¹ Lu ana yi lusonekene mambu mama mpasi ka lu vodi masumu ko. Kansi vo muntu volele sumu, tuna ye kimpovela va mbela Se, yesu Klisto wa lunungu. ² Yani wa fuasakesa masumu meto, ka mayeto kaka ko, kansi ma nza ya m'vimba. ³ Mudiawu, tu zeye vo tu n'zeye: vo tu lundanga nsikudusu zani. ⁴ Konso vovele: nze Nzabim kansi ka lundanga nsikudusu zani, yani tele luvunu ye kieleka ka kina mu yani ko. ⁵ Kansi nduna lundanga diambu diani, kieleka, yi kua muntu nduna zola kua Nzambi kua lungusua. Mu diawu tu zeye vo tuna mu yani. ⁶ Konso vovanga vo wuna mu Nzambi, ka feti diata bonso yesu Klisto yani kibeni ka diatila. ⁷ Bakiazolua, kilu sonekene n'siku wa mpa ko, kansi n'siku wa nkulu wo lua baka tuka muna ngiantukulu. Nsiku wa nkulu yi diambu dio lua wilu. ⁸ Wuwu yi lu sonekene n'siku wa mpa mu dio dina dia kieleka mu Klisto ye mu yeno, kadi tombe kita vila ye kia kua kieleka ku ta vingana. ⁹ Konso vovele vo wuna ku kia ye ka zolanga mpangi ani ko, yani wuna muna tombe te ye wunu. ¹⁰ Konso zolanga mpangi ani, yani wuna mu kia ye n'teso a sakuba ke wuna mu yani ko. ¹¹ Kansi nduna belanga mpangi ani wuna muna tombe ye wu diatanga muna tombe, ka zeye ku keta kuenda ko, kadi tombe kia m'fuka meso. ¹² Lu ana yi lu sonekene kadi masumu meno ma lolokolo mu kuma kia nkumbu ani. ¹³ Yi lu sonekene lu ma Se, kadi yeno lua kizayila ndo wuna tuka muna ngiantukulu. Yi lu sone kene lu zintuenia kadi lua nungini n'kua wa mbi. Yi lu sonekene lu bimbanana kadi lu zeye Se. ¹⁴ Yi lu sonekene lu ma Se dadi luzeye ndondo wuna tuka ngiatukulu. Yilu sonekene lu matoko dadi luna ngolo ye diambu dia Nzambi dia sikila mu yeno ye lua nungini n'kua wa mbi. ¹⁵ Ka lukadi n'zodi mia nza ko ye bima bina mu nza ko. Vo muntu wuna n'zodi a nza, zola kua Nzambi Se ka Kuna mu yani ko. ¹⁶ Kadi bia wonso bina mu nza: yanu dia n'suni, yandu dia meso ye luyanu ka bitukanga kua Nzambi ko, kansi bina bia ki nza. ¹⁷ Nza ye nsatu zani zina vioka. Kansi konso nduna wu vanganga luzolo lua Nzambi wuna zinga m'vu ya m'vu. ¹⁸ Lu bi mbanambana, bonso wu lua wilu, n'tiaki lueke, wuwu ntiaki mia yingi mi semokene. Yi mudina tu zeye vo yi ntangu ya nsukulu. ¹⁹ Yawu a vayikidi mu yeto kansi ka mpangi zeto ko. Kadi vo a kala mpangi zeto, nga afueti kunda ye yeto. Kansi wuwu a vambane ye yeto, dio dita songa vo, ka akele a yeto ko. ²⁰ Kansi yeno luna kusua ya ndo wuna wa n'longo ye lu zeye kieleka. ²¹ Kia lu sonekene mudiambu dia kalu zeye kieleka ko, kansi mudiambu dia lu zeye kio ye ka kuna luvunu ko mu kieleka. ²² Nani i n'kua luvunu vo kanduna lembi kuikilanga ko vo yesu i Klisto? Muntu ndondo yi n'tiaki wu ka niafunanga Se ye Muana. ²³ Va nkatu muntu mu yawu a niafunanga muana, wuna ye Se. Wonso kuikilanga mu muana wuna mpe ye Se. ²⁴ Kwa yeno, bika dina di lua tambula tuka muna ngiantukulu dia sikila mu yeno. Vo dina di lua tambula tuka mu ngiantukulu dina mu yeno, si lua kunda mu muana ye mu Se. ²⁵ Ye tala nsilulu ka tu vana: moyo wa m'vu ya m'vu. ²⁶ Ya lu sonekene mambu mama mu kuma kia wowo lu zolele vidila. ²⁷ Yi kuma mu yeno, nkusua yi lua kusua yi sikidi mu yeno ye ka luna nsatua teka longua ko. Kansi, bonso mafuta mani meta kulu longa mawonso ma kieleka, ka maluvunu ko. Ye bonso ka lulongele, lusikila mu yani. ²⁸ Ye tala ana amu a n'zolua, lu sikila mu yani mpasi vo kio kena moneka tua kala ye nzunzu ye ka tuna mona nsoni ko va ntadisi ani mu ngiza ani. ²⁹ Vo luzeye vo wuna wa kieleka, lu zeye vo konso sadilanga kieleka wa tuka kua yani.