¹ Ahafuma ahavala kunkaya yakwe, pe ava sundikwa vakwe vahamulandata. ² Ilelo lwe nlifisile pasabata, ahavamanyisya musinagogi. Avantu avinji vahamutejelezya pe vahasukumila. Vahati, ''Avyazile kwi ivimanyisyo vinivi?'' ''Njele vuli zinizi zye zipezilwe kukwakwe?'' ''Mafindango vuli ganaga ganaga ge akuvomba ninyove zyakwe?'' ³ Uno te muvinza makwi, umwana wa Maliya umukulu wa Yakovo nu Yosesi nu Yuda nu Simoni? Te vayemba vakwe ve tuli navo panapa?'' Pe vahamuhalalila uYesu. ⁴ Pe uYesu ahavavuzya ahati, ''Umukuvwi atakushindamaga nkani munkaya yakwe, nakuvajenzi vakwe nava munyumba yakwe.'' ⁵ Atali wakuvomba yimo imbomboiyakusukumizya, kuveka vevavinile ve ahavalema inyove vali vansi ahavapozya. ⁶ Pe ahazunguha she vatahamusuvilaga. Pe ahavala mutwaya tonti twetwa zunguliye ahavamanyisya. ⁷ Pe ahavita 12 ahanda ukuvatuma vavili vavili, nukuvapa amaha agakuzipotela impepo inkandamanu, ⁸ ahavalanjizya ukuti vatasende nashimo ishakujenda nasho pidala, yeka ye ndisa-mutahapayaje umukate, nahafuku nazye ndalama mumalamba ginyu- ⁹ Nkandi muzyale insapato, pe mutahazyale inkanzu zivili. ¹⁰ Ahayanga kuvavo, ''lwe mukwinjila munyumba, muhihale mumo mpaka pe muliyepelaga mumo. ¹¹ Nanti inkaya ye yitinza yava poshela nukuvatejelezya imwe, lwe mukufuma muvuzilo uvo, muhakunyunte ulusuto kuvinama vyinyu ukuva lusimishizyo kuvavo.'' ¹² Vahafuma vahajenda ukulumbilila izya lupinduho ku vantu. ¹³ Pe vahapilila impepo inkandamanu inyinji, nukuvapahazya amafuta avavinu avinji vahapolaga. hayanga kwa nyina ahati, ''Indave shonikukwakwe?'' uwene ahati, ''Itwe ilya Yohani Umozyo.'' Mwaluviloahashimbila ukugalushila kwe kwali umwene, ahalava, ahayanga, ''nkwanza iwe umpe, ine shinishi ¹⁴ Umwene u Herodi ahazivwa zinizi, she izina lya Yesu lihinza lyamanyikwa ahinza. Vamo vahayangaga, ''Uyohani umozyi azyusile kuvafwe, we mulandu amaha agamafindango gakjuvombaga mumwakwe.'' ¹⁵ Vamo avinji vahati, ''Angavanga wu Eliya.'' Vope avanji v ahati, ''mukuvwi, we aholine numukuvwi uwa havalilo hahali.'' ¹⁶ Lwe uHerodi ayivuye zinizi ahati, ''Uyohani, we nkamudumula, angavanga azyusile.'' ¹⁷ Pe uHerodi ahatuma avakumulema uYohani pe vahamwigalila mujela pamulandju wa Herodiya ( umuha wamwavo umushi wa Filipi), mulandu uwene amusenzite. ¹⁸ Pe uYohani ahamuvuzya uHerodi, ''Zitakwitishizilwa iwe ukuva nuwaha wamwinyu.'' ¹⁹ Nkandi uHerodiya ahamuhalalila pe ahanzaga ukumugoga uwene, loli ahapotwa, ²⁰ Pakuti uHerodi ahamunyilaga uYohani; amumanyile ukuti muntu mugolosu nu mufinjile, pe ahamusungaga ahinza. ukumutejelezya wuyo kuhamuhalazya nkanki, nashe amutejelezizye nuluseshelo. ²¹ Pe lihinza isiku ilyinza lwe u Herodi ahaseshelelaga impapwa yakwe uwene avasenganizizye ishakulya isha hamazuva avasongo vakwe na valwa vulugu na valongozi ava mu-Galileya. ²² Umwana umulindi uwa Herodiya ahinza mumo ahavimbila, ahamuseshelezya nu Herodi navashakulya shahamazuva. Umwene ahayanga kumulindu, ''unduve shonti she ukwanza nine nandi inkupe.'' ²³ Ahamulapila kuvuyanzi vwakwe, ''shonti she walava ndikupa , ukufiha pakasi ukwa vumwene vwakwe.'' ²⁴ Uwene ahafuma kunzi ahayanga kwa nyina ahati, ''Indave shoni kukwakwe?'' uwene ahati, ''Itwe ilya Yohani Umozyi.'' ²⁵ Mwaluvilo ahashimbila ukugalushila kwe kwali umwene, ahalava, ahayanga, ''nkwanza iwe umpe, ine