¹ Ó tún bẹ̀rẹ̀ sí ń kọ́ni létí òkun, ọpọ̀ ènìyàn si yíi ká. Ó bọ́ sínú ọkọ̀ ojú omi tí ó wà lórí òkun, àwọn ènìyàn sì wà ní étí òkun. ² Ó kọ́ wọn ní ohun púpọ̀ pẹ̀lú òwe, ẹ̀yí ni ojun tí ó wí fún wọn. ³ “Ẹ fi etí sílẹ̀, afúnrúgbìn náà jáde lọ láti lọ fúnrúgbìn rẹ̀. ⁴ Bí ó ti ń fúnrúgbìn, díẹ̀ bọ́ sí ẹ̀bá ọ̀nà, àwọn ẹyẹ sì wá, wọ́n sì ṣà á jẹ. ⁵ Díẹ̀ bọ́ sórí ilẹ̀ àpáta, níbi tí erùpẹ̀ ko sí púpọ̀. Lójúkannáà ó hu jáde, nítorí wọn kò ní erùpẹ̀ púpọ̀. ⁶ Ṣùgbọ́n nígbà tí oòrùn mú gangan, ó jóná, nítorí tí kò ní gbòǹgbò, ó gbẹ. ⁷ Àwọn irúgbìn mìíràn sì bọ́ sáàrín ẹ̀gún, nígbà tí ẹ̀gún sì dàgbàsókè, ó fún wọn pa, tó bẹ́ẹ̀ tí àwọn irúgbìn náà kò so èso. ⁸ Òmíràn bọ́ sí ilẹ̀ ọlọ́ràá, o sì so èso bí ó se ń dágbà tí ó sì ń gbilẹ̀, òmíràn so lọ́gbọọgbọ̀n, òmíràn lọ́gọọgọ́ta, àti òmíràn lọ́gọọgọ́rùn-ún.” ⁹ Ó sì wí pé, “Ẹni tí ó bá ní etí láti fi gbọ́, kí ó gbọ́!” ¹⁰ Nígbà tí ó ku Jésù nìkan, àwọn tì ó sú mọ́ ọ àti ọmọ-ẹ̀yìn méjìlá bi í léèrè ìtumọ̀ òwe. ¹¹ Ó sì dá wọn lóhùn pé, “Ẹ̀yin ni a fi adìtú ìjọba Ọlọ́run. Ṣùgbọ́n gbọgbọ rẹ̀ jẹ́ ówẹ́ fún àwọn tí ó wà ní ta, ¹² wìpé bí wọ́n bá wò, bẹ́ẹ̀ni wọ́n wò, ṣùgbọ́n wọn kò ríran, Bí ó tilẹ̀ jẹ́ wí pé wọ́n gbọ́, bẹ́ẹ̀ni wọn gbọ́, kì yóò yé wọn, dípò bẹ́ẹ̀ ni wọn yóò sì yípadà, Ọlọ́run yíò sì dárí ẹ̀ṣẹ̀ jì wọ́n!’ ” ¹³ Ó sì wí fún wọn pé, “Sé òwe yìí kò yé e yín ni? Báwo ni ẹ̀yin yóò ṣe mọ ìtumọ̀ àwọn òwẹ mìíràn? ¹⁴ Afúnrúgbìn tí ó ǹ fúnrúgbìn ni ó ń fúnrúgbìn ọ̀rọ̀ náà. ¹⁵ Èyí ǐ ni àwọn tó bọ́ sí ojú ọ̀nà, níbi tí a fúnrúgbìn ọ̀rọ̀ sí, ṣùgbọ́n nígbà tí wọ́n gbọ́ ọ̀rọ̀ náà, lójúkan náà èṣù wá ó sì mú ohun tí wọ́n ti gbìn kúrò. ¹⁶ Èyí ni àwọn tí ó bọ́ sórí àpáta, nígbà tí wọ́n bá gbọ́ ọrọ̀ náà, lójúkanánáà wọ́n fi ayọ̀ gbà á. ¹⁷ Ṣùgbọ́n wọn kò ni gbòǹgbò nínú u wọn, Ṣùgbọ́n wọ́n faradàá fún ìgbà díẹ̀. Lẹ́yìn náà ni wàhálà tàbí inúnibíni dìde nítorí ọ̀rọ̀ náà, lójúkan náà, wọ́n subú. ¹⁸ Àwọn tí ó kù ni àwọn tí ó bọ́ sáàrín ẹ̀gún. Wọn gbọ́ ọ̀rọ̀ náà, ¹⁹ Ṣùgbọ́n àwọn afẹ́ ayé, ẹtàn ti ọrọ̀ àti àti afẹ́ àwọn ohun mèremère ayé, gba ọkàn wọn, wọ́n sì fún ọ̀rọ̀ náà pa, kò sì so èso. ²⁰ Ṣùgbọ́n àwọn tí ó bọ́ sí ilẹ̀ ọlọ́ràá, ní àwọn tí ó gbọ́ ọ̀rọ̀ tí wọ́n sì gbà á, wọ́n sì mú èso púpọ̀ jáde- ní ọgbọọgbọ̀n, ọgọọgọ́ta, àti òmíràn ọgọọgọ́rùn-ún, gẹ́gẹ́ bí a ti gbìn ín.” ²¹ Jésù wí fún wọn