nzambi ye konso wu zolanga Se wu zolanga mpe muana wa wutuka kua yandi. ² Mu kuma kiokio, tuzeye vo tuzolanga ana a Nzambi, bu tu zolanga Nzambi ye sadila n'siku miani. ³ Kadi tala nzola mu Nzambi: tu lundanga n'siku miani. Ye n'siku miani kamina mpasi ko. ⁴ Kadi konso wa wutuka mu Nzambi, wu nunganga nza. ye Ndungunu a nza, i minu kieto. ⁵ Konso wu kuikilanga vo yesu Klisto yi muana Nzambi, si ka nunga nza ye nza ka yi lendi ku n'vanga mbi ko. Nani ndondo wa nunga nza? konso ndondo kuikidi vo yesu yi muan' a Nzambi. ⁶ Tala ndondo wa yiza ye maza ye menga. Yisu Klisto wa yiza ka ye maza kaka ko, kansi ye masa ye menga. ⁷ Kadi bena ba tatu bobo ba tanga kimbangi: ⁸ Mpeve, maza ye menga. Yawu a tatu ena nguizani. ⁹ Vo tu tambulanga kimbangi kia bantu, kimbangi kia Nzambi ki lutidi nene. Kadi kimbangi kia Nzambi i savo wa tela muan'ani kimbangi. ¹⁰ Konso wu kuikilanga mu muan' a Nzambi, wena ye kimbangi mu yani kibeni. Konso wu lembi kuikilanga Nzambi yani wu m'vunikisi, kadi ka kuikidi kimbangi kia Nzambi mu muan'ani ko. ¹¹ Ye tala kimbangi eki: Nzanbi wa tu vana moyo wa m'vu ya m'vu ye moyo wowo wena mu muan'ani. ¹² Wena ye muana wena ye moyo, kondolo muana kondolo moyo. ¹³ Ya lu sonekene mambu momo mpasi lua zaya vo luna ye moyo wa m'vu ya m'vu kua yeno lu kuikilanga mu nkumbu a muan'a Nzambi. ¹⁴ Bosi tala lukuikilu luna yeto van'tadisi'ani, i savo tun'lombele konso konso kima bonso wuna luzolo luani wu kutu wilanga. ¹⁵ Bosi vo tu zeye vo ukutu wilanga nki ka tuku n'lomba ko, tu zeye vo tu bakidi ki tun'lombele. ¹⁶ Vo muntu muene mpangi ani volele sumu di lembi natanga ku lufua, ka fuete sambila ye Nzambi se ka n'vana moyo. Ngieti vovela wowo sumu dio ka dinete ku lufuako . Vena ye sumu di natanga ku lufua, ki tele ko vo lua sambidila dio. ¹⁷ Konso kua kondua kua lunungu kuna sumu. Kansi vena ye sumu kadi natanga ku lufua ko. ¹⁸ Tu zeye vo konso wa wutukua kua Nzambi ka volanga sumu ko. Kansi nduna wutukidi mu Nzambi wu kikebanga wa vuluzua, ye nkua mambi ka lendi kun'vanga mbi ko. ¹⁹ Tu zeye vo tu vuilu kua Nzambi ye nza ya wonso yena va zulu'a ma mbi: ²⁰ kansi tu zeye vo muana nzambi wa yiza ye wa tu vana nduenga mu zaya ndondo wa kieleka. Mpila mosi tuna mu ndondo wa kieleka mu muan'ani yesu Klisto. Yi yani nzambi ya kieleka ye moyo wa m'vu ya m'vu. ²¹ An'ame a n'zola lu kikenga mu yi teke.