¹ Ha allo nin habayto nag-awah bale hi Apo Hesus boy nikno ambagan dagat. ² Main kal-atan nin taw-tawo ya mamalibut kuna kabay naghakay ya ha mihay bangka boy niknu baydo.Hay kaganawan nin tawo ay nideng ha ambayan dagat. ³ Boy naghabe hi Hesus konla nin malake ya kapaepapah bana ha malale ya kaalimbawaan. ⁴ Ha payhabwag,natata ya kanayon ya bine ha danin daan nilumateng ya maw manok manok boy tinuka lay habayto . ⁵ Hay kanayon ya bine itaman ay natata ha kabatuwan ya luta duha uuybun bat ya luta duha. Ya haw hatsi ay mapadah nagtubo bana ha mababo ya luta. ⁶ No ag hen tsinumlak ya hila allo haw habaytsi ay naw-ngey ta ayen hanan yamot boy naw-ngey hilay habayto. ⁷ Hay kanayon ya baw bine ay natata ha maw maduwe Ya law lamun. Hinumlay ya taw tanaman do ha maen duwi boy binikke yan kinilikilan lamon. ⁸ Hay kanayon ya baw bine ay natata ha mahampat ya luta habaytsi naw nanagey ,Ya kanayon ay nanagey magatoh boy mani-anem ya pu boy Hay kanayon ay mani-tatlum pu. ⁹ Hay maen teek ya pal-lenge, ay manlenge." ¹⁰ Nilumateng ya taw tagahuno boy hinabi la kune Apo Hesus,"Henta ampagkahabe moy taw-tawo bana ha malale ya kaalimbawaan ?". ¹¹ Tinumbay hi Apo Hesus boy hinabe na kolla, "Nadiyanan kataw naw panaon nin pagkamulah na kapapaepapah ya kaadian nin langet,no ag kolla ay ahe indin. ¹² Kaya bay no hinuman ya maen igit maiden boy heya ay magkamaen nin kamamain.No ag no hinuman ya ayen udungen kuwen kona no hinoy main ya ta idin ha main kamamain. ¹³ Kabay ampagkahabi ko hila ha malake ya kaalimbawaan ta masken hila ay ampakahelik,no ag hela ay ahe peteg ampakahelik boy imbaydo man ampakalenge no ag ahe helan peteg ampakalenge boy ahe ampakamulah. ¹⁴ Konlan nangyade ya propesiya ni Isaias, ya ampaghabi ,'Hen anleng in moyu ay nalinge moyu no ag ahe moyun ang kamulahan .Hen anhilken moyu ay nahilek moyu no ag ahe moyu talagan angkamolahan. ¹⁵ Kabay hay nakem nin taw-tawoy nikapupudol boy maidap hela nin manlingo boy an-ipedeng maw mata la taen hila ay ahe kahilek o makalinge ya teek la o mamulalahin nin nakem la taen hela ay mag -udong uman boy hila ay tambalan ko. ¹⁶ No ag makalma ya mata moyu ta hatsi ay ampakahelik boy teek moyoy ampakalinge . ¹⁷ Peteg yay hatsi ya anhabiyen ko komuyo malake ya paw propeta boy tawoy mahampat ya malabay nin makahilek nin nigkahinuman ya nahilek moyo ,No ag aglan mahilek ,labayen la man nin malinge ya nigkahinuman ya nalinge moyo no ag aglayan malinge. ¹⁸ Hapaeg manlinge kaw ha kaalimbawaan nin mayhahabwag . ¹⁹ Ta malinge nin hinuman ya habi nin kaadian no ag layan mapakamulah ,lumateng ya nangadawak boy takawen lay baw bine ya naihabwag ha danin dahan. ²⁰ Heya ay naihabwag ha mabatoy luta boy hiyay ampakalinge ha habi boy mag-apuda nananggap nin maen kahiglawan. ²¹ Imbaydo man ayen yan yaw yamot boy agyan nabuyutan boy hen pamihuhulok boy pamasudun ya nilumateng bana ha haw habi,heya ay mapadan ampidihog. ²² Heya ay naihabwag ha maw maen duwe ya law lamon ampakalinge nin habe no ag ayen yan pamikiemen ha babon luta boy panay kagabawan ha yaman ya nanakal ha habe boy ahe ya nanagey. ²³ Heya ay naihabwag ha mahampat ya luta hiyay nakalenge habi boy nakamula baydi . Heya ay peteg boy ampaka-palabong nin hatsi.Hay kaatag ay nanagey nin mani-magatu boy haykanayun ay mani animapo boy hay kaatag an mani tatlumpu. ²⁴ Nag - istorya hi Apo Hesus nin miha et ya kaalimbawaan.Hinabe na,"Hay kaadian nin langet ay emen nin mihay lalake ya nag habwag nin mahampat ya bine ha gahak na . ²⁵ No ag hen angkabelew ya taw-tawo, nilumateng ya kabuno ya boy hay naghabwag et nin lamon kalamo tawtatap bihan nag-ale. ²⁶ Hen nagtubo ya baw bulong boy nanagey ay nagtubu et ya law lamon . ²⁷ Nilumateng ya ampaki-ubda ha main ikon luta ta hinabe la kona ,Apo,Ahe nin mahampat ya inhabwag moy baw bine ha gahak ? Imen ya nin nagkamaen nin lamon?' ²⁸ Hinabi na kolla, ang diyagen yan mihay kabunu.Hinabe itaman nin maw mamiki ubda kona, labay mo wadi nin lakwen ta uluten ya haw habayto?' ²⁹ 29 Hinabe nin main atag nin luta paan,ta nu uluten moyoy law lamon baka mapakiulot moyon bengat ya kalamo na. ³⁰ Paulayan moyo hilay nan bengat padehon humlay anggan lumateng ya pamialawah.Ha odas nin pami-alawah ay habyen ko ha maw mangalawa ya, ''Unawen moyon uluten ya law lamon boy pethen moyo boy ulamen imbaydo man hatoy bawbine itaman ay tsipunen moyo ha kulibot.''''' ³¹ Uman nag istorya hi Apo Hesus nin main kaalimbawan kolla Hinabi na "Hay kaadian nin langet ay kapadihu nin bine nin mustasa ya kinwa nin mihay tawo boy inhabwag ha gahak na. ³² Peteg ya pan pinakamayamo ya bine ha kaganawan nin baw bine no ag no humlay ay igit et malhay kisa ha kaatag ya tawtanaman.Hatsi ay nag-in mahalay ya puon kayo ya maadi ni panalayan maw manok-manok ya hanga . ³³ Nanguman naghabi hi Apo Hesus nin kaalimbawan kolla"Hay kaadian nin langit ay imen mihay lebadura ya kinwa nin mehay babaye boy inlaok ha tatloy gatang nin arina anggan hatsi ay nilumbag. ³⁴ Hay kaganawan nin nagkahinuman ya hatsi ay hinabe ni Apo Hesus ha taw-tawo bana na kaalimbawqaan.No ahe bana ha kaalimbawaan ay ahe yan maghabe kolla. ³⁵ Habaytsi ay taemen mapitegan ya haw hinabe bana ha paw propeta henhato hinabe nan.Luatan ko ya bibey bana ha kaalimbawaan, "huhabyen ko ha nigkahinuman ya nakalimid hato hen bayo kon gaw-en ya babon luta ." ³⁶ Pamakayade imbalag ni Apo Hesus ya kalak-an tawo ta naglako ya ha mihay bale. Nagdane konay taw tagahuno na ya naghabe nin,"Ipamulah mo kon-naan ya kaalembawaan nin lamon ha gahak. ³⁷ Hinabe ni Apo Hesus ,"Hay mayhabwag nin mahampat ya bine ay anak nin tawo. ³⁸ Hay gahak ay atsi ya babon luta boy hay mahampat ya bine ay aw anak nin kaadian .Hay law lamon ay aw anak nin nadawak. ³⁹ Boy hay kabuno ya mayhabwag kolla ay diyablo.Hay pangalawah ay pagkayade nin mundo boy hay mangalawah ay aw-anghel. ⁴⁰ Kabay imen nin law lamon ya tsinipon ulam ha apoy, imbaydo et ya pagkayade de ha babon luta. ⁴¹ May pagtan ya Anak nin tawo nin aw anghel boy tsipunen la ha labas nin kahuwangan ya kaganawan magkahinuman ya bana ha kahalanan boy haw hatoy ampipanyag nin nadawak. ⁴² Ihagpa la ya haw hatsi ha pugon ya madiket ,ya maen kakalak-an ampanange boy naw nipang-ngenget ya gugot. ⁴³ Boy hay mangahampat ya tawo ay humawang emen allo ha kaadian nin bapa ya nakapanyag.Hay maen teek panlinge ay manlinge. ⁴⁴ Hay kaadian nin langet ay imen nin mihay kamamain ya intago ha gahak.Nahilek ya hatsi nin mihay tawo boy intago na et. Ha kahiglawan nan mag-ale ay inlako nay kaganawan maen ya boy hinaliw nay gahak ya habayto. ⁴⁵ Imen ya et etaman baydo. Ya kaadian nin langit ay imen nin mihay manayhay ya ampanikap nin maw -maalaga ya perlas. ⁴⁶ Hen natsikapan nay mihay perlas ya ampag-alaga, nin mable nag-ale ya boy inlako nay kaganawan main kuna boy hatsi etaman ay inhaliw nan kaganawan. ⁴⁷ Imbaydo man, hay kaadian nin langet ay emen nin mihay lambat ya inhamwag ha dagat boy nakadakip nin hadi-hadi ya laman nin dagat. ⁴⁸ Hen hatsi ay napno,ginuloy ya nin maw manlalapet nin kena ha ambayan lanem.Pamakayade nikno hila boy tsinipon ya maw mahahampat ya nagkahino ha pandiyanan no ag intapon lay baw nagkahinu ya ayen nin paw pakinabang. ⁴⁹ Imbayde ya mangyade ha kalapuhan nin babon luta.Lumateng ya aw anghel boy pi-atagen ya nadawak ha mahampat. ⁵⁰ Hilay ihahagpa ha pugon ya main deket nin apoy ya main ampanange boy ampang iget iget ya gugot. ⁵¹ Angkamulahan moyo kaya ya kaganawan nin hatsi ya nigkahinu?"Hinabe nin taw tagahuno na kuna,"Awo". ⁵² Boy hinabe ni Apo Hesus kolla, "kabay balang eskriba ya naging tagahuno nin kaadian nin langet emen nin mihay tawo ya nag-atag nin mihay bale,ya ampay-awa nin date boy baw bayo'y nigkahino ubat ha tsikap na." ⁵³ Boy nangyadi hen nayadi hi Apo Hesus nin naghabi nin kaalimbawaan na ay nag alih ha logal ya habayto. ⁵⁴ Pamakayade ay pinumahok hi Apo Hesus ha mismo nan lugal boy nanudo ya ha taw tawo ha sinagoga la.Hay kinaawahan hatsi ay naka-epapah hila ha hinabi na, "aton nangwa ya tawoy hatsi na katalinuwan na, boy aton ubat ya ang gagaw-en nay imala? ⁵⁵ Ta alwa yan anak nin mihay karpentero? ta alwan hi Maria ya indo na?Boy hay paw patel na ay hilay Santiago ,Jose,Simon boy Judas? ⁵⁶ Ta alwan hay paw-patel nay baw babayi ay kalakalamo tamo et?Kabay aton nakwa nin tawoy atsi ya kaganawan nin nagkahinu na?" ⁵⁷ Nahakitan hila bana kuna.No ag hinabe ni Apo Hesus kolla ."Hay propeta ay ahe angka ayenan nin kaalagaan no mismo na yabay lugal o mismon pinangubatan ya pamelya." ⁵⁸ Boy ahe yan nanyag malake ya kapa-epapah baydo bana ha ayen helan paniniwala.