shinishiatwe lya Yohani we ahozyaga musahani yikwi.'' ²⁶ Pe uwene ahaswimililwa nkani, ahapotwa nukumuhanila zye amulavile pakuti afinzile napa shifukwa shashakulya shavajeni ve avisite. ²⁷ umwene ahamutuma umusilikali ukufuma pe ayimiliye ahamulamulila ukuleta itwe lya Yohani. ²⁸ Ahaleta itwe lyakwe musahani yikwi ahamupa umulindu, wope umulinduahamupa unyina wakwe. ²⁹ Ilelo lwe avasundikwa vivuye zinizi, vahinza ukusenda umuvili wakwe vahamuviha mumbipa. ³⁰ Pe avapositili vahinza vavungana poka nu Yesu vahamuvuzya zyoti zye vavomvile nazye vahamanyisya. ³¹ Pe ahayanga navo, ''Mufume mwemwe mwekanukwinjila muvuzilo uvwa kwikwilu mutuzye ahavalilo hansi.'' She avinji vahinzaga nukujenda, vatali nahavalilo ahakulyela. ³² Pe vahalamba muvwato vahavala kuvuzilo uvwa kukwilu ulya vavo veka. ³³ nkandi avinji vahavenya lye vakwela pe vahavamanya,pe vahashimbilila ukufuma munkaya zyonti, ukuvala ukufiha kuko kwe vali lwe vashili avene. ³⁴ Lwe afiha kushipuma ahenya impuga impiti ya vantu. Pe ahavivwila uvwila she vali fwe ng'onzi zye zite numudimi. Pe ahanda ukuvasambilizya ivintu ivyinji. ³⁵ Lwe ahavalilo hajenda, ava sundikwa vakwe vahinza vahati, ''Umu mwe mulugwa hope ahavalalizyo hajenzite hali. ³⁶ Uvavwezye ukuti vavale kunsi zyamwavo namunkaya zyavo zye vapalamine nazyo ukuti vakale ivyakulya vyavo.'' ³⁷ Umwene ahamula ahati, ''Mwenemwe muvapanje vimo ivyakulya.'' Avene vahati, ''Tungavala tuvakalile ivyakulya kwa 200 dinali, ye yikukwila amakate nukuvapa vavo valyanje?'' ³⁸ Uwene ahavavuzya, ''Muli n amakate galinga? valaga mwenye.'' Lwevenyizye vahagaga amakate 5 ninswi zivili. ³⁹ Ahavavuzya avantu vonti tendamipansi mumpuga pa mulemvi wisole. ⁴⁰ Pe vahatendama pansi mumpuga 100 na 50. ⁴¹ Ahasenda amakate 5 ninswi zivili, pe ahenya kumwanya ahavisaya pe ahamensula amakate nukuvapa ava sundikwa ukuti vapanje avantu. Hasvili ahagavania inswi zivili kuvavo vonti. ⁴² Vahalya mpaka pe vikuta. ⁴³ Vahavunganiha amakate gonti ge vamensuye, ukwizula iviseje 12, nutusyi utumenyunanie. ⁴⁴ Vali avantu 5,000 vevaliye amakate. ⁴⁵ Mwaluvilo ahavavuzya ava sundikwa vakwe ukuti vazuve muvwato ukulongolela kuntanzi nukulamba ukuvala kwisyila lya Besayida, lwe ayivwezya impuga. ⁴⁶ Ilelo lwe alehana navo, ahazuva pigamba pakuputa. ⁴⁷ Uvusiku vuhafiha, pe uvwato vwali pakasi pa sumbi, uwene ali weka kwisyila lila. ⁴⁸ Pe ahenya vakulimbana ninkungu pa sumbi, she inkungu yihatutaga. Kumasho ga vusiku lwe afiha kuvavo, ahajendaga pa sumbi pe ahanzaga ukuvapitilila. ⁴⁹ Lwe vamuvonyi akujenda pa sumbi, vahasiva ukuti shizyuha pe vahakuta. ⁵⁰ mlandu lwe vamwenya zihavatamya. Mwaluvilo ahayanga navo ahati, ''simujimbaje! Nene! Mutahanyile!'' ⁵¹ Ahatendama mu vwato poka navo, pe inkungu yihapuma pe zihavasukumizya nkani. ⁵² Nkandi vatahazyaganiaga she amakate gahasulaga. MUlandu, vagomizye amoyo gavo. ⁵³ Ilelo lye valamvile, pe vahavala ukufiha munsi yamu Genesareti kwe vahejeha umwato kushipuma. ⁵⁴ Ilelo lwe afumile mu vwato, a antu vahamumanya mwaluvilo, ⁵⁵ vahashimbila ukuzyungulila mwe ivigava vwavo vyavaliye pe vahavaleta avavinu pavitala vyavo kuli kontki kwe amile. ⁵⁶ Mwonti mwe ahinjilaga mutwaya, munkaya, na munsi, vahavavihaga avavinu kuvuzilo vwa kukazizya. Vahamalaga ukuti valeme inkanzu yakwe kunsongo, vonti ve vahalemaga vahapolaga.