¹ Vahinza isyila ilya sumbi, munsi ya Yerusalemu. ² Lwe uYesu akwiha ukufuma muvwato, mwaluvilo ahinza nawo kukwakwe umuntu kufuma ku mbipa uwa mpepo inkandamanu. ³ Umuntu wula ahihalaga ku mbipa. nawumo atangamupumilizya, nakwe kumupinya amanyololo. ⁴ Shima ahakungwaga ni mpingwi na manyololo. ahanyonkolania amanyololo nu kudumulania impingwi. nawumo we ali namaha ukumupumilizya. ⁵ Uvusiku nu musanya ahalindaga ku mbipa na mumagamba, ahakutaga nu kuyivola weka namavwe amahozu. ⁶ Lwe amuvonyi uYesu apatali, ahashimbilila kukwakwe nu kusugamila papipi nawo. ⁷ Ahakuta nkani, ''Ukwanza inkuvombele shoni, Yesu, mwana Mulungu wa ku-mwanya? nkulava mwa Mulungu umwenesho, atahanjinvye ine.'' ⁸ She ahayangaga kukwakwe, ''fuma mwa muntu we mpepo inkandamanu.? ⁹ Ahamuvuzilizya uwene, ''We nanuizina lyaho?'' Uwene ahamwamula ahati, ''Izina lyane ne mphuga, kwe kuti twe vinji.'' ¹⁰ Ahamulambilizya nkani uYesu atahazishimbizye mushigavo shila. ¹¹ Ilelo pali idimilo ipiti ilya nguruve zihalyanga mwigamba , ¹² pe zihamulava ukuti, ''Tutumaje iswe munguruve; mwetwinjilaje.'' ¹³ Ahazyitishizya; Impepo inkandamanu zihinza zyepa nukwinjila munguruvu, inguluve zihashimbila ukwiha muntende mwigamba ukuvala mwa sumbi, kwamile inguruve 2,000 zye zyagwiliye mwa sumbi. ¹⁴ Avene ve vahadimaga inguruve vahashimbila nukuvala ukuzifumusya zyonti zye zivomwilyeb munkaya na muluvazu munsi, pe avantu vahavala ukwenya zye zivomvilwe. ¹⁵ Pe vahinza kwa Yesu vahanya umuntu we amile nimpepo inkandamanu, we ayizuliwe nimpepo ya mpuga, atendime azyaye amenda apozile; ishi pe vahogopa. ¹⁶ Vonti ve venyizye zye zyavomvilwe ku muntuuwa mpepo-inkandamanu vayanzile zyonti nazye zya nguruve. ¹⁷ Pe vahanda ukumulava ukuti ayepaje munkaya yavo. ¹⁸ Ilelo lwe akuzuva mu vwato, umuntu uwa mpepo-inkandamanu ahalava ukuti vajendaje nawo. ¹⁹ Uwene uYesu ahahana ukumwitishizya, loli ahamuvuzya ukuti, ''Jendaga kunyumba yaho na kuvantu vaho uvavuzyaje zye Umwene akuvombela iwe, nashe ukupelera uvwilaiwe.'' ²⁰ Pe uwene ahavala ahavala mu Dekapolisi ukufumusya inongwa impiti zye uYesu amuvombeye, vonti vahasukumila. ²¹ Ilelo lwe uYesu alamvile havili mu vwato kuvala isyila ilinji, impuga yavungine kukwakwe, lye ali kushipuma sha sumbi. ²² Pe woka usongo wa musinagogi izina lyakwe Yayilo ahinza, lwe amwenya uwene, ahagwa muvinama vyakwe. ²³ Ahalambilizya nkani, nukuti, ''Umwana wane umulinduali papipi ukufwa. nkukulava, winze umupalamansye uwene ukuti apolaje ave mupuma.'' ²⁴ Pe ahajenda nawo, impuga impiti yihamulandata nukwimilila mupipi nawo. ²⁵ Ilelo pe pamile umama wumo we ahazwanga ivanda kumaha 12. ²⁶ We ayimvile kuvaganga ve vinji ahataga ivintu vye vyinji vye ali ali navyo, atahapolaga nkandi ukupitilira kuvina. ²⁷ Lye ayivwa inongwa zya Yesu, ahinza kupipi ni mpuga nu kupalamansya amenda gakwe. ²⁸ She ayanzile ukuti, ''Inga ningapalamansya ge menda, kwempolaje.'' ²⁹ Lwe amulema uwene, ukuzwa kwivanda kwalesile, ahayivwa wuyo mumuvili ukuti apozile kumbina yakwe. ³⁰ Uyesu mwaluvilo ahazimanyinsyania ukutiamaha gifile mu muvili wakwe. Ahagalunkana nukwenya nukwenya ku mpuga nukuyanga ukuti, ''Wuwenu alema amenda gane|?'' ³¹ Pe avasundikwa vakwe vahayanga kuwoyo, '' Yenya impuga sheyili niwe, pe ukuyanga ukuti, wuwenu ampalamansya?'' ³² Uyesu ahenyelezya ukuti amanye we avomba zinizi. ³³ Umwantanda, kuzimanyinsyania kuzye zyavovilwe kukwakwe, ahogopa nukutetema. Pe ahanza nukugwada pantanzi pa wuyo nukuyanga iv ya nalolyoti vyonti. ³⁴ Pe ahati, ''Mulindu ulwitiho lwaho lwe lukupozizye. Jenda numutende upolaje kumbina yaho.'' ³⁵ Lwe alikuyanga, vamo avantu vahinza kufuma mu vasongo va sinagogi, nukuyanga, ''Umulindu waho afuye. Shoni she umutamyaje umanyisi havili?'' ³⁶ Lwe uYesu ayivwa amazwi gevahayanga, ahamula kwasongo wa sinagogi, ''Utahogope. Suvila vwelele.'' ³⁷ Atahamwitishizya nawumo umuntu ukumulandata loli we wu Peteri, nu Yakovo, nu Yohani, umukulu wa Yakovo. ³⁸ Vahinza kunyumba ya songo wa sinagogi, pe ahenya avantu vavo vakuzuma ishongo; vahalosyaga nu kuhola sana. ³⁹ Lwe ayinjiye munyumba, ahayanga navo ahati, ''Shoni she musungime havili shoni she mukukuta? Umwana atafuye loli asyupiliye.'' ⁴⁰ Vahamuseha. Nkandi ahavafumya vonti kunzi ahamusenda uyise wa mwana nu nyina na vala ve ali navo wuyo, pe vahala kwe kwali umwana. ⁴¹ Pe ahasenda inyove ya mulindu nukuyanga nawo ukuti, ''Talitha, kumi!'' kwe kuti, ''We halindu, nkukuvuzya, nyamuha.'' ⁴² Mwaluvilo ahalindu hahanyamuha nukujenda (pakuti hali na maha gakupapwa 12). Mwe pe vahatetema nu kusukumila nkani. ⁴³ Uwene ahavahomeleshezya nkani ukuti nawumo we azimanye zinizi. Ishi pe ahavavuzya ukutivamupanje shimo ishakulya alye.