¹ َایُّوبؔ ۔ حال کی مصبیت لیکن اَب جو مُجھ سے کم عُمر ہَیں وہ بھی میرا مذا ق اُڑاتےہیں۔ اُن کے باپ دادا کو مَیں اپنے گلّے کے کُتّوں کے ساتھ بٹھانے سے بھی شرم کرتا تھا۔ ² ا ُن کے ہاتھوں کی قوت سے مُجھے کُچھ فائدہ نہیں تھا اَور اُن کی طاقت جاتی رہی تھی۔ ³ اِس لئے کہ مُحتاجی اَور بُھوک نے اُنہیں دُبلا کر دیا تھا۔ وہ بیابان میں اَور قدیم وِیرانے میں آوارہ تھے۔ ⁴ وہ جھاڑی کے درمیان سے نمکین گھاس اُکھاڑتے تھے اَور رَتمہ کی جڑیں اُن کی خوُراک ہوتی تھیں۔ ⁵ وہ آدمیوں کے درمیان سے نِکالے جاتے تھے لوگ اُن کے پیچھے ایسے چِلّاتے تھے جیسے چور کے پیچھے۔ ⁶ اَور وہ دُشوار وادیوں میں اَور زمین کے غاروں میں چٹانوں کے درمیان رہنے لگے۔ ⁷ وہ جھاڑیوں کے درمیان رِینگنے اَورکانٹوں کے نیچے جمع ہوتے تھے۔ ⁸ وہ بے وقُوفوں کی اولاد اَور وہ مُلک سے مار مار کر نِکالے گئے۔ ⁹ لیکن اَب مَیں اُن کا گیت بن گیا ہُوں۔ مَیں اُن کے لئے مذاق ہُوں۔ ¹⁰ وہ مُجھ سے نفرت کر کے مجھ سے الگ کھڑے ہوتے ہَیں اَور میرے مُنہ پر تُھوکنے سے باز نہیں رہتے۔ ¹¹ جب اُس نے میری کمان کو کمزور کر کے مُجھے ذلیل کر دِیا ہے۔ اِس لئے وہ میرے سامنے بے لگام ہو گئے ہیں۔ ¹² میرے دہنے ہاتھ پر لوگوں کا ہجُوم اُٹھتا ہے۔ وہ میرے پاؤں کو دھکیلتے ہیں اَور ہلاکت کے رستے میرے لئے تیاّر کرتے ہَیں۔ ¹³ وہ میری ہلاکت کے لئے میرے رستے کو بِگاڑتے ہیں۔ اَور جن کا کوئی مدد گار نہیں میری ہلاکت پر مائل ہوتے ہیں۔ ¹⁴ گویا کہ وہ وسیع چھیدسے داخِل ہوتے ہیں۔وہ ایک فوج کی طرح شہر کی دیوار کے سوراخ سے آتے ہیں۔ اَور تباہی کے دوران مُجھ پر گرتے ہیں۔ ¹⁵ مجھ پر پے در پے ہشت آپڑی ہیں۔ اَور تُند ہُوا کی طرح میری عِزّت اُڑ گئی ہے۔ اَور میری خُوش حالی بادل کی مانند جاتی رہی ۔ ¹⁶ اَب میری جان مُجھ میں پِگھلی جاتی ہے۔ اَور مُصیبت کے ایّام نے مُجھے پکڑ لِیا ہے۔ ¹⁷ رات کو میری ہَڈّیاں چھیدی جاتی ہیں۔ اَور وہ درد جو مُجھے کھائے جاتے ہیں دم نہیں لیتے۔ ¹⁸ دُکھّ کی شِدّت سے میرا لباس بدنُما ہو گیا ہے۔ اَور اُس نے مُجھے پیراہن کی طرح گھیر لیِا ہے۔ ¹⁹ اُس نے مُجھے کیچڑ میں دھکیل دیا ہے اَور مَیں مِٹّی اَور راکھ کی مانند ہو گیا ہُوں۔ ²⁰ مَیں تُجھ سے فریاد کرتا ہُوں اَور تُو جَواب نہیں دیتا۔ مَیں تیرے آگے کھڑا ہوتا ہُوں۔ اَور تُوپرواہ نہیں کرتا۔ ²¹ تُو میرا بے رحم دشمن ہو گیاہے۔ اَور اپنے ہاتھ کی قوت سے مُجھے دکھ دیتا ہے ۔ ²² تُو مُجھے اُوپر اُٹھا کر ہَوا پر سَوار کرتا ہے اَور مُجھے طوُفان میں جھونکتا ہے۔ ²³ یقیناً مَیں جانتا ہُوں کہ تُو مُجھے مَوت تک پُہنچا دے گا۔ اُس گھر تک جو ہر ایک زندہ کے لئے مُقرّر کِیا گیا ہے۔ ²⁴ کیا ہلاک ہونے والا اپنا ہاتھ نہیں بڑھاتا۔ کیا تباہ ہونے والا نہیں چِلّاتا؟۔ ²⁵ کیا مَیں اُس کے لئے نہیں رویا جِس کی مُصیِبت کا دِن تھا۔ کیا مِسکین کے لئے میری جان غمگین نہ ہُوئی؟۔ ²⁶ جب مَیں نے نیکی کی اُمّید کی تو بَدی مُجھ پر آئی۔ جب مَیں نے روشنی کا اِنتظار کِیا تو تارِیکی مُجھ پر آپڑی۔ ²⁷ میرا دِل بے چین ہے اور آرام نہیں پاتا اَور مُصیِبت کے دِن مُجھ پر آ چڑھے ہَیں۔ ²⁸ مَیں سِیاہ ہو کر چلتا ہُوں گو دُھوپ سے نہیں۔ مَیں جماعت میں کھڑا ہو کر فریاد کرتا ہُوں۔ ²⁹ مَیں گیدڑوں کا بھائی اَور شُترمرغوں کا ساتھی ہُؤا ہُوں۔ ³⁰ میری کھال مُجھ پر سِیاہ ہو کر گِرتی جاتی ہے۔ اَور میری ہَڈّیاں گرمی سے جَل گئی ہیں۔ ³¹ میری بربط ماتم کرنے اَور میری بانسری رونے والوں کی آواز کےلئے ہے۔