¹ Tala zola kua tu zola Tata Nzambi, mpasi tua yikua bana ba nzambi ye tuena wo mpe! Yi kuma kiokio nza ka yitu zayidi ko, kadi ka ya zaya Se ko. ² Lu zolua yiamu, bu tuena tu ana a Nzambi, wuna si tua kala ka wa zayikisu ntete ko. Tu zeye vo, kiokio Klisto si ka moneka si tua kala bonso yani ye si tua mona wonso wu kena. ³ Konso ndondo wuna ye vuvu kiokio mu yani, wukuki vedisanga bonso yani ki beni wena wa velela. ⁴ Konso wu volanga masumu wu buisanga n'siku, kadi sumu i mbuisulu a n'siku. ⁵ Lu zeye vo yandi wa moneka mpasi ka katula masumu, masumu ka mena mu yani ko. ⁶ Konso wu diatanga ye yani, kena tatamana mu masumu ko. Wonso wu tatamananga mu masumu kan'zeko ye kamona ko. ⁷ Bimbanambana, kalu zimbusuani kua muntu ko. Wu vanganga lu nungu i nkua lunungu, bonso Klisto yani kibeni wena wa lunungu. ⁸ Konso vanganga masumu i wa satana, ka di satana wa kisumukina tuka vana ngiantukulu. Yi mu diodio mua a Nzambi wa moneka mpasi ka vonda ma vanga ma satana. ⁹ Konso wa butua kua Nzambi, ka volanga masumu ko, kadi m'butu mia Nzambi mina mu yani. Ka lendi tatamana mu masumu ko, kadi wa butuka kua Nzambi. ¹⁰ I diodio ana a Nzambi ye a satana ba monikanga: Konso lembolo zitiza n'siku, ka wa Nzambi yi mpila mosi ye nduna wu belanga mpangi ani. ¹¹ Kadi wawu yi n'samu tua wa tuka muna ngiantukulu; vo tu fueti zolasana yeto ye yeto. ¹² Ka tukadi ko bonso kayini wa kala wa satana. Wa mpangi ani. E kuma ka m'vondele? Kadi mavanga mani ma kala ma mbi, kansi ma mpangi ani ma kala ma mbote. ¹³ Lu zi mpangi, ka lu yitukuani ko vo nza yi kulu belanga. ¹⁴ Tu ze ye vo tua katuka mu lufua ye tua kota mu moyo, kadi tu zolanga zi mpangi. Nduna kondolo zola mu yani, sikidi mu lufua. ¹⁵ Wonso wu belanga mpangi ani i m'vondi. Beno luzeyi vo: m'vondi a muntu kenani moyo wa m'vu ya m'vu mu yani ko. ¹⁶ Mu diodio tu zeye zola, kadi yesu wa yekola moyo ani mu kuma kieto. Yeto mpe tuvana mioyo mieto mu kuma kia mpangi zeto. ¹⁷ Ye konso nduna wuna ye mbongo za nza yayi ye muene vo mpangi ani fuidi nsatu, kansi kenge n'timani, weyi zola kua Nzambi kuena mu yanie? ¹⁸ Lubimbanambana, ka tu zolani mu mambu ye mu lubini ko, kansi mu mavanga ye mu kieleka. ¹⁹ Mu diodio luzeye vo tuena mu ludi ye tusikidikisanga n'tima mieto va luse luni; ²⁰ kadi vo n'tima utu belese, Nzambi lutidi n'tima mieto mu nene ye zayidi mawonso. ²¹ Lubakiazolua, vo n'tima mieto milembolo kutu belesa, wuna tuena kibakala kua Nzambi. ²² Konso ki tu lombele tu tambulanga kio kua yani, kadi yeto tu lundanga nsikudukusu zani ye tu vanganga mazolakene kua yani. ²³ Yayi i nsikudukusu ani, vo tufuiti lekela nkumbu a muana ani yesu Klisto minu ye zolana yeto ye yeto. ²⁴ Wu kebanga nsikudusu zani, usikilanga mu Nzambi ye Nzambi mu yani. Tu zeyi vo yani wu diatanga ye yeto mu diambu dia mpeve yi katuvana.