¹ Nísinsìnyí nípa wíwá Olúwa wa Jésù Kristì àti ìpéjọpọ̀ wa láti wà pẹ̀lú Rẹ̀: a bẹ̀ yín, ará, ² pé kí ẹ̀yín kí ó má tètè dààmú tàbí pòrúrú ọkàn, bóyá nípa ti ẹ̀mí, ìwásù, tàbí nípa ìwé bìi láti ọ̀dọ̀ wa wá, fún pé ọjọ́ Olúwa ti dé ná. ³ Ẹ máse jẹ́ kí ẹnikẹ́ni tàn yín jẹ lọ́nàkọnà. Nítorípé kí yóò wá bíkòsepé ọjọ́ ìyapa bá dé, tí a ó sì fi ẹlẹ́ṣẹ̀ náà hàn, ọmọ ìparun. ⁴ Òun ni ẹni tí ń lòdì tí ó sì ń gbé ara rẹ̀ ga sí ohungbogbo tí à ń pè ní Ọlọ́run tàbí tí à ń sìn. Ní àbáyọrí pé, ó jòkó nínú tẹ́ḿpìlì Ọlọ́run ó sì tún fi ara rẹ̀ han pé Ọlọ́run ni Òun. ⁵ Ẹ̀yin kò rántí pé nígbà tí mo wà pẹ̀lú yín mo sọ nǹkan wọ̀nyìí? ⁶ Nísinsìnyí ẹ̀yín mọ ohun tí ó ń se ìdènà, pé kí á le fihàn ní àkókò tí ó tọ́ nìkan. ⁷ Nítorí ohun ìjìnlẹ̀ ẹ̀ṣẹ̀ tí ń ṣiṣẹ́, kìki pé ẹnìkan wà tí ó ń se ìdènà fun nísinsìnyí títí a ó fi mu kúrò lọ́nà. ⁸ Nígbànáà ni a ó fi ẹni ẹ̀ṣẹ̀ náà hàn, ẹnití Jésù Olúwa yóò fi èémí ẹnu rẹ̀ pá. Olúwa yóò mu wá sí asán nípa ìfihàn bíbọ̀ ọ rẹ̀. ⁹ Ọkùnrin ẹni ẹ̀ṣẹ ẹ̀ nì tí yóò wá nítorí iṣẹ́ sátánì pẹ̀lú gbogbo agbára, àmìn, àti èké iṣẹ́ gbogbo, ¹⁰ àti pẹ̀lú gbogbo ìtànjẹ àìsòdodo. Nǹkan wọ̀nyí yóò wà fún àwọn tí ń sègbé, nítorí tí wọn kò gba ìfẹ́ òtítọ́ tí ó wà fún ìgbàlà wọn. ¹¹ Fún ìdí èyí, Ọlọ́run rán iṣẹ́ ìṣìnà sí wọn kí wọn le gba èké gbọ́. ¹² Àbáyọrí rẹ̀ ni wípé pé a ó se ìdájọ́ gbogbo wọn, àwọn tí wọn ò gba òtítọ́ ṣùgbọ́n tí wọ́n ní inú dídùn sí àìsòdodo. ¹³ Ṣùgbọ́n ó yẹ kí á sábà máa fi ọpẹ́ fún Ọlọ́run nítorí, ẹ̀yin arákùnrin tí olúwa fẹ́. Nítorí Ọlọ́run yànyín sí èso àkọ́soní ìsọdimímọ́ àti ìgbàlà nínú Ẹ̀mí àti ìgbàgbọ́ nínú òtítọ́. ¹⁴ Èyí ni ohun tí ò pè yín fún pé nípa ìhìnrere wa láti le gba ògo ti Jésù kristì Olúwa wa. ¹⁵ Nítorínáà, ará, ẹ dúró sinsin. Kí ẹ sì dì ẹ̀kọ́ tí a ti kọ yín mú sinsin, bóyá nípa ọ̀rọ̀ tàbí ìwe wa tí a kọ si yín. ¹⁶ Nísinsìnyí kí Olúwa wa Jésù Kristì fún ra rẹ̀, àti Ọlọ́run Bàbá wa tí ó fẹ́ wa tí ó sì tún fún wa ní ìtùnú ayérayé àti ìgboyà rere fún ọjọ́ ìkẹyìn nípa ore-ọ̀fẹ́, ¹⁷ ìtùnú, kí ó fi ẹṣẹ̀ yín múlẹ̀ nínú gbogbo iṣẹ́ rere àti ọ̀rọ̀.