¹ David pre'ema Apã Wachipe, idjapekawẽ buare idja mbyllãndygidjy emi Saul ipo dji . ² Go nonga ina cho Apã Wachu cho pechetygi emi cho kawiandygi ³ Cho apã rekuaty cho kãdja romadjo djuei buchãbu go cho eche pecheaty emi cho pẽ akua'a ĩ gatuwã idjadji cho ĩgatu idjarõ chope matama cho mby llãdygi ipodjy. ⁴ Cho pukama ãpã Wachu mby kuapyrepe cho kua'a reko dja mby kuapy redji mata buarechope mbyllãdygi ipoji ⁵ Go mano rawychema kryballãroma ⁶ Go mano ichã chope muchãma, ytyma emi mano endarãpe. ⁸ Gobu go ywy kuera roma emiryryma modo, krey ywadjiwe idja pradjãechema mondo. ⁹ Pyta rupi wẽ roma tata tachĩ, go djaru rupi tata wẽwa roma mẽndypawã go tata wa'ã. ¹⁰ pekama kreyediy wã idja pychã djiwe chawã ĩ ¹¹ Idja djapi romã etakra querubin llabu wewemara, wachãma idjape wytupepo llabu. ¹² Dja djereĩ chãwã emi chawã Wachuche, go krey kryra wachu noga. ¹³ dja chã'ã tata mimbi wachu nonga ¹⁴ Ãpa Wachu chomõ Wachu noga go krey ywa djiwa djawa chidjama ¹⁵ wachĩ pirama modo, djueipawã chono pradja wachu rupi ¹⁷ Ywadjiweipo Wachu mema chope matawã cho ipodji ywachubyche puare chope matama ¹⁸ Go idja chope matamã modo cho bywãdygi ipodji idjarõ chidjaeche cho byllãndygi chidjadji wywy ¹⁹ Ẽkõ bama chope tõ mabawã cho kryballã romã apã wachu chidjaeche chope kawẽma ²⁰ chope mãtamã ra cho endorãpe go chope matãmora cho byllãdigi ipo puere chope prawo djiwbe ²¹ Ãpã wacha pepy gatuma chope cho djã adjullã gatu buare ²² Cho ekõ Ãpã Wachu inady noga, cho bue buchã djapallã cho wedjawã cho rekuaty gipe ²³ Cho djapo gatu Apã Wachu djaumebyre, cho wedjallã idja djawu gatu ²⁴ cho wedja cho djã'ã dja ipope, cho djepyma cho djã'ã bue buechãdji. ²⁵ Go buare chope pepygatuma chã rawa cho djapo gatu buare dawegi wywydjy ²⁶ Go kawẽ gatugipe dje emi kawẽ gatu werã emi dje djã gatu werã dã gatugidji ²⁷ djã gatugidji emi djã gatuwerã dje kawẽllãwetã emi djembigipe ²⁸ Djerõ kawẽ gatu ore ẽkuãdy pua o kryrellãbu die chã wechã gatullã go chidja buagipe gogi wywype dje ytypa werã ²⁹ djerõ cho Apã chochapeatygi, cho rejuatygi bypegatuma cho watabu chãwã bychepe ³⁰ Djerupirõ tõallãgiwywy bychepe chidjape cho wachama go cho rekuatygidji chupa wachu llaba cho wachama emi ³¹ Apã wachuaperõ kbeigatueche Apã Wachu djaurõ adjullã gatu. djepygatuma idjadji kuagatagipe ³² Awarõ nadje ãpãrã, gorõ ãpã wachu. awarõ chidja wachu reko itawacha noga go rõ Apã wacha ³³ Ãpã wachu chidja gatu chope mema idjarõ gatuma cho aperã. ³⁴ idja chope mema myrõwã Wachu myrõ noga chope pychy gatuma cho ĩbu ku'ãbuku bychepe ³⁵ idja mema cho ipo kbywã gatu tõ mubuwã goita wera ropa wywy cho kiopa werã chochidjape ³⁶ chope dje mẽ dje pecheatygi cho kuewewã dje djã gatu rupi cho chidja gatuma ³⁷ dje buwy gatu cho ape cho wata gatuwã ³⁹ cho mudjã werã cho byllãdygi cho bropa djonowã emi cho djywy wera bropa djono ñodje ³⁸ gogi wywype cho pycho djono idja puã llãwã, wapamã modo cho pychã wydjy ⁴⁰ dje mema chope chidja tõ mubuwã kryballàpe ekõwã cho byllãdygi cho pychã wydjy ⁴¹ Dje rupi cho byllãdygi kadjãma cho bropama choodji tõ maba djuedjipe. ⁴² pukabudjepe gogi wywype kuwewã Ãpã wachu bropama gogi wywype ⁴³ Go ywy kui'i noga cho peima emi cho pyrõma modo achĩpurã puchi noga ĩgi tapy ekuady ape rupi ⁴⁵ Dje chope matama cho irõ tõ mba djuechebu de chupe kuwẽma chope miwã yma chidjagirã dawe enkuady puagi llabu ekuadygi wywygi cho kuallãgi kowebu ìma cho buetygirã ⁴⁴ Dawe ekuady puagi ima cho ipope gogi wywype cho bueba dawe rekuaty cho dja'u djapo gatu ⁴⁶ Dawe ekuady puagi wywy prarapama kryllãpe wema dja tapy puagi pu'are ⁴⁸ Go rawẽ ekowã apãwachu! kuagatu ga modo chope pecheatygipe neina wachugi Apã Wachu cho kuwiandygi ⁴⁷ Apã Wachu pepyma modo cho byllãdygipe mema chope tarã ekuady ipope ⁴⁹ Idjarõ chope kuwẽma cho byllãdygidji cho byllãdygi llabu, dje chope mima pradjãgi ipo wydji dje chope matama ⁵⁰ gobuare cho djawa werã dje bykuapyre dawe ekuady pu'a wywy bychepe emi dje bykuapyrepe cho pre'e gatu werã ⁵¹ Dje mẽma dje ymachidja wachugipe chisja gatuwã emi dje chĩgadjeky gatuma gorãwe dje prawowegi wywype: Davipe emi idja irõdy wywype.