¹ Èmi, nítorínáà, gẹ́gẹ́bí ẹlẹ́wọ̀n fún Olúwa, ńrọ̀ yín láti rìn ní yíyẹ fún ìpè yín tí a fi pè yín. ² Mo rọ̀ yín kí ẹ gbé ìgbé ayé ìrẹ̀lẹ̀ tí ó tóbi pẹ̀lú ìfarabalẹ̀ àti sùùrù, kí á máa gbé pẹ̀lú omonìkẹ̀jì wa pẹ̀lú ìfẹ́. ³ Se aápọn láti pa ìsọ̀kan ti Ẹ̀mí mọ́ níní ìdè ṣ`àláfìa. ⁴ Ara kan ní ḿbẹ àti Ẹ̀mí kan, gẹ́gẹ́bí a se pè yín pẹ̀lú sínú ìrètí ìpè yín. ⁵ Bẹ́nì Olúwa kan ní ḿbẹ, ìgbàgbọ́ kan, ìtẹ̀bọmi kan, ⁶ Ọlọ́run kan àti Baba gbogbo gbò, tí ó ńse orí ohun gbogbo atì nípasẹ̀ ohun gbogbo nínú ohun gbogbo. ⁷ Fún ẹnìkọ̀kan wa ni a ti fún ní oore òfẹ́ gẹ́gẹ́bí ìwọ̀n ẹ̀bùn Krístì. ⁸ Gẹ́gẹ́bí ìwé mímọ́ se sọ: "Nígbàtí ó gòkè lọ sí àwọn ibi gíga, ó de ìgbèkùn ní ìgbèkùn, ó sì fi ẹ̀bùn fún ènìyàn." ⁹ Kí ni ìtumọ̀ wípé: "Ó gòkè," bíkòsepé ó sọ̀kalẹ̀ pẹ̀lú lọ sí ibi tí ó rẹlẹ̀ jùlọ nínú ayé? ¹⁰ Ẹnití ó sọ̀kalẹ̀, ohun kanna ni ẹnití ó gòkè rékọjá àwọn ọ̀run, kí ó baà le kún ohun gbogbo . ¹¹ Krístì fún àwọn ẹlòmíràn láti jẹ́ àpóstélì, àwọn miran wòólì, àwọn miran ajíhìnrere, àti àwọn miran olùsọ́àgùntàn àti olùkọ́ni. ¹² Ó fi àwọn ẹ̀bùn isẹ́ wọ̀nyí fún ni láti dira isẹ́ fún àwọn ènìyàn mímọ́, àti fún ìmúdàgbà ara Krístì. ¹³ Ó tẹ̀síwájú láti mú ìdàgbàsókè bá ara rẹ̀ títí gbogbo wa yóò fi dé ìsọ̀kan ìgbàgbọ́ àti ìmọ̀ ọmọ Ọlọ́run, títí a ó fi dàgbà títí dé ìwọ̀n ẹ̀kúnrẹ́rẹ́ Krístì. ¹⁴ Krístì mú wa dàgbà nítorí kí á má baà se mọ̀jèsín mọ́, tí a ń fi afẹ́fẹ́ tì síwá sẹ́yìn pẹ̀lú afẹ́fẹ́ ẹ̀kọ́ àti àrékérekè àwọn ènìyàn nínú ẹ̀tàn wọn. ¹⁵ Dípò èyí, kí á máa sọ òtítọ́ nínú ìfẹ́, a ní láti dàgbà ní gbogbo ọ̀nà nínú Rẹ̀, ẹnití íse orí, èyí ni Krístì. ¹⁶ Krístì ti kó gbogbo ara, ó sì ti soó pọ̀ nípa gbogbo ẹ̀yà ara, nígbàtí gbogbo wọn bá sisẹ́ papọ̀, èyí yóò mú kí ara dàgbà sókè nínú ìfẹ́. ¹⁷ Nítorínáà, mo wípé, mo sì tẹnumọ èyí nínú Olúwa pé: ẹ kò gbọdọ̀ gbé ìgbé ayé yín gẹ́gẹ́bí ti àwọn Kèfèrí nínú ìgbé ayé ọkàn wọn tí ó sófo ¹⁸ Òye won sókùnkùn, wọ́n se àjéjì sí ìgbé ayé tí ó wà nínú Ọlọ́run, nítorí òpè ni wọ́n nítorí ọkàn wọn sébọ́, ó sì le. ¹⁹ Wọn kò ní ìtìjú, wọ́n sì ti jọ̀wọ́ ara wọn fún ìsekúse, wọ́n sì tẹ̀síwájú láti máa se orísirísi àwọn n kan aláìmọ́. ²⁰ Sùgbọ́n èyí kìí se ọ̀nà láti kẹ́kọ̀ọ́ nípa Krístì. ²¹ Mo lérò wípé ẹ ti gbọ́ nípa Rẹ̀, àti wípé ati fi kọ yín gẹ́gẹ́bí òtítọ́ tí ó wà nínú Jésù. ²² Ati fi kọ́ yín láti bọ́ àwọn ìwà yín àtijọ́ sílẹ̀, láti bọ́ ògbólògbó ọkùnrin àtijọ́ náà sílẹ̀. Ọkùnrin ògbólògbó tí ó bàjẹ́ nítorí ẹ̀tàn ìfẹ́kùfẹ́ rẹ̀. ²³ A ti kọ́ yín láti di titun nínú ẹ̀mí ọkàn yín, ²⁴ Àti láti gbé ọkùnrin titun náà wọ̀ tí a ti dá ní àwòrán Ọlọ́run, ní òtítọ́, òdodo àti ìwà mímọ́. ²⁵ Nítorínáà, ẹ dágbére fún irọ́ gbogbo, kí ẹnì kọ̀ọ̀kan yín kí ó máa sọ òtítọ́ pẹ̀lú aládùúgbò, nítorí ẹ̀yà ara kannáà ni a jẹ́ fún ara wa. ²⁶ Ẹ bínú, ẹ má sì se sẹ̀. Ẹ máse jẹ́ kí oòrùn wọ̀ bá ìbínú yín. ²⁷ Ẹ máse fún èsù ní ààyè. ²⁸ Ẹnití ó n jalè, kò gbọdọ̀ jalè mọ́. Ó gbọ́dọ̀ sisẹ́, isẹ́ tí ó wúlò pẹ̀lú ọwọ́ ara rẹ̀, kí òun pẹ̀lú kí ó lè ní ohun tí ó lè pín pẹ̀lú àwọn ẹlòmíràn tí ó se aláìní. ²⁹ Ẹ máse jẹ́ kí ọ̀rọ̀ ìdíbàjẹ́ kan kí ó ti ẹnu yín jáde. Ẹ máa lo àwọn ọ̀rọ̀ tí ó lè gbé ni ró gẹ́gẹ́bí aìní olukúlùkù, kí ọ̀rọ̀ yín lè jẹ́ ìrànlọ́wọ́ fún àwọn tí ó bá ń gbọ́ yín ³⁰ Ẹ má sì se mú Ẹ̀mímímọ́ Ọlọ́run bínú, nítorí nípasẹ̀ rẹ̀ ni a se èdìdí yín fún ọjọ́ ìràpadà. ³¹ Ẹ pa ìkorò, ìbínú, ìrúnú, ìjà, àti ìtẹ́mbẹ́lú ara ẹni sí apákan, pẹ̀lú ibi gbogbo. ³² Ẹ se inú rere fún ara yín, ẹ ní ìyọ́nú, ẹ dáríjìn ará yin gẹ́gẹ́bí Ọlọ́run nínú Krístì se dáríjìn yin.