¹ Nítorínáà, ẹ se àfarawé Ọlọ́run, gẹ́gẹ́bí ọmọ ọ̀wọ́n. ² Kí ẹ sì rìn nínú ìfẹ́, gẹ́gẹ́bí Krístì se fẹ́ wa tí ó sì jọ̀wọ́ ara rẹ̀ fún wa, crẹ òórùn dídùn àti ẹbọ fún Ọlọ́run. ³ Sùgbọ́n, kò gbọdọ̀ sí àmọ̀ràn kan nípa ìwà ìbàjẹ́ tí ìbánilòpọ̀, tàbí irúfẹ́ ìwà ìdọ̀tí tàbí ìjẹkújẹ, nítorí èyí kò tọ́ fún àwọn ènìyàn, Ọlọ́run mímọ́. ⁴ Kó má se sí èérí, kó má se sí ọ̀rọ̀ àlùfànsá tàbí àwọn àwàdà tí ó le - gbogbo àwọn tí kò tọ́, bíbẹ̀kọ́ ó yẹ kí á máa dúpẹ́. ⁵ Kí èyí kí ó dá yín lójú, kò sí alágbèrè, aláìmọ́, tàbí oníjẹkújẹ kan - tí í se abọ̀rìsà - tí yóò ní ìpín kan ní ìjọba Krístì àti ti Ọlọ́run. ⁶ Kí ẹnikẹ́ni máse tàn yín jẹ pẹ̀lú ọọ̀rọ̀ kòròfo nítorí nkan wọ̀nyí ni ìbínú Ọlọ́run se ḿbọ̀ wá sórí àwọn ọmọ aláìgbọràn. ⁷ Nítorínáà ẹ mase darapọ̀ mọ́ wọn. ⁸ Nítorí ní ìgbàkan rí òkùnkùn ni yín, sùgbọ́n nísinsìnyí, ìmọ́lẹ̀ ni yín nínú Olúwa. Ẹ rìn gẹ́gẹ́bí ọmọ ìmọ́lẹ̀. ní yín, sùgbọ́n nísinsìnyí ⁹ (Nítorí èso ìmọ́lẹ̀ kún fún ìserere, òdodo, àti òtítọ́). ¹⁰ Kí ẹ sì máa wádì ohun tí ó wu Olúwa. ¹¹ Ẹ máse darapọ̀ mọ́ àíleso isẹ́ òkùnkùn, sùgbọ́n ẹ kúkú máa se àfihàn wọn. ¹² Nítorí ohun itìjú ni láti máa dárúkọ ohun tí wọ́n ńse ní ìkọ̀kọ̀. ¹³ Sùgbọ́n nígbàtí ìmọ́lẹ̀ bá tàn, á fi ìríran hàn. ¹⁴ Nítorí´ ohun tí ó bá hàn ni ìmọ́lẹ̀. Nítorínáà ó wípé: "Jí ìwọ Olóorun, kí o sì dìde láàrin àwọn òkú, Krístì yóò tàn sí ọ. ¹⁵ Ẹ se àkíyèsí bí ẹ se ń gbé igbé ayé yín - kìí se gẹ́gẹ́bí àwọn aláìgbọ́n sùgbọ́n bí ọlọgbọ́n, ¹⁶ Ẹ ra ìgbà padà nítorí búburú ni àwọn ọjọ́. ¹⁷ Nítorínáà, ẹ máse se òmùgọ̀, sùgbọ́n ẹ ní òye ohun tí ìfẹ́ Ọlọ́run jẹ́. ¹⁸ Ẹ má sì se fi ara yín fún ọtí mímu, nítorí èyí á mú kí ènìyàn si ìwà hù, sùgbọ́n ẹ kúkú máa kún fún Ẹ̀mímímọ́. ¹⁹ Kí ẹ má bá ara yín sọ̀rọ̀ pẹ̀lú orin Psáàlmù àti àwọn orin, àti orin ẹ̀mi, kí ẹ máa kọ́ orin nínú ẹ̀mí sí Olúwa láti inú ọkàn yín wá. ²⁰ Ẹ máa dúpẹ́ fún ohun gbogbo ní orúkọ Olúwa wa Jésù Krístì sí Ọlọ́run Baba náà. ²¹ Ẹ máa tẹríba fún ara yín pẹ̀lu ọ̀wọ̀ fún Krístì. ²² Ẹ̀yin aya ẹ jọ̀wọ́ ara yín fún àwọn ọkọ yín, gẹ́gẹ́bí fún Olúwa. ²³ Nítorí ọkọ ní íse orí aya gẹ́gẹ́bí Krístì pẹ̀lú se jẹ́ orí fún ìjọ àti Krístì fúnrarẹ̀ ni Olùgbàlà ìjọ. ²⁴ Gẹ́gẹ́bí ìjọ se jọ̀wọ́ ara rẹ̀ fún Krístì bẹ́ẹ̀ pẹ̀lu àwọn aya gbọ́dọ̀ jọ̀wọ́ ara wọn fún àwọn ọkọ wọn nínú ohun gbogbo. ²⁵ Ẹ̀yin ọkọ, ẹ fẹ́ran àwọn aya yín, gẹ́gẹ́bí Krístì ti se fẹ́ràn ìjọ tí ó sì jọ̀wọ́ ara rẹ̀ fún un. ²⁶ Krístì jọ̀wọ́ ara Rẹ̀ fún ìjọ, kí ó ba lee sọọ́ dí mímọ́ lẹ́yìn tí ó ti sọọ́ di mímọ́ nípa íifi omi wẹ̀ẹ́ pẹ̀lú ọ̀rọ̀, ²⁷ Kí ó baà le fii fún ara Rẹ̀ gẹ́gẹ́bí ìjọ tí´ ó lógo láìní àbàwọ́n tàbí ìdọ̀tí tàbí irú nkan báwonnì, sùgbọ́n mímọ́ láìní àbùkù. ²⁸ Bákannáà àwọn ọkọ yẹ kí wọ́n fẹ́ràn àwọn aya wọn gẹ́gẹ́bí ara àwọn tìkárawọn. ²⁹ Nítorí kò sí ẹnití ó jẹ́ kórira ara òun tìkárarẹ̀, bíkòse kí ó máa kẹ́ẹ, àti se ìtọ́jú rẹ̀, gẹ́gẹ́bí Krístì se ń kẹ́ ìjọ tí ó sì n tọ́jú rẹ̀. ³⁰ Nítorí ẹ̀yà ara Rẹ̀ ni àwa. ³¹ "Nítorí ìdí èyí ọkùnrin yóò fi Baba àti ìyá rẹ̀ sílẹ̀, yóò sì darapọ̀ mọ́ ìyàwó rẹ̀, àwọn méjèjì yóò sì di ara kan." ³² Òtítọ́ tí ó pamọ́ yìí (jẹ́ èyí tí ó) ga - sùgbọ́n èmi ń sọ nípa Krístì àti ìjọ. ³³ Síbẹ̀síbẹ̀, ẹnìkọ̀ọ̀kan yín pẹ̀lú gbọ́dọ̀ fẹ́ràn ìyàwó rẹ̀, gẹ́gẹ́bí ara òun tìkárarẹ̀, àti wípé ìyàwó náà gbọ́dọ̀ bọ̀wọ̀ fún ọkọ rẹ̀.