¹ Ao pasar Xesús, viu un home que nacera cego. ² Os seus discípulos preguntáronlle, dicindo: Rabí, quen pecou, este ou os seus pais, para que nacera cego? ³ Xesús respondeu: Nen este pecou nen os seus pais; senón que está cego para que as obras de Deus se manifesten nel. ⁴ Nós debemos facer as obras do que me enviou, mentres é de día; ven a noite cando ninguén pode traballar. ⁵ Mentres estou no mundo, eu son a luz do mundo. ⁶ Logo de dicir isto, cuspiu en terra e fixo lama co cuspe e untoulle os ollos coa lama, ⁷ e díxolle: Vaite lavar no tanque de Siloé ( que significa, Enviado). El foi e lavouse, e voltou vendo. ⁸ Entón os veciños e os que antes viran que era un mendigo, dicían: Non era este o que se sentaba e mendigaba? Uns dicían: El é; e ⁹ outros dicían: Non, pero parécese a el. El dicía: Son eu ¹⁰ Entón dicíanlle: como che abriron os ollos? ¹¹ El respondeu: O home que se chama Xesús fixo lama, untouna nos meus ollos e díxome: Vai ao Siloé e lávate. Así fun, laveime e recibín a vista. ¹² E dixéronlle: Onde está el. El dixo: Non o sei. ¹³ Levaron ante os fariseos o que fora cego. ¹⁴ E era día de repouso o día en que Xesús fixo a lama e lle abriu os ollos. ¹⁵ Entón os fariseos volvéronlle preguntar como recebera a vista. El díxolles: Púxome lama nos ollos, laveime e vexo. ¹⁶ Por iso algúns dos fariseos dicían: Este home non vén de Deus porque non garda o día de repouso. Pero outros dicían: Como pode un home pecador facer estes sinais? E había división entre eles. ¹⁷ Entón dixeron outra vez ao cego: Que dis ti del, pois abriuche os ollos? El dixo: É un profeta. ¹⁸ Entón os xudeus non creron que fora cego, e que recibira a vista, ata que chamaron os seus pais do que recebera a vista. ¹⁹ e preguntáronlle dicindo: É este o voso fillo, o que vós dicides que naceu cego? Como é que agora ve? ²⁰ Os seus pais respondéronlles e dixeron: Sabemos que este é o noso fillo e naceu cego; ²¹ pero como é que agora ve, non o sabemos; ou quen lle abriu os ollos, non o sabemos. Preguntádelle a el; idade ten dabondo e falará por si mesmo. ²² Os seus pais dixeron isto porque tiñan medo aos xudeus, porque os xudeus xa acordaran que se algún confesaba que Xesús era o Cristo, fose expulsado da sinagoga. ²³ Por iso os pais dixeron: Idade ten, preguntádelle a el. ²⁴ Por segunda vez chamaron ao home fora cego e dixéronlle: Da gloria a Deus; nós sabemos que este home é un pecador. ²⁵ Entón el contestoulles: Se é pecador, non o sei; unha cousa sei: que eu era cego e agora vexo. ²⁶ Dixéronlle: Que che fixo? Como che abriu os ollos? ²⁷ El contestoulles: Xa volo dixen e non ouvistes. Por que queredes ouvilo outra vez? E que tamén vós queredes ser dos seus discípulos? ²⁸ Entón insultárono e dixéronlle: Ti es dicípulo dese home; pero nós somos discípulos de Moisés. ²⁹ Nós sabemos que Deus falou a Moisés, pero sobre este, non sabemos de onde é. ²⁸ Entón insultárono e dixéronlle: Ti es dicípulo dese home; pero nós somos discípulos de Moisés. ²⁹ Nós sabemos que Deus falou a Moisés, pero sobre este, non sabemos de onde é. ³⁰ Respondeu o home e díxolles: Pois nisto hai algo portentoso: que vós non saibades de onde é, e porén, abriume os ollos. ³¹ Sabemos que Deus non hoube os pecadores; pero se alguén teme a Deus e fai a súa vontade, a este ouve. ³² Dende o principio da creación nunca se ouvira dicir que alguén abrira os ollos a un cego de nacemento. ³³ Se este non viñera de Deus, nada podería facer. ³⁴ Respondendo eles dixéronlle: Naciches todo ti en pecados, e ti nos ensinas, a nós? E botárono fora. ³⁵ Ouviu Xesús que o botaran fora, e topándoo, díxolle: Cres ti no Fillo do Home? ³⁶ Respondeulle e dixo: E quen é, Señor, para que eu crea nel? ³⁷ Díxolle Xesús: Pois ti víchelo, e o que está a falar contigo, ese é. ³⁸ Entón el dixo: Creo, Señor. E adorouno. ³⁹ E dixo Xesús: Eu viñen a este mundo para xuízo, para os que non ven, vexan, e para os que ven, ceguen. ⁴⁰ Algúns dos fariseos que estaban con el ouviron isto e dixéronlle: E logo, nós tamén somos cegos? ⁴¹ Díxolles Xesús: Se fórades cegos non teríades pecado; pero porque dicides " Vemos", o voso pecado permanece.