¹ Ẹ̀yin ọmọ, ẹ gbọ́ràn sí àwọn òbí yín nínú Olúwa, nítorí èyí yẹ. ² "Bọ̀wọ̀ fún Bàbá àtí ìyá rẹ" (èyí ni òfin kinní pẹ̀lú ìlérí). ³ "Kí ó lè dára fún yín, kí ẹ sì leè ní ẹ̀mí gígùn nínú ayé." ⁴ Ẹ̀yin Baba, ẹ máse mú àwọn ọmọ yín bínú, sùgbọ́n, ẹ tọ́ wọn nínú àsẹ Olúwa. ⁵ Ẹ̀yin ọmọ ọ̀dọ̀, ẹ gbọ́ràn sí àwọn ọ̀gá yín nínú ayé pẹ̀lú ọ̀wọ̀ tí jinlẹ̀ àti ìwárìrì, nínú òtítọ́ ọkàn yín, Ẹ gbọ́ràn sí won bí ẹ ó se gbọ́ràn sí Krístì. ⁶ .Ẹ gbọ́ràn, kìí se nígbàtí ọ̀gá ń wò yín, kí ẹ ba leè mú inú wọn dùn, bíkòse pé kí ẹ gbọ́ràn bí ọmọ ọ̀dọ̀ Krístì, tí ó ń se ìfẹ́ Ọlọ́run láti inú ọkàn rẹ̀. ⁷ Ẹ se isẹ́ yín pẹ̀lú gbogbo ọkàn yín, gẹ́gẹ́bí ẹnití ń sisẹ́ fún Olúwa tí kìí sì se ènìyàn. ⁸ Nítorí àwa mọ̀ pé ohun rere kóhun rere tí ẹnìkọ̀ọ̀kan bá se, yóò gbà èrè lọ́wọ́ Olúwa, ìbá se ẹrú tàbí òmìnira. ⁹ Ẹ̀yin ọ̀gá, ẹ tọ́jú àwọn ọmọ ọ̀dọ̀ bákannáà. Ẹ máse halẹ̀ mọ́ won. Ẹ kúkú mọ̀ wípé ọ̀gá ẹ̀yin méjèjì wà ní ọ̀run, kò sì sí ojúsàájú pẹ̀lú Rẹ̀ ¹⁰ Ní àkótán ẹ jẹ́ alágbára nínú Olúwa àti nínú agbára ipá Rẹ̀. ¹¹ Ẹ gbé gbogbo ìhàmọ́ra Ọlọ́run wọ̀, kí ẹ̀yin kí ó leè dúró láti dojúkọ àrèkérekè èètò ti èsù. ¹² Nítorí kìí se ẹran ara àti ẹ̀jẹ̀ ni àwa ḿbá jìjàdadì, bíkòse àwọn ìjọba, àwọn alásẹ, àti àwọn alákòso ẹ̀mí nínú òkùnkùn, àti àwọn ẹ̀mí búburú nínú àwọn ọ̀run. ¹³ Nítorínáà, ẹ gbé gbogbo ìhàmọ́ra Ọlọ́run wọ̀, kí ẹ̀yin kí ó leè dúró nínú àkókò ibi yìí, àti lẹ́yìn tí ẹ bá ti se ohun gbogbo tán, láti dúró gírí. ¹⁴ Ẹ dúró, nítorínáà, lẹ́yìn ìgbà tí ẹ bá ti fi ọ̀já ìgbànú ti òtítọ́ àti ìgbayà tí òdodo nì mọ́ ara. ¹⁵ Bẹ́ẹ̀ni bàtà fún ẹsẹ̀ yín, ẹ gbé ìmúra tó setán láti polungo ìyìnrere ti àláìia wọ̀. ¹⁶ Ní gbogbo ohunkóhun ẹ mú apata ìgbàgbọ́, nípa èyí tí ẹ̀yin yóò fi leè pa iná àwọn ọfà ẹni ibi nì. ¹⁷ Ẹ sì mú akoto ìgbàlà àti idà ẹ̀mí, tíí se ọ̀rọ̀ Ọlọ́run. ¹⁸ Pẹ̀lú gbogbo àdúrà àti ìsìpẹ̀, ẹ gbadúrà ní ìgbà gbogbo nínú Ẹ̀mí. Pẹ̀lú ọkàn yìí, ẹ má sọ́nà ní ìgbà gbogbo pẹ̀lú ìpamọ́ra gbogbo, gẹ́gẹ́bí ẹ se ń gbàdúrà fún gbogbo àwọn ènìyàn, Ọlọ́run, mímọ́ ¹⁹ Kí ẹ sì gbàdúrà fún mi, pé kí á leè fún mi ní isẹ́ ìránsẹ́ kan nígbàtí mo bá ya ẹnu mi. Ẹ gbàdúrà pé kí n leè ma sọọ́ di mímọ̀ pẹ̀lú ìgboyà àwọn òtítọ́ náà tí ó pamọ́ nípa ìyìnrere. ²⁰ Nítorí ìyìnrere ni mo se di ikọ̀ tí a pamọ́ nínú ìdè, kí n leè máa sọọ́ pẹ̀lú ìgboyà, gẹ́gẹ́bí ó se yẹ kí n sọ̀rọ̀. ²¹ Tíkíkù, arákùnrin olùfẹ́, àti ìránsẹ́ olòótọ́ nínú Olúwa, yóò sọ ohun gbogbo fún yín, kí ẹ̀yin kí ó leè mọ̀ bí mo se ń se. ²² Mo ti rán an sí yín nítorí ìdí èyí, kí ẹ leè mọ̀ bí a se wà, kí òun kí ó leè mú yín lọ́kàn le. ²³ Àláìia fún gbogbo àwon arákùnrin, àti ìfẹ́ pẹ̀lú ìgbàgbọ́ láti ọ̀dọ̀ Ọlọ́run Baba àti Olúwa Jésù Krístì. ²⁴ Ki ore ọ̀fẹ́ kí ó wà pẹ̀lú gbogbo àwọn tí ó fẹ́ Olúwa Jésù Krístì pẹ̀lú ìfẹ́ tí kìí kú.