¹ Dinumani ya paw Pareseo boy Saduseo ta sinubukan kuni la hi Hesus biha ampamastang hila nin mihay palatandaan ya ubat ha langit. ² Noag tinumbay na hila, "Panlumateng nin yabi, anhabyen moyo. 'Mag-in maganday panaon, ta naudit boy nahawang ya langit,' ta biha makogpaw ya deem. tanda moyon dyanan kaulugan ya hewang ha langit.' ³ Biha habyen moyo ha mahambak ahe mahampat ya panaon, hapaeg kabay hay langit ay naudit boy madeem.' Ahe moyo nung pangnun madyanan nin kaulugan ya langit, noag ahe moyon ma dyanan kaulugan ya paw patudo nin panaon. ⁴ Ampanikap nin patudoya hatoy nadawak ha ihip boy mawmamillakhip ya aw alalak, noag ayin kaatag ya patudo anluwan emen ha patudo ni Jonas." Pamakayadi nilakwanan hila ni Apo Hesus boy nag-ali. ⁵ Naglako ya taw tagahunol na ha kapakan lugal, nuag naliwawan lay mantan ning bawon ya tsinal. ⁶ Hinabi ni Hesus kunla, "Pakaihipen moyo boy pakahampat kaw ha lebadura nin pawv Pareseo boy Saduseo." ⁷ Nagbaran-an ta taw tagahunol ha biha hinabi la ha sadili la biha hinabi la, "Bana ta ayin kitamon kalgay tsinapay." ⁸ Tanda ya habayto ni Apo Hesus kabay hinabi, "Hikaw ya aw uybon pantototompil hapay ampagdahilan kaw nin ahe kaw nakagetan nin tsinapay? ⁹ Ta ahe moyo et nin angkaipimolah o angkaihipan ya hatoy limay tsinapay ay para na limay libo boy ommoy bakol hin tsinapay ya natsipon moyo? ¹⁰ O hatoy pitoy bakol nin tsinapay ay para ha apat ya libo ta ommoy bakol nin tsinapay ya nachipon moyo? ¹¹ Pamno moyong ahe angkainchindihan ya agkong bungat ang paghabi komoyo bana na tsinapay? "pakaihipen moyo biha maginlag kaw ha lebadura hin paw Pareseo boy Saduseo." ¹² Pamakayadi naghabi ni Hesus napimulah la ya alwan bungat mag-inlag ha lebadura nin tsinapay no alwan ta emen mag-inlag hila ha an itodo nin Pareseo boy Saduseo ¹³ Hapaeg, hen nilumateng hi Hesus ha kaatag lugal nin Cesarea ha Filipos, pinastang nay taw tagahunol na, "Hinoy anhabyin nin taw tawo patungkol ha anak nin tawo?" ¹⁴ Hinabi la, "Ya anhabyin ni kaatag hi Juan ya mamawtismo; hinabi et nin kaatag ya, hika hi Elias; boy hatoy kaatag, ay hika hi Jeremias, o hika ha paw propeta." ¹⁵ Hinabi la kol-la "Noag hinoy anhabyin moyo patongkol nu hino ko?" ¹⁶ Tinumbay hi Simon Pedro ta hinabi na kona ya, "Hikay kristo, ya Anak nin Apo Nakapanyag." ¹⁷ Tinumbay hi Hesus biha hinabi kona, "Makalma ka, Simon Bar Jonas, alwan hinabi komoyo ha laman boy daya nu alwan ubat ha Bapa moyoy atsi ha langit. ¹⁸ Anhabyin ko komoyo ya hika hi Pedro boy na babon habaytsi ya bato ipaideng koy himbaan ko. Ya Pulta nin hades ay ahe makaigit bayde. ¹⁹ Idin ko komo ya susi nin kaadian nin langit. No hinoman ya gapuhen baydi ha luta ay gapuhen et ha langit, biha ninoman ya gapuhen baydi ha luta ay gapuhen et ha langit, biha ninoman ya ukelen ha luta ay ukelen et ha langit." ²⁰ Biha hinabi ni Hesus kol-la ya paan lan ibahwag ya taw tawo ya hi kristo. ²¹ Hen habayto et ya oras indugi naynan anhabyin ni Hesus ha taw tagahunol na ya kailangan han maglako ha Jerusalem, paidapan ya gaw gamet ya maw matuawen boy mangatag-ay ya paw padi biha eskriba patsin la ya noag mabiyay ya panlumaba tatloy al-lo. ²² Pamakayadi ay ginuloy ya hi Pedro ha ala biha pinaghabiyan ya , "Maidayo dayi komoy hatsi, Apo haen, paan dayi mangyadi komo ya habain." ²³ Noag inumadap hi Hesus kuni Pedro biha hinabi na, "Dumayo ka kongko, satanas! Abala ka kongko ta ayen ka hin pamiki emen Apo Nakapanyag nu alwa bengat nigkahinoman tungkol ha tawo." ²⁴ Pangayari hinabi ni Hesus ha taw taga hunol na, "Nu hino man malabay humunol kongko, ay paan nang hunulen malabay humunol ya sarili na, happwaten nay kuros na biha hununo kongko. ²⁵ Ta nu hinoman ya malabay yay mailigtas yay biyay na ay maayinan biyay boy nu hinoy maayinan biyay bana kongko ay matsikapan nay habaytsi. ²⁶ Hinoy mapala nin mihay tawo, maskin mapag-ikon ya kaganawan ha mundo noag kapalit nin biyay na? Hinoy naigwa nin tawo kapalit nin biyay na? ²⁷ Bana ya Anak nin Tawo ay lumateng ha kalwalhatian ni Apo Nakapanyag kalamo nin aw angel. Pamakayadi, dyanan nay taw tawo doha daw dinyag la. ²⁸ Kapetegan ya anhabyen ko komoyo, main kaatag komoyo ya naw nakaedeng baydi ay alwan makatanam nin kamatsiyan angga ha maikit lay Anak nin tawo ya anlumateng ha kaadihan na."