¹ Eluntu Haggai kasesema na Sekaria kasesema ubufyashi bwakwa Ido, baseseme mwi shinan lyakwa Lesa wakwa Israeli ku bena Yuda mu Yudea elo na Yerusalemu. ² Serubabele umwana mwaume wakwa Sheatiele na Yushua umwana mwaume wakwa Yosadaki balimine no kutampa ukukula ing'anda yakwa Lesa mu Yerusalemu pamo na bakasesema abali kubatungilila. ³ Eluntu Tetanai umulashi wa citungu ukufika fye ku mpongolo, Shetari-Bosena, elo na ba nabo baishile elo balandile kuli bo ati, "Ni nani uwa myebele ukukula iyi ng'anda elo no kupwilishisha ifi fibumba?" ⁴ Kabili balandile ati, "Mashina ndo aya aba baume bakokula icibumba?" ⁵ Lelo amenso yakwa Lesa yali pa bakulu baba Yuda elo balwani babo tabakenye. Bali kupembela kalata ukutumwa kuli Drius elo uwakubakanya ukubwela kuli bo palwa mulandu uyu. ⁶ Uyu ekalata umbi uwasheleko uwakwa Tatenai, umulashi wa citungu ca kwi shilya lya mumana, uyo batumine kuli Darius imfumu. ⁷ Baishile kutuma insebo, balembele ifi kuli Drius, "Umutende ulekuba na mwebo. ⁸ Cishibikwe ku mfumu ukuti twalile ku citungu caku Yuda ku ng'anda yakwa Lesa mukulu. Cikokulwa na mabwe ayakulu elo ne mbao calibikwa ku cibumba. Iyi ncito ikocitwa mano mano elo ikolunguluka mi minwe yabo. ⁹ Twaipwishe abakulu ati, 'Ni banani abamisuminishe ukukula iyi ng'anda elo neco cibumba?' ¹⁰ Twalibepwishe na mashina yabo pakuti ye shibwe kuli mwebo pakwebati mwingeshiba ishina lya cila mwaume uwabatungulwile. ¹¹ Ifi efyo batwasukile elo no kulanda ati, 'Tuli babomfi bakwa Lesa uyo uwaba ku mulu na mucalo, elo fwebo tukokula cipya cipya iyi ing'anda iyo iyakulilwe pa myaka iingi iyapita uluntu imfumu iikulu yakwa Iaraeli yan kulile ici elo no kupwishisha. ¹² Nangu cali ifyo, uluntu ifikolwe fyesu fyabishe Lesa wa mu mulu, wabapele mu minwe yakwa Nebukatinesari imfumu ya ku Babiloni, umwina Kaludea, uwaonawile iyi ng'anda elo wapitile abantu mu busha mu Babiloni. ¹³ Nangu cingaba ifyo, mu mwaka wakutampilapo uluntu Cyrus ali imfumu yaku Babiloni, Cyrus asuminishe ili lyashi ukukula cipya cipya ing'anda yakwa Lesa. ¹⁴ Imfumu Cyrus kabili abweseshe golide elo na silfere ifya kubomfya mu ng'anda yakwa Lesa ifyo Nebukatinesari wa piitile ukufuma mwitempele mu Yerusalemu ukutwala mwitempele mu Babiloni. Wafipele ku muntu umo ishina lyakwe ni Sheshibasa, untu asontele ukuba umulashi. ¹⁵ Aishile kulanda kuli ye ati, 'Senda ifipe ifi. Kabuye elo ufibike mwi tempele mu Yerusalemu. Uleke ne ng'anda yakwa Lesa ikulwe cipya cipya kulya." ¹⁶ Eluntu uyu Sheshibasa waishile elo wabikile no mufula wa ng'anda yakwa Lesa mu Yerusalemu; elo ici caishile kutampa ukubombwapo, lelo cali tacilapwililika.' ¹⁷ Nomba nga cakuti casesha imfumu, kuti cafwailishiwa mu ng'anda ya fishilamo mu Babiloni nga fyasuminisha ukufuma ku mfumu Cyrus ukukula iyi ng'anda mu Yerusalemu. Eluntu tuleke imfumu itume ubusalo bwaiko kuli fwebo.