¹ Lelo bamo abalwani bakwa Yuda elo na Benjamini baumfile ukwebati abantu abali mubusha bale kulila Yahweh itemepele, Lesa wakwa Israeli. ² Balikumenye Srbabele elo ne mitwe ya fikolwe fya mikowa yabo. Balandile kuli bo ati, ''Aleni tukule na mwebo, pantu, nga mwebo, tulefwaya Lesa wenu elo twali kutula kuli ye munshiku shakwa Esarihadoni, imfumu yaku Asiria, uwatuletele pali ino incende.'' ³ Lelo Serubabele, Yeshua, elo na bonse imitwe ya fikolwe fya mikowa yabo fyalandile ati, ''Temwebo, kano fwebo tufwile ukukula ing'anda yakwa Lesa wesu, pantu nifwebo fwe bakakulila Yahweh, Lesa wakwa Israeli, ngefyo imfumu Cyrus uwaku Persia akonkomeshe.'' ⁴ Nomba abantu ba mucalo balileleke amaboko yabo ku bantu ba ku Yuda; balilengele abena Yuda ukumfwa umwenso wa kukula. Bali boseshe ne filolo finono ukubonawila amapange yabo. ⁵ Bali citile ici mukuteka kwakwa Cyrus konse elo na mukuteka kwakwa Drius imfumu ya ku Persia. ⁶ Eluntu pakutampa kwa kuteka kwakwa Ahasuerus balilembele umutunganya palwa bekashi ba mu Yuda elo na mu Yerusalemu. ⁷ Cali ni munshiku shakuteka kwakwa Artaxerxes ulo Bishilamu, Mitrediti, Tabele, elo na ba nabo balilembele ku mfumu Artaxerxes iya ku Persia. Kalata yalembelwe mu ci Aramaiki elo no kupilibulwa. ⁸ Rehumu umukulu waba shilika elo na Shimashai kalemba alilembele muli uyu musango kuli Artaxerxes imfumu palwa Yerusalemu. ⁹ Eluntu Rehumu, umukulu wa bashilika, Shimushai kalemba, elo na ba nabo bambi, abali bakapingula elo bambi ba cilolo bamubuteko, abena Persia, abaume ukufuma ku Ereki elo naku Babiloni, elo abaume ukufuma ku Susa (ekwebati, abena Ealamiti)-balilembele inkalata- ¹⁰ elo kwali abantu abailundileko abo Ashubanipali umukankala kabili uwakucindamisha apatikishe ukufuma muli bunkole ukuya kwi kala mu Samaria, pamo pene na bali mucitungu kumbali ya mumana. ¹¹ Iyi ekalata batumine kuli ye: ''Ku mfumu Artaxerxes, fwe babomfi bobe, abaume ba citungu ca kumbali ya mumana, twalemba ifi: ¹² Lekeni imfumu ishibe ukwebati aba Yuda abaile ukufuma kuli mwebo balitwishibile mu Yerusalemu mukukula umusumba waku pondoka. Bali pwile ifibumba elo bali lungishe ne mifula. ¹³ Nomba lekeni imfumu ishibe ici nga cakwebati uyu musumba wakulwa elo no lupango lwa pwililika, tabakale kupela icakusangwilako, umusonko, nangula umutulo, elo ici cikonaula icipao cama bufumu. ¹⁴ Ne cabushe pantu ni kwisano eko tulya umucele, tacikoli nga tule kubona uku kanapela umucinshi ku mfumu kulekucitika. Ecalenga ukutuma ifi ukwishibisha imfumu ¹⁵ ukupituluka mu fitabo fyaba wishi nwe elo no kusambililapo ukebati uyu musumba wa kupondoka ukonaula basha mfumu elo ne fitungu. Kabili cililetele ubwafya kuli ba shamfumu elo na mu fitungu. Epali kutendekela ukupondoka na kukalefye. Ecalengele umusumba ukonaulwa. ¹⁶ Tukoishibishako imfumu ukwebati umusumba elo ne ci bumba ca lupango nga fyakulwa, eluntu takwabe nangula kano akakashala kuli mwebo mu citungu kumbali ya mu mana. ¹⁷ Eico imfumu yali bweseshe kalata kuli Rehumi umukulu waba shilika na Shimushai kalemba elo na ba nabo mu Samaria elo na bambi abali mu citungu kumbali ya mu mana: ''Umutende ube na mwebo. ¹⁸ Kalata uyo mwatumine kuli nebo bali londolwele elo ulibelengelwe kuli nebo. ¹⁹ Kanshi nalepele icipope, elo balifwailishe no kusanga ati akale ulya musumba walimine isha mfumu, elo ukupondoka no kwimina ubuteko fyali kucitika mulya. ²⁰ Imfumu isha maka shali kuteka mu Yerusalemu elo shali kwete amaka pali fyonse ifyali mu citungu mu mbali ya mu mana. Ukusangwilako, umutulo, elo no musonko fyali kupelwa kuli bo. ²¹ Nomba, bika icipope kuli aba baume ukuleka elo takuli ukuleka ukukula uyu musumba mpakfye nkabike icipope. ²² Kengela takuli kulekelesha ici. Nindo mwingalekusuminisha ica konaula ukulekukula elo no ku pwisha umcinshi wa sha mfumu? ²³ Uluntu icipope ca mfumu Artaxerxes ca belengelwe pa menso yakwa Rehumu, elo na Shimushai kalemba, elo na banabo, balile kangu kangu ku Yerusalemu elo no kupatikisha aba Yuda ukuleka ukukula. ²⁴ Eico umulimo wa ng'anda yakwa Lesa mu Yerusalemu walilekelwe mpakafye mu mwaka wa bubili uwakuteka kwa mfumu Darius iyaku Persia.