pé, “A ha lè gbé fìtílà wọ inú ilé láti fi sábẹ́ agbọ̀n tàbí sábẹ́ àkéte? a o gbé e ka orí ọ̀pá fìtílà ni. ²² Nítorí kò sí ohun tí ó pamọ́ tí a kò ní fihàn, bẹ́ẹ̀ ni kò sí ohun tí ó wà ní ìkọ̀kọ̀, tí kò ní wá sí gbangba. ²³ Bí ẹnikẹ́ni bá ní etí láti fi gbọ́, kí ó gbọ́!” ²⁴ Ó wí fún wọn pé, “Ẹ máa kíyèsi ohun tí ẹ bà gbọ́, nítorí òṣùwọ̀n tí ẹ̀yin bá fi wọ́n náà ni a ó fi wọ́n fún un yín, a ó sì tún fi kún n fún n yín. ²⁵ Nítorí ẹni tí ó bá ní, òun ni a ó tún fi fún sí i, àti lọ́wọ́ ẹni tí kò bá ní, ni a ó ti gba èyí náà tí ó ní.” ²⁶ Ó sì tún sọ pé, “Ìjọba Ọlọ́run dàbí okùnrin kan tí ó ń fúnrúgbìn sí ilẹ̀. ²⁷ Ó ń sùn ní óru àti ní ọ̀sán ó dìde, irúgbìn náà hu jáde, ó sì dàgbà, òun kò sì mọ̀ bí ó ti ṣẹlẹ̀. ²⁸ Nítorí tí ilẹ̀ hù èso jáde fún ara rẹ̀: ó mú èéhù ewé jáde, lẹ́yìn náà ní orí ọkà, ní ìparí ní orí ọkà tí ó ti gbó. ²⁹ Nígbà tí èso bá gbó tán, lẹ́sẹ̀kẹsẹ̀, òun a tẹ dòjé bọ inú ọkà náà, nítorí ìkórè ti dé." ³⁰ Ó sì tún wí pé, “Kí ni a ò bá fi ìjọba Ọlọ́run wé, tàbí òwe wo ni a lè fi ṣe àkàwé rẹ̀? ³¹ Ó dàbí èso hóró musitadi, nígbàt ó jọ ọ̀kan nínú àwọn èso tí ó kéré jùlọ ti a gbìn sínú ilẹ̀. ³² Síbẹ̀, nígbà tí a gbìn ín, ó dàgbàsókè, ó gbilẹ̀, ó sì di títóbi ju gbogbo ewéko inú ọgbà yòókù lọ, ó sì yọ ẹ̀ka ńlá, tóbẹ̀ tí àwọn ẹyẹ ọ̀run lè kọ́ ìtẹ́ wọn sí ìbòji rẹ̀. ³³ Òun lo ọ̀pọ̀ irú òwe wọ̀nyí láti ba àwọn ènìyàn sọrọ̀, gẹ́gẹ́ bí wọ́n bá ti ní òye tó, ³⁴ kò sì bá wọn sọ̀rọ̀ láì lo òwe. Ṣùgbọ́n nígbà tí ó dá wà, ó sàlàyé gbọgbọ rẹ̀ fún àwọn ọmọ ẹyìn rẹ̀. ³⁵ Ní ọjọ́ náà, nígbà tí alẹ́ lẹ́, ó wí fún wọn pé, “Ẹ jẹ́ kí a rékọjá sí apá kejì.” ³⁶ Wọ́n fi ọpọ̀ erò sílẹ̀, wọ́n mú Jésù pẹ̀lú wọn, gẹ́gé bí ó ti wà nínú ọkọ̀ ojú omi. Àwọn ọkọ̀ ojú omi míiràn ń bá a lọ. ³⁷ Ìjì líle ńlá kan sì dìde, omi sì ń bù sínú ọkọ̀, tó bẹ́ẹ̀ tí ọkọ̀ fi bẹ̀rẹ̀ sí í kún fún omi. ³⁸ Jesu ti sùn lọ lẹ́yìn ọkọ̀, ó gbé orí lé ìrọ̀rí. Wọ́n sì jí i wọ́n wí pé, “Olùkọ́ni, ǹjẹ́ ìwọ kò tilẹ̀ bìkítà pé gbogbo wa fẹ́ kú?” ³⁹ Ó dìde, ó bá ìjì líle náà wí, ó sì wí fún òkun pé, “Àlááfíà! Dákẹ́ Jẹ́ẹ́!” Ìjì náà sì dá, ìparọ́rọ́ ńlá sì wà. ⁴⁰ Lẹ́yìn náà ó wí fún wọn pé, “Èéṣe tí ẹ̀yin fi ń bẹrù? Tàbí ẹ̀yin kò ì tí ì ní ìgbàgbọ́ síbẹ̀síbẹ̀?” ⁴¹ Ẹ̀rù bà wọ́n gidigidi, wọ́n sì wí fún ara wọn pé, “Irú ọkùnrin wo ni èyí, tí ìjì àti Òkun ń gbọ́ tirẹ̀?”