¹ Cali mwenshi wakulenga cine lubali panuma ya bantu bakwa Israeli baishile ku bweluluka ukufuma ku misumba yabo, uluntu baishile ku kumana pamo nga umwaume umo mu Yerusalemu. ² Yeshua umwana mwaume wakwa Yozadaki elo na banyina bakwe na bashimapepo elo Zerubabele umwana mwaume wakwa Shealitile, elo na bamunyina bwakwe baishile kwima elo no kukula ubulambo bakwa Lesa wakwa Israeli ku kupela amalambo nge fyo calembelwe mu mafunde yakwa Mose umwaume wakwa Lesa. ³ Eluntu baishile kupampamika ubulambo apakwimanina kwa buko, pantu umwenso wali pali bo pamulandu wa bantu ba mu calo. Baishile kupela amalambo ya koca kuli Yahweh mu cungulo kasuba elo ne cungulo bushiku. ⁴ Kabili baishile kupanga umutebeto wa Mayanda nge fyo calembwa elo no kupela amalmbo ya koca cila bushiku ukulingana ne cipope, umulimo wa cilabushiku pa bushiku bwa buko. ⁵ Ukwabula ukulufyanya, kwa leba amalambo ya koca aya cilabushiku elo na ya mwenshi elo na malambo pa yonse imitebeto yakwa Yahweh abaikilwe, pamo na yonse amalambo yakuifwaila. ⁶ Baishile kutamapa ukupela amalambo ya koca kuli Yahweh pa bushiku bwa kubalilapo, nangula itempele lyali talilakulwa. ⁷ Eico baishile kupela silfere ku balikupanga amabwe elo nabakafula wa fyela, elo baishile kupela ifyakulya ifya kunwa, elo na mafuta ku bantu baku Sidoni elo na Tyre, pakweba ati bengaleta ifimuti fya keda kuli bemba ukufma ku Lebanoni ukuya ku Yopa, ngefyo cabikilwe kuli Cyrus, imfumu ya ku Persia. ⁸ Eluntu mu mwenshi wa bubili mu mwaka wa bubili panuma baishile kwisa ku ng'anda yakwa Lesa mu Yerusalemu, Zelubabele umwana mwaume wakwa Shealitiele, Yeshua umwana mwaume wakwa Yozadaki, na bashimapepo bonse, abena Lebi, elo nabo abaishile kufuma muli bunkole ukwebululuka ku Yerusalemu baishile kwamba umulimo. Baishile kusuminisha abena Lebi abakwete imyaka amakumi yabili elo no kucilapo ukulolekesha pa mulimo wa mu ng'anda yakwa Yahweh. ⁹ Yeshua elo na bana baume bakwe elo na ba munyina, elo na Kadimiele elo na bana baume bakwe, abali ba bana bakwa Hodavia), elo na bana baume bakwa Hanadadi elo na bana baume babo elo na bamuntina-bonse pamo bali bena Lebi-baikumike capamo mukubona pali abo abali kubomba pa ng'anda yakwa Lesa. ¹⁰ Bakakula baishile kupanga umufula wakwa ng'anda yakwa Yahweh. Ici caishile kusuminisha bashimapepo ukutalama mu mingila yabo na penga, elo na bena Lebi, abana baume bakwa Asafu, ukulumbanya Yahweh ne filimba, ngo kuboko kwakwa Davidi, imfumu ya Israeli ya konkomeshe. ¹¹ Baimbile no kulumbanya elo nokutotela kuli Yahweh, ''Wa bune! Icipangano cakwe ca cishinka kuli Israeli ca muyayaya.'' Bonse abanatu baishile kuli nokupunda ukwa nsansa mu kulumbanya Yahweh pantu umufula wa ng'anda ulibikilwe. ¹² Lelo abengi bashimapepo, abena Lebi, abakalamba ba bacilolo, abo bali abakote elo bali bwene ing'anda ya kubalilapo, uluntu uyu umufula waishile kubikwa ku ntanshi ya menso yabo, balilile mukupunda apakalamba. Lelo abantu abengi baishile kupunda ne nsansa ne cimwemwe elo ne ciunda ca kwanga. ¹³ Na muli fyo, abantu balifililwe ukwishiba insansa elo ne ciunda ca kwanga ukufma ku ciunda ca bantu abali kulila, pantu abantu balikulila ne nsansa ishikulu, elo ne ciunda calikumfwaika ukufuma ukutalisana.