¹ Nomba nipangano kwene ilwakutalika lyakweti amasunde ayakupepela nupya namasyo yamunsi ayapawulwe . ² Pakuti imbokosi chapekinywe. ichipinda chakutalika muno mwali ichakuyipo ulukozyo,itewulo numukate ichakuzanwa, pamwanga amasyo matiswe. ³ Ukunsizi kwa chichingo chakwe chili kwali ichipitu chuze, chamwanga amasyo ayatiswe sana. ⁴ Chakweti ulweso lyakwe golide wavyakununtchila. Nupya chakweti nimbokosi iyipangano, yino yapasilwe yonsi na golide. mukasi mwali ulweso lwakwe golide luno lwalemile mana ninsonzo yakwe Aloni yino yatunsile, niviputulwa iyipangano. ⁵ Apapela pambokosi iyipangano, ayangelo ayakulu yavinvile ichilimba cha luse, chino nomba tutanga tuvwangepo umwakusapula. ⁶ Lino ivinthu vino vyapekanywa, yasimapepo yinjilanga pee muchipitu chakunzi kwachipitu pakuwomba imilimo yawo. ⁷ Suka simapepo mukalamba awino winjilanga muchipitu chakwe chili, lyonga pamwaka, nupya ukwaula uwazi wuno wayipile umwenecho napamulandu wa maluyembu yawanthu ayawula kupekanya. ⁸ Umupasi uwuyiswe walanjizye ukuti ndichakuti ichipitu chanthandiko chalinji munzila mumasyo yatiswe apapela sana pano yachilinji ukuloleka. Chino chalinji ichilanjizyo chansita yanomba. ⁹ Vyonsi ivyawupi nivyakufumya vino nomba vikupelwa vitalingine ukukwanisya amelengwi yakwe yasimapepo. ¹⁰ Yakulonda sile ichakulwa ni chakumwa nivinji ivyamyiko iyakafulalile, amalamulo yamwili mphaka pansita yipwa iyilamulo. ¹¹ Kilisiyu wizile ngati asimapepo mukalamba wavinthu visuma vino vizile.Wapisile mumasyo yakalamba ayavule ayapepwe yano yatawumvilwe namakasa ayamunthu lyonga limwi lino litaliponga iyiwumbwe. ¹² Wutali uwazi wambuzi ni ngwata, kwene nuwazi uwakwe nuwakwe wuno ukuti winjile mumasyo ayatiswe sana winjile lyonga kuli wonsi nukutupekanyizizya uwupususi uwamunthasila. ¹³ Pakuti ndi uwazi wambuzi nuwa nkhambaku ni ndama nitoyi vikasansilwa pali yano yapopolwa vikaswefya imyili yawo, ¹⁴ Wuliya uwuvule wuli uwazi wake Kilisitu, wino akupitila umupasi wakwe uwamutatakuya wino wayipile wenga uwawula ukulongwa kuli Leza, ukuswefya imyenzo yitu ukufuma mumilimo yitu pakumuwombela Leza witu uwawumi? ¹⁵ Pamulandu wuno ,weni uwapakasi pipangano lipya.Chino chilingati vikwene, pakuti imfwa yachitika pakupususya yalya yano yali pansi ukufuma mumaluyembu, yano yamilwe yapochelela ilayano ilyawumi ilya wupyani. ¹⁶ Pakuti kulya kuno kuli inkhalata yipanganoya chuma, imfwa yamunthu yino wapanzile yilingine yisimichizike. ¹⁷ Pakuti kalata wipangano akaya namaka ndikwaya imfwa, pakuti pataya ukupatichizya pano umwenecho wipangