¹ Hin panaon nin habayto, ha Al-lo nin Pagpainawa, napadan hi Apo Hesus ha kaw katriguhan. Hay aw-alagad nay nalunuhan boy nagumpisa hilan namutsin baw tagey bayu kinnan la ya habayto. ² Bengat bay hin naikit nin paw Paraseo, hinabi la kuni Apo Hesus, "Hilken mo, ampanyag labag ha kauluhan ya taw tagahuno mo ha Al-lo nin Pagpainaw." ³ Pedu hinabi ni Apo Hesus kol-la, "Agmoyo wadi bay ha nabahay dinyag ni David hin nabitsilan ya boy hatoy kaw kalamo nay law-lalaki? ⁴ No ay emen ya humuwen ha bali nin Apo Diyos ya Nakapanyag bayo kinnan nay tsinapay ya in-atang, hin kinnan nay nin kaw-kalamo na, pedo pada bungat ha paw-pari? ⁵ Boy agmoyo wadi nabaha ha kautusan ya ha Al-lo nin Pagpainawa, ya paw-pari ha timploy ang kabastos lay Al-lon Pagpainawa ⁶ Pedo aghila nin ampagkasala? Pedo habyin ko komoya hatoy atsi baydi ay mas matag-ay et kisa ha templo ⁷ No tanda moyo bengat dayi hatsi, 'ya labay habyin hay labay ko ay ingalo alwan a-tang', agmoyo dayi ni inutulan ya ayin kahalanan. ⁸ Ta hay Anak nin Tawo ay Panginoon paminghan." ⁹ Pamakayadi, nag-ali he Apo Hesus ubat baydo boy pumahok ha saw sinagoga la. ¹⁰ Helken hatsi , main mihay lalake ya paralitiko ya gamet. Namastang ya paw-Pareseo kuni Apo Hesus, bago hinabi, ''Pwede kaya ha kautusan mamahampat ha Al-lo nin Pagpainawa?'' Emen hiya nin mabadaan nin nangadawak. ¹¹ Hinabi ni Apo Hesus kunla, "Hino kaya komoyo, ya no main ya nin mimihay tupa, bago habaytoy tupang natata ha lubot ya malale ha Allo nin Pagpainawa ay agya nin iunik ha lubot emen ipaluwa? ¹² Ay emen kaya kaalaga ya mihay tawo kisa ha mihay tupa. Kabay ahe madawak ya mandyag ha kautuhan ya mandyag nin mahampat na Allo nin Pagpainawa." ¹³ Boy hinabi Apo Hesus ha lalaki, "Ipaktang moy gamet mo." impaktan na itaman habay hato, bayo nag-udung ya mahampat bayo paglalawini, kapada nin mihay gamet naet ¹⁴ No-ag inumuwah ya paw Pareseo ta napiupit hilan laban kuna. No ay emen la yan maipapatsi. ¹⁵ Matanam Apo Hesus, naipadayo ya baydo. Malaki ya tawoy kuna, bayo pinahampat hay kaganawan. ¹⁶ Pinaghabyan hila nin aglan balita ha kanayon ya pangkol kona, ¹⁷ Emen nin manyadi ha hinabi ni propeta Isaias na ampaghabi, ¹⁸ Hilken moyo, ya pinili koy ampagsilbi; ya talagan subday an ikatwa nin kaelwa ko, Idin koy Espiritu ko kuna. Boy ibahwag ha haw nay pag okun ha ha Gentil hay ipatanda nay pag ukom ¹⁹ Agna ipilit o mang-angaw nin makhaw, maski hino man ayin makalenge boses na ha dawdanan. ²⁰ Agna tukihin hinuman ya tambo ya nangadupok; agna simpidi padiin maski hinoy an umahok ya pabilo, angga nin makalga hay pag-ukom ha pagkanulo. ²¹ Boy haw Gentil ay magkamain nin paniniwala ha ngalan na." ²² Pamakayadi main nin kinalgay tawag buwag boy pipi ya anhapatan demonyo kuni Apo Hesus. Pinahampat na hila kaya hay lalaki an nakapaghabi boy nakakit. ²³ Hay kaganawan ya malake ya tawo ay nakaipapa, boy hinabi, "Habaytsi yana wadi Ana ya lalaki ya anak ni David?" ²⁴ Hin Malake nin paw Pareseo habaytsi ya kaw-kapapaepah hinabi la, "Habaytsi ya tawo ay agyan makapaali nin demonyo no alwan bana kuni Beelzebul, ya prinsepe nin daw demonyo." ²⁵ Noag natandaan ni Apo Hesus ya atsi ha ihip la boy hinabi la kunla, "Ya bawat kaadi ya angka ay naatag-atag laban ha sadih na et ya naatag kalelean na, boy bawat mahlay ya banwa o bali ya naatag-atag laban ha sadili ay manignil, ha sadili na. ²⁶ No impatapulag ni Satanas hi Satanas, hiya ay naatag-atag laban ha sadili et. Ay emen et manugel ya kaadian na? ²⁷ Boy no hiko ay ampakapaypataplag nin daw demonyo bana kuni Beelzebul, ta ato moyon ha taw taga huno moyo no ampakaitapulag hila nin daw demonyo? Bana baydi, hilay madyag moyon aw ukom. ²⁸ Noag no ampakapag paitapulag konin daw demonyo bana ha Espitu nin Diyos, labay tutulin ya kaadian nin Apo Diyos ya nakapanyagay nilumateng ana komoyo. ²⁹ Ay emen mapahok nin hiniman ya mihay bali nin makhaw ya tawo boy limidin ya adi-adian na no aypon igapon ya makhaw ya tawo? Bayo nan limidam ya adi-adian ha bali na. ³⁰ No hino man ya alawan kon kalamo ay yabay ya kontra kongko, boy no hinoman ya agko kalamo ha pinapon ay ampangiwada. ³¹ Kabay anhabyin ko komoyo, hay kaganawan ni kadawakan kaayinan-galan ha tawo ay mapatawad et. Pedo hay kaganawan nin kaayinan-galan ha Espiritu ay ahe a nan mapatawad. ³² Hino man ya maghabi nin laban ha Anak nin tawo , ay mapatawad et. Noag no hinoman maghabi laban ha Banal ya Espiritu, agyayna nin mapatawad, maski baydi ha mundo o maski ha panlumateng. ³³ No mahampat ya poon tagey nin habaytsi ay mahampat, no hay poon ay narawak hay tagey habaytsi ay narawak et, kabay mabalayan ya paw poon ha taw-tagey habaytsi. ³⁴ Hikaw ya aw anak nin-lupong, bana ta hikaw ay mangadawak, ay emen kaw et makapaghabe nin maw mangahampat ya kinakanayon? Kabay no hinoy laman nin buke ay hiyaý angkahabi nin bebey. ³⁵ Hay mahampat ya tawo ubat ha mahampat ya kamamain nin buke na ay ampag-awalnan nin mahampat boy hay madawak ya tawo ya main madawak ya kamamain ha buke na ay ampangi awah nin madawak . ³⁶ Boy anhabyin ko komoyo ha allo nin pag-ukom, hay taw-tawoy maparusawan ha kada habi lan ambuhanan ya ayin nin pukat. ³⁷ Kabay ha habi moyo hika ay ahi mapadusawan, boy na haw habi moyo hika ay mapaidapan." ³⁸ Boy tinumbay kunayon ya aw eskriba boy Pareseo koni Apo Hesus boy hinabi, "Manudo , labay naen dayi naiikit ya patudu ya ubat komo," ³⁹ Pedo tinumbay hi Apo Hesus hinabi kunla, "Mihay madawak boy mamikiahawa ha main nin ahawa ya pinangubatan hay ampanikap patudu pedo ayin indin kuna no alway patudu ni propeta Jonas. ⁴⁰ Noag emen koni Jonas ya ati ha bitukan malhay ya kena nin tatloy allo boy tatloy yabi, umbaydo simpidi ya Anak Tawo ha luta nin tatloy allo boy tatloy yabi. ⁴¹ Hay taw tawo na Ninive mipam-miding pag-ukom pinangubatan nin habaytsi boy paidapan ya. Habaytsi kabay hila ay naghehe ha panunudu ni Jonas, boy helken moyo hatoy atsi bayde ay mas igit et koni Jonas. ⁴² Hay Reyna nin Timog ay medeng ha pag-ukom kalamo nin taw tawon inapopo nin habaytsi boy hatsi paidapan. Ubat ha doyon nin lugal ay tinala ha emen nin leng-en ya matag-ay ya katandaan ni Solomon, boy helken moyo, mas igit et koy Solomon ya atsi baydi. ⁴³ No hay mihay madawak ya Espiritu ay nag-ali ha mihay tawo, magdaan hiya ha lugal ya ayin nin lanem, boy manikap hiya nin mapag-inghanan, noag agna matsikap. ⁴⁴ Boy habaytsi ya habyin na, 'Mag-udong ko ha datsi kon bali no ato aydi kon ubat nin maka odong ana.' Hay baliy, nakit nay malinis boy maayos. ⁴⁵ Mag-ali hiya boy mangilamo et nin pitoy espirituy mas madawak kisa et kona boy kaganawan hilay humwen nin paidi baydo. Boy hay mag-in lakagayan nin habaytoy tawo hay egit madawak et kisa datsi. Emen nin maw manga dawak aw inapopo et." ⁴⁶ Hen ampaghabi et hi Apo Hesus ha malake ya tawo, helken moyoy hatsi hay Indo na boy pawpatel nakaideng ha kahangawan, antsikapen ya emen nin pagkahabi. ⁴⁷ Man nin naghabi kona "Hilken mo hay indo boy kawkaputo mon lalaki ay naideng ha kahangan, antsikapen ka emen nin makahabi ka" ⁴⁸ Noag tinumbay hi Apo Hesus hinabi na konla, "Hinoy indo ko? boy hinoy ya pawpatel ko?" ⁴⁹ Pamakayadi impaktang hay gamit na ha taw taga hunol na boy hinabi , "Helken moyo, atsi baydo ya indo ko boy paw patel ko! ⁵⁰ Ta haynoman ampandyag ay ampandyag nin kawkalabayan bapa ko atsi baydi nin kawkalabayan bapa ko atsi ha langit, habaytoy tawoy ka patel ko boy indo ko."