¹ Eico imfumu Darius yaishile kupela icipope elo baishile kufwaya mu ng'anda balikusungilamo ifitabo fya milandu umo ifya bunonshi fyalikusungilwamo, mulya mu Babiloni. ² Mu musumba uukulu uwa Ekibatana mu citungu ca Media icipombwa calilekusangwa; ifi efyailekulembwamo. ³ Mumwaka wakubalilapo uwa mfumu Cyrus, Cyrus iashile kupela icipope palwa ng'anda yakwa Lesa mu Yerusalemu: Lekeni ing'anda yakwa Lesa iye kukulwa nge ncende iyashila, lekeni umufula wa ng'anda uye kwimbwa lekeni ubutali bwaiko buyekuba imikono amakumi mutamnda, elo na mubwipi bwaiko imikono amakumi mutanda, ⁴ ne milongo itatu iya mabwe ayakalamba elo no mulongo uwambao uupya, elo lekeni indalama shakubomfya pamulimo uyu shiyekupelwa na bang'anda ya mfumu. ⁵ Nomba bwesheni golide elo ne fipe fya silfere ifya mu ng'anda yakwa Lesa, ifyo Nebukatinesari walekuleta ku Babiloni ifyo ailekufumya mwitempele mu Yerusalemu elo no kuyafibwekeshamo kwi tempele mu Yerusalemu. Muli no kuya kufibika mu ng'anda yakwa Lesa! ⁶ Nomba Tatenai, umulashi wa citungu ca kwishilya lya mumana, Sheta-Bozenai, elo na baume bonse abalekuba mu fitungu fya kwishilya lya mumana, talukeni kuli bo! ⁷ Sheni umulimo waiyi ng'anda yakwa Lesa eka. Umulashi elo na bakalamba ba ba Yuda bakaya kukula ing'anda yakwa Lesa iyi pali ilya ncende. ⁸ Kabili nkomipela ifunde uiwebati muli nokucita ifi pa mulandu wa bakalamba ba ba Yuda abalekukula iyi ng'anda yakwa Lesa: Indalama ukuya kufuma mu musonko wa mfumu kwi shilya lya mumana shikalekubomba ukupela aba bantu pakwebati tabelekuleka umulimo wabo. ⁹ Na fyonse ifyalekabilwa-ingombe ishaice, basuku suku, nangu utwana twa mpanga ifya kocela Lesa wa kumulu ilambo, ing'ano. umucele, umwangashi, nangu amafuta ukukonka ne cipope cabashimapepo mu Yerusalemu-mulekubapela ifintu fyonse ifi cila bushiku ukwabula ukufilwa. ¹⁰ Mulekucita ifi pakwebati bengalakuleta amalambo ayal ayasekesha kuli Lesa wa mu elo nokuya kufipela pa bumi bwa mfumu elo na bana baume bakwe. ¹¹ Nkopela icipope ica kwebati umuntu onse uwakana ukukonka ici cipope, umulando ufwile wakunkulwa ku ng'anda yakwe elo no kuya kumusonekako. Ing'anda yakwe ilingile yabongolokwa no kushala icishala pa mulandu waici. ¹² Lekeni Lesa uwalenga ishina lyakwe liye kwikala kulya kwine engayakufumyapo imfumu nangu abantu abali bonse abakemya ukuboko kwabo mukususha ici cipope, nangu ukonaula iyi ng'anda yakwa Lesa iikoba mu Yerusalemu. Nebo, ne Darius, nkopela icipope ici. Kabili na ciyekukonkwa bwino bwino!'' ¹³ Eluntu pamulandu wa cipope icatumine na Darius imfumu, Tatenai, umulashi wa citungu icba kwi shilya lya mumana, Sheta-Bozeni, elo na banabo, baile kucita conse ico imfumu Darius yailekubeba. ¹⁴ Eico abakalamba ba ba Yuda baile kukula elo nokulunduluka ukupitila mufyo kasesema Haggai elo na Zakaria abasambilishe, abana bakwa Ido. Baile kupwisha ifikulwa fyabo ukulingana ne cipope cakwa Lesa wakwa Israeli elo na kucipope cakwa Cyrus, Darius, elo na Artaxerxes imfumu yaku Persia. ¹⁵ Ing'anda yaile kupwa pa bushiku bwalenga shitatu mu mwenshi wa Adari mu mwaka wa kulenga mutanda uwabuteko bwakwa Darius. ¹⁶ Abantu bakwa Israeli, bashimapepo abena Lebi, elo na bonse ababwelele muli bunkole bailekusefya ukutulwa kwa ng'anda iyi iyakwa Lesa ne nsansa. ¹⁷ Batulile ing'ombe ishilume umwanda umo, basuku sukus imyanda ibili, elo utwana twa mpanga utulume imyanda ine pakuyakutula ing'anda yakwa Lesa. Imbushi ishilume ikumi limo na fibili nasho shaishile kutulwa pakufuuta imembu sha bena Israeli bonse, imo cila mukowa wamu Israeli. ¹⁸ Kabili baishile kupela umulimo bashimapepo elo na bena Lebi ukulekana mu mibombele ku mulimo wakwa Lesa mu Yerusalemu, ngefyo calembelwe mu citabo cakwa Mose. ¹⁹ Eico abo abaile kuba muli bunkole bailekusefya icakucilila pa bushiku bwalenga ikumi limo na fine mu mweshi wa kubalilapo. ²⁰ Bashimapeo elo na bena Lebi bonse baishule kuisangulula abene; bonse bali abasanguluka elo no kwipaya amalambo ya cakucilila kuli abo bonse abile kuba muli bunkole, ukubikilakofye na bene. ²¹ Abantu bakwa Israeli abalile inama shimo ishacakucilila ni abo ababwelele kuli bunkole elo abaipatwileko ukufuma mu kukowela ukwanko ishaba mu ncende nokufway Yahweh, Lesa wakwa Israeli. ²² Basefeshe ne nsansa inshikunkulu ya mukate uutatumuka pa nshiku cine lubali, pantu Yahweh alibaletele insansa elo nokupilibula umutima wa mfumu yaku Assyria ukukosha amaboko yabo mu milimo ya ng'anda yakwe, ing'anda yakwa Lesa wakwa Israeli.