¹ اَیُّوبؔ (اَوراَیُّوبؔ پِھر اپنی تمِثیل کی طرف لَوٹا اَور کہا کہ )۔ ² زِندہ خُدا کی قسم جس نے میرے اِنصاف کو روکا ہے۔ اَور قادرِمُطلِق کی جس نے میرا حق چھین لیا ہے۔ ³ جب تک میری جان مُجھ میں ہے اَور خُدا کا دَم میرے نتھنوں میں ہے۔ ⁴ میرے ہونٹ ہر گز جُھوٹ کی بات نہ بولیں گے اَور نہ میری زُبان فریب کی بات کرے گی۔ ⁵ خُدا نہ کرے کہ میں تمہیں راست ٹھہراؤں۔ مَرتے دَم تک بھی مَیں اپنی دِیانت کونہ چھوڑُوں گا۔ ⁶ میں اپنی صداقت کو تھامے ہُوئے ہُوں اَور مَیں اِسے نہ چھوُڑوں گا۔ اَور میری زِندگی کے کِسی دِن بھی میرا دِل مُجھے ملامت نہ کرے گا۔ ⁷ پس میرا دُشمن بَدکار کی مِثل اَور میرا مُخالف شریر کی مانند ہو۔ ⁸ کیونکہ بے دِین کی اُمّید کیا ہے جب وہ دُعا کرتا ہے اَور اپنی رُوح کو خُدا کی طرف رجُوع کراتا ہے۔ ⁹ جب اُس پر آفت آپڑے تو کیا خُدا ُس کی فریاد سُنے گا؟ ¹⁰ کیا وہ قادرِ مُطلِق سے خُوش ہو گا۔ اَور تمام وقت خُدا کو پُکارے گا؟ ¹¹ مَیں خُدا کے برتاؤ کی تمہیں تعلیم دُوں گا۔ اَور جو کُچھ قادرِ مُطلِق کے پاس ہے میں نہ چُھپاؤں گا۔ ¹² بے شک تُم سب نے خُود دیکھا ہے۔ پھر کِس لئے بے سبب باطِل باتیں کرتے ہو۔ ¹³ ضوفر کی تیسری تقریر شریر کا حِصّہ خُدا کے نزدِیک یہی ہے۔ جو وہ قادرِ مُطلِق کی طرف سے پاتے ہیں۔ ¹⁴ اگر اُس کے بچّے بُہت ہیں تو تلوار کےلئے ہیں۔ اَور اُس کی اولاد روٹی سے سیر نہ ہوگی۔ ¹⁵ اور اُس کے باقی لوگ مرَ کر دفن ہوں گے۔ اَور اُس کی بیوائیں اُس پر نہ روئیں گی۔ ¹⁶ اگر وہ مٹِّی کی طرح چاندی کا ڈھیر لگائے۔ اَور گارے کی طرح کپڑے تیار کرے۔ ¹⁷ وہ بے شک تیاّر کرے۔ مگر صادِق اُسے پہنے گا۔ اَور بے گُناہ اُس کی چاندی بانٹ لے گا۔ ¹⁸ اُس نے مکڑی کی مانند اپنا گھر بنایا ہے۔ اَور اُس جھونپڑی کی طرح جِسے پاسبان کھڑی کرتا ہے۔ ¹⁹ دولت مند جب سوئے گا اپنے ساتھ کُچھ نہ لے جائے گا۔ وہ آنکھیں کھولے گا اَور کُچھ نہ پائے گا۔ ²⁰ دہشت اُسے پانی کی طرح پکڑ لیں گی۔ اَور رات کو طوفان اُسے لے جائے گا۔ ²¹ مشرقی ہَوا اُسے اُڑا لے جاتی ہے۔ اَور اُس کی جگہ سے اُسے اُکھاڑ پھینکے گی۔ ²² خُدا اُس پر یہ پھینکے گااَور رحم نہ کرے گا۔ اگر ہو سکتا تو وہ اُس کے ہاتھوں سے بھاگ جاتا۔ ²³ وہ اُس پر تالیاں بجائے گا۔ اَور اُس کی جگہ سے اُسے پُھنکار کر نِکال دے گا۔