¹ مَیں وہ آدمی ہُوں جِس نے اُس دُکھ کو دیکھا ہَے۔ جو اُس کے غضب کی چَھڑی کے سبب سے ہُؤاہَے۔ ² اُس نے مُجھے لے جا کرتارِیکی میں پُہنچایا۔ نہ کہ نُور میں۔ ³ وہ دِن بھراپنا ہاتھ ۔ میرے خلاف بڑھاتا رہا ہَے۔ ب ⁴ اُس نے میرے گوشت اَور چمڑے کو خُشک کر دِیا ہَے۔ اَور میری ہَڈّیوں کو توڑ ڈالا ہَے۔ ⁵ اُس نے میرے اِرد گِرد دِیوار تعمیر کی ہَے۔ اَور تلخی اَور مُشقّت سے مُجھے گھیر لِیا ہَے۔ ⁶ اُس نے مُدّت کے مُردوں کی مانند۔ مُجھے تارِیک مقاموں میں بسایا ہَے۔ ج ⁷ اُس نے میرے گِرد دِیوار بنائی ہَے تاکہ مَیں باہر نہ نِکل سکُوں۔ اُس نے میری زنجیروں کو بھاری کر دِیا ہَے۔ ⁸ اگرچہ مَیں چِلاّ چِلاّ کر فریاد کرتا ہُوں۔ تاہم وہ میری دُعا سُننے سے مُنکر ہَوا ہَے۔ ⁹ اُس نے تراشے ہُوئے پتّھروں سے میری راہوں کو بندکردِیا ہَے۔ اُس نے میرے رستوں کو ٹیڑھا کر دیا۔ د ¹⁰ وہ میرے لئے گویا رِیچھ ہے جو گھات مَیں ہو۔ اَور شیر کی مانند ہَے جو پوشیدہ جگہ میں ہو۔ ¹¹ اُس نے میری راہوں کو خمیدہ کر دِیا ہَے۔ اُس نے مُجھے چُور چُورکر دِیا ہَےاَور وِیران کر دِیا ہَے۔ ¹² اُس نے اپنی کمان کھینچی ہَے۔ اَور مجھے تِیر کا نِشانہ بنادِیا۔ ہ ¹³ اُس نے اپنی تَرکش کے فرزندوں سے۔ میرے گُردوں کو چھید ڈالاہَے۔ ¹⁴ مَیں تمام قوموں کے آگے قابِل تمسخُر۔ اَور اُن کا دِن بھرکا گانا بجانا ٹھہرا ہُوں۔ اُس نے مجھے تلخ پودوں سے سیر کیا ہَے۔ ¹⁵ اَور مُجھے کرواہٹ سے مَدہوش کر دِیا ہَے۔ ¹⁶ اُس نے سنگ رِیزوں سے میرے دانت توڑے ہَیں۔ اَور راکھ میں مُجھے لَوٹنے دِیا ہَے۔ ¹⁷ " تُو نے میری جان کو سلامتی سے دُور کر دِیا ہَے۔ مَیں خوشحالی کو بھُول گیا۔ ¹⁸ اَور مَیں نے کہا میری توانائی۔ اَور میری اُمّید خُداوند سے جاتی رہی ہَے۔" ¹⁹ تُو میری مُصیبت اَور آوارگی۔ اَور کڑواہٹ اَور تلخی کو یاد کر۔ ²⁰ میری جان انہیں بِلا ناغہ یاد کرتی ہَے۔ اَور مُجھ میں غش کھاتی ہَے۔ ²¹ مَیں اِس بات پر دِل میں سوچُوں گا۔ اَور اِسی سبب سے مَیں اُمّید وار ہُوں۔ ²² خُداوند کی مہربانیاں موقُوف نہیں ہُوئیں۔ اَور اُس کی رحمتیں زائل نہیں ہُوئیں۔ ²³ وہ ہر صُبح تازہ ہوتی ہَیں۔ تیری وفاداری عظیم ہَے۔ ²⁴ میری جان کہتی ہَے کہ خُداوند میرا بخرہ ہَے۔ اِس لئے مَیں اُسی پر اُمید رکھّا کرُوں گا۔ ²⁵ خُداوند اُن کے لیے بھلا ہَے جو اُس کا اِنتظار کرتے ہَیں۔ اَور اُس جان کے لیے بھی جو اُس کی طالب ہو۔ ²⁶ یہ اچھّا ہَے کہ خاموشی میں ۔ خُداوند کی نجات کا اِنتظار کِیا جائے ۔ ²⁷ آدمی کے لیے یہ اچھّا ہَے۔ کہ لڑکپن ہی سے جُوا اٹھائے۔ ی ²⁸ وہ اکیلا بیٹھے اَور چُپ رہے۔ جب اُسی نے جُوئے کو اُس پر رکھّا ہَے۔ ²⁹ وہ اپنا مُنہ فرش تک جھُکائے رکھّے۔ شاید کُچھ امُیّد باقی ہو۔ ³⁰ اپنا گال اپنے طمانچہ مارنے والے کی طرف پھیردے۔ وہ ملامت سے سیر ہو۔ ک ³¹ کیونکہ خُداوند۔ اُسے ہمیشہ کے لئے ترک نہ کرے گا۔ ³² اَور اگرچہ دُکھ دے۔ تاہم اپنی رحمت کی کثرت کے مُطابق رحم کرے گا۔ ³³ کیونکہ اُس کے دِل میں یہ نہیں۔ کہ بنی نوع اِنسان کو دُکھ اَور رنج دے۔ ³⁴ اگر زمین کے تمام قیدی۔ قدموں کے نیچے پِیسے جائیں ۔ ³⁵ یاحَق تعالیٰ کے حضَور اِنسان کا حَق بدل دِیا جائے۔ ³⁶ یا اِنسان کو اُس کے مُقّدمے میں الُٹا دِیا جائے۔ تو کیا خُداوند نہیں دیکھتا؟ ³⁷ اگر خُداوند نہ فرمائے۔ تو کون ہَے جِس کے کہنے کے مُطابِق ہو۔ ³⁸ کیا بُرائی اَور بھلائی دونوں۔ حَق تعالٰی کے مُنہ سے نہیں نکِلتیں ؟ ³⁹ پس باوُجود اپنے گُناہوں کے۔ اِنسان جِیتے کی کیوں کُڑ کُڑائے۔ ⁴⁰ آؤ ہم اپنی راہوں کو پرکھیں اَور آزمائیں۔ اَور خُداوند کی طرف رجَوع کریں۔ ⁴¹ ہم خُداوند کی طرف جو آسمان میں ہَے۔ اپنا دِل اَور ہاتھ اُٹھائیں۔ ⁴² ہم نے خطا اَور بغاوت کی ہَے۔ تو تُو نے مُعاف نہیں کِیا۔ س ⁴³ اپنے غضب میں چھُپ کر تُو نے ہمیں رگیدا ہَے۔ تُو نے قتل کِیا اَور رحم نہیں کِیا ہَے۔ ⁴⁴ تُو نے اپنے آپ کو بادِل سے ڈھانپا ہَے۔ تاکہ ہماری دُعا تُجھ تک نہ پہُنچ سکے۔ ⁴⁵ تُونے ہمیں قوموں کے درمیان مَیل اَور نجاست بنا دِیا ہَے۔ ف ⁴⁶ ہمارے تمام دُشمن۔ ہم پر اپنا مُنہ پسارتے ہیں۔ ⁴⁷ خوف اَور گڑھا۔ اَور وِیرانی اَور تباہی پر نازِل ہُوئیں۔ ⁴⁸ میری دُختر قوم کی تباہی کے باعث میری آنکھوں سے ندیاں بہہ رہی ہیں۔ ع ⁴⁹ میری آنکھیں اشکبار ہیں اور تھمتی نہیں۔ اَور انہیں آرام نہیں۔ ⁵⁰ جب تک کہ خُداوند آسمان پر سے۔ نظر کر کے نہ دیکھے۔ ⁵¹ میرے شہر کی تمام بیٹیوں کے سبب میری آنکھ میرے غم کا باعث ہے۔ ص ⁵² جوبے سبب میرے دُشمن تھے۔ وہ پرندے کی مانند میرا شِکار کرتے تھے۔ ⁵³ اُنہوں نے گڑھے میں مِیری زِندگی کو مَٹاڈالا ہَے۔ ⁵⁴ ۔ بلکہ مُجھ پر پتّھر بھی پھینکے ہیں۔ سیلاب میرے سر پر سے گزرتا گیا۔ تو مَیں نے کہا کہ " میں ہلاک ہُؤا۔" ⁵⁵ اَے خُداوند مَیں نے تیرے نام کو۔ گڑھے کی تہہ سے پُکارا۔ ⁵⁶ تُو نے میری آواز سُنی۔ مِیری آہ و فریاد سے اپنا کان نہ چھُپا۔ ⁵⁷ جِس دِن مَیں نے تُجھے پُکارا تُو نزدِیک آیا۔ اور کہا کہ نہ ڈر۔ ⁵⁸ اَے خُداوند تُو میرے مُقدّمے کے لیے جھگڑتا رہا ہَے۔ تُو نے میری زِندگی کو چھُڑایا ہَے۔ ⁵⁹ اَے خُداوند تُو نے میری مظلُومی کو دیکھا ہَے۔ تُو میرے مُقدّمے کا فیصلہ کر۔ ⁶⁰ تُو نے اُن کے پُورے اِنتقام۔ اَور میرے خلاف اُن کے منصُوبوں کو دیکھا ہَے۔ س ⁶¹ اَے خُداوند تُو نے اُن کی طعنہ زنی۔ اَور میرے خلاف اُن کے منصُوبوں کو سُنا ہَے۔ ⁶² بلکہ میرا سامنا کرنے والوں کے مُنہ کی باتوں۔ اَور میرے خلاف اُن کی دِن بھر کی مشورتوں کو بھی۔ ⁶³ تُو اُن کا بیٹھنا اَور کھڑا ہونا دیکھ۔ مَیں اُن کا گانا بجانا ٹھہرا ہُوں۔ ⁶⁴ اَے خُداوند اُن کے ہاتھ کے کام کے مُطابق اُنہیں بدلہ دے۔ ⁶⁵ تُو اُن میں دِل کی سختی ڈال۔ تیری لعنت اُن پر نازِل ہو۔ ⁶⁶ اپنے غضب سے اُن کا پیچھاکر۔ اَے خُداوند آسمان کے نیچے سے اُنہیں فنا کر دے۔