¹ اَیوُّؔبؔ کا جواب ّ تب ایوُؔبؔ نے جَواب میں کہا کہ۔ ² تُو نے کمزور کی کیسی مدد کی ہے۔ تُو نے کمزور بازُو کو کیسے سنبھالا ہے۔ ³ تُو نے نادان کو کیوں کر صلاح دی ہے۔ اَور تُو نے کِس قدر عقل مندی ظاہر کی ہے۔ ⁴ تُو نے کِس سے یہ باتیں بیان کی ہیں۔ اَور کِس کی رُوح تُجھ میں سے نِکلی ہے؟ ⁵ مُردوں کی رُوحیں زمین کے نیچے کانپتی ہیں۔ پانی اَور اُس کے رہنے والے خوف زدہ ہیں۔ ⁶ پاتال اُس کے آگے ننِگا ہے۔ اَور اُس کے لئےہلاکت کا کوئی پردہ نہیں۔ ⁷ وہ شِمال کو فضا پر پھیلاتا ہے۔ اَور زمین کو خلا پرلٹکاتا ہے۔ ⁸ وہ پانی کو اپنے بادلوں پر بند کرتا ہے۔ اَور وہ اُن کے وزن سے نہیں پَھٹتے۔ ⁹ وہ چاند کا مُنہ چھُپاتاہے۔ اَور بدلی کو اُس پر بچھاتا ہے۔ ¹⁰ اُس نے پانی کی سطح پر دائرہ کھینچا ہے۔ اَور نُور اَور تارِیکی کی حد ٹھہرائی ہے۔ ¹¹ اُس کی دھمکی کے سبب سے آسمان کے سُتون کانپتے اَور گھبرا جاتےہیں۔ ¹² وہ اپنی طاقت سے سمُندر کو جُنبش دیتا ہے۔ اَور اپنی حِکمَت سے رہؔب کو مارتا ہے۔ ¹³ اُس نے اپنی رُوح سے آسمان کو زِینت دی ہے۔ اُس کے ہاتھ نے بھاگتے ہوئے سانپ کو چھیداہے۔ ¹⁴ دیکھ۔ یہ تو اُس کی راہوں کے کِنارے ہی ہیں۔ اَور ہم اُس کی کیسی دھیمی آواز سُنتے ہیں۔ اُس کی گرج کون سمجھ سکتا ہے؟