² David pukama Gboo puugi wywype, gogi wywyrõ Israel irõllã, go irondy wywy i wychi amorreope, Israel puagi wywy djaawumi endawegopi wywype; Saul rõ djukaparawe gogi wywype, Saul rõ prowo bue buchã Israel emi Juda puagipe. ³ David pranduma gogi wywype inama. Buerõ pendje prowo cho djopowã pendjepe. Go bue buchãeche djopo buare pendjedji pendje emi kuwẽgatuwã Apã Wachũ ekuãndy puagipe. ⁷ Go chinga djekyma Mefibosetpe, Jonátã raypego Saul kminope, kua rekobu dja djawumẽ endawe Jonatãpe go wywy edji djawumerekobuare. ⁸ Rispa rõ Aya radjy, go dja memby mirõ rekoma Saul ray, go mirãgi bykuupyrerõ Almoni emi Mefiboset go wywype David kawãma mondo, fo Merab Saul radjy dja memby rekomo ipo kbe'e go Adire roy wywype David kawãmboma emi. ⁹ Go memadjypetãkawãmbyre go Gabao pwgipe, gogi wywype kuetã djuwyma mondo go ywykuã bukupe Apã Wachu chãruwã. Go nonga monoma edji djypetã go sevada lla wou pou kreype. ¹⁰ Gobu Rispa, Aya radjy, pypyma dja echedji tyru buchã o achy reko buare gogi wywydji, ita chepe wachu llabu wamao. Gope wapyma sevada lla wa poubu, imagopebakypewe, warõ reko. Kreybu tydja edjyllãwa, chawãmbu we djarõ ekõllãwa emi. ¹¹ Gobu kiuma Davidpe go Rispa Aya memby kudjã Saul brekowegi, buerõ djapo endawe. ¹² Gobu David oma eruwã Saul emi dja ray Jonatã ikãwe, go kbe'e wywy Jabes, Galaapuagi; gogi wywy matã endawe. Bet-san pua tapy aillãpuare, go filisteo wywy peirupa mondo buare Saulpe go chupa Gilboape djukabu. ¹³ Gobu erupama Saul emi dja rag Jonatã ikãwe, emi go kuetã djuwy pawegi wywy ikawe wywy. ^{17 15} Filisteo puagi wywy ekamãtõ mumbuwã Israel dji gobu David dja buetygi wywydji omatõmumbuwa. David chidja beche romo o. ¹⁶ Gobu Isbienoto etakrã kbe'e yma buku wachugi irondygi djiwa, dja ipoperekoma 3,35 kilo wyra akua puku broncedji djopopyre, pypymaemi pou'u eche pecheatygi, kbywaromaikos djuka djue Davidpe. ¹⁷ Go Abisai, Sarvia memby, wẽma kuwẽma Davipe, pychoma mondo go filisteo puogipe, gobu David buetygi wywy djawu mema inama idjape: kowebu kowe kreype dje o beche werã oredji, tõ mumbuwã go tõ mumbu rekobu, go Israelpe go rawẽ dje ymachidjawa chugiwã. ¹⁸ 18Tõ mumbuma emi filisteo puogidji Gobpe, gobu Sibecoi, etakrã Husagua, djukuma Satpe, Kowe rõ kbele yma buku wachugi irondy.djiwa. ¹⁹ Tõ mumbuma emi reko filisteo puogi wywydji Gobpe, Gobu Elhanon, go Jaare-oregim ray. etakrã Belen puogi. djukama Goliatpe, go rõ Gat puatygi, dja llapo bueakua lly'yrõ wyra nonga godjirõtyru mi llambaty nongo. ²⁰ Tõ mumbuma emiriko go Gat pebrewi pychãma. Gope ĩma etakrã kbe'e yma buku wachugi, reko buachupa ipo ãkã, emi buachapa pychã akã, edjirelomo mirõ chengy pychã, go rõ kbe'e ymabukuwachugi irondydjiva. ²¹ Kowegi wywyrõ pukama Israel pe to mumbuwã, go Jonatan, emi Sima ray, emi David pawe djukama idjape. ²² Kowe chengy pychã kbe'e yma buku wachugi wywy irondydjiva ĩ Gatpe, gogi wywy chidjallãtõ mumbubu, David buetygi wywydji.