¹ Hen panahon habayto nalenge ni Herodes ya tetrarka ya baw balita tungkol koni Apo Hesus. ² Hinabi na taw tagahunol na ya emen di, "Hika Juan ya ma-mawbautismo, nabyan yan uman ubat ha nangamatsi. Kabay ya kaw kapangyadihan ya ampanyag kol-la." ³ Kabay inpadakep ni Herodes hi Juan, ginapoh na ya boy inlako ya ha sukulan bana koni Herodias ya ahawa nin patel ni Felipe. ⁴ Kabay hinabi ni Juan kuna, "Labag ha uto ya andiyagen mo ha ahawa mo." ⁵ Labay ni Herodes ya ipapatsi ya pedu nalimo ya ha taw tawo ta hiya ay propeta. ⁶ Hin nilumateng ya kaal-luwan hi Herodes, hatoy anak ya babayi ni Herodias ay naghayaw ha bunak boy napahigla hi Herodes. ⁷ Tibay na, naghumpa ha sadili na ya idin na hinuman ya main yan kamamain pakikwanan kuna. ⁸ Pamakayadi hin hinabi na ha indo na ya labay na hinabi na , "Hinabi na idin mo kongko, ya ulo ni Juan ya Mamawtismo ha mihay palato." ⁹ Subdan nanhayag ya adi bana ha ampakakekwanen na, pedo bana ha humpa ya kalamo kaganawan baydo ya ampipamangan ya kalamo ya, in-utuh la ya hatsi ya mangyadi. ¹⁰ Namitudo ya nin ipaputoh ya ulo ni Juan ha sukulan. ¹¹ Pamakayadi ay gintan ya ulo ha pam-yanan boy indin ha babayi ta gintan ha indo na. ¹² Pamakayadi hatsi nilumateng ya taga-hunol ta kinwa ya natsi ta in-ilbing la ya. Pamakayadi habaytsi, nag-ali hila ta inpatanda la koni Apo Hesus. ¹³ Hapaeg, hen malenge hatsi ni Apo Hesus, nag ali ya ubat baydo biha naghakay ya nin bangka ta naglako ya ha mihay duyo ya lugal. Hen nalenge ya habaytsi nin taw-tawo ya, ang humunol kuna ya ampipag daan ha mangalhay ya banwa. ¹⁴ Nilumateng hi Apo Hesus hauna ya kunla ta nahelek laya malake ya taw-tawo. Naingalowan na hila biha pinahampat hay hakit la. ¹⁵ Hen anyumabi yana, dinumani ya taw-tagahunol biha hinabi na kunla. "Disyertoy habayti ya lugal ya lugal kapatalan boy halaba hanay mihay allo. Daudungen moyoy na ya taw-tawo, taen makalako hila ha baw-badyo ta emen makahalew hila nin maikan la." ¹⁶ Pero hinabi ni Apo Hesus, "Agmoyuy na kaylangan nin mag-ali. Dyanan moyo hila nin paw-pamangan." ¹⁷ Hinabi la kuna, "Main kay bungat nin limay pidasoy tsnapay boy luway kuna." ¹⁸ Hinabi ni Apo Hesus, "Gitan moyo kungko ya habain kaganawan." ¹⁹ Bina inhabi ni Apo Hesus ha taw-tawo ya miknu hila ha kalamuhan. Kinwa hay limay kaboey tsinapay boy luway keha. Naningla ay ha langit, inbahangin biha pinagpuputoh ya tsinapay ta ing-gwa na ha taw-tagahunol. Intayak bayto nin aw-alagad ha taw-tawo. ²⁰ Nakaekan kaganaway boy haghoy. Pamakayadi lay pinatsitsipon lay nangatsila nakayamon hila nin labinluway basket. ²¹ Kaganawan nin nawnangan ay inumabot et ha labinliboy kalalakihan bukod et ha kababaiyan boy aw-anak. ²² Inapuda nan pinahakay ya aw-alagad na ha bangka taen muna hilan maglipay hila ha kapaka, habaha ampaudungen nay taw-tawo. ²³ Pakamayadi nan pinaudong ya taw-tawo, naglakat ya ha bakil ta emen manalangin. Mimiha na baydo anggan betlay yabi. ²⁴ Peru atsi ha gitna nin dagat nya bangka ya, an-tangay nin mangakhaw ya alon bana ha angkahambal lay makhaw ya angin. ²⁵ Hen nilumateng ya palbangon nilako hila ni Apo Hesus ampita ha babon lanem dagat. ²⁶ Hen maikit ya hi aw-alagad ampagbita ha dagat, nilumuwan hila kuna biha hinabi la main "Kamana" nan angaw hila bana ha limo. ²⁷ Hinaad hila ni Apo Hesus biha hinabi kunla, "Agkaw malimo hikoy habaytsi." ²⁸ Tinumebay hi Pedro kuna biha pinastang ya "Apo Hesus, nu hikay habain, hagyaten mo kon maglako bahen kumu ha lanem." ²⁹ Hinabi ni Apo Hesus kuna, "Maglako ka di." Kabay nagtaoy hi Pedro ubat ha bangka biha nagbita palako kuni Apo Hesus. ³⁰ Pero hen nataman ni Pedro ya angin halimuwan ya ngangaliya nin malipo nin lanem, kabay nag-angaw boy hinabi, "Apo Nakapanyag, goloyin mo ko ta ang kalemen akoyna!"'. ³¹ Impaktang ni Hesus ya gamet biha ginoloy na hi Pedro biha hinabyanan ya nin, "Hika ya main nayamo ya pamimintoo, hinta nin nagluway ihip ka?" ³² Hen naghakay hilay nay luwa ha bangka hi Pedro, tinumgen ya angin ha pagkayep. ³³ Kabay hatoy taw tagahunol ya nakahakay ha bangka ya nahamba koy Apo Hesus boy hinabi la kuna, "Hika ya peteg ya Anak ni Apo Nakapanyag." ³⁴ Hen nakapag lipay hilay na nipalako hila ha lugal nin Genasaret. ³⁵ Hen nabalayan hi Hesus nin taw tawoy atsi baydo , imbahuwag la ha kaganawan lugal baydo ya nakapalibot boy gintan la kuna ya kaganawan ya main nin hakit. ³⁶ Nakaiingalo hila kuna nu maadi nin matalanan ya tampo nin dulo na, kabay kaganawan nakatalan dulo na ay hinumampat ha hawhakit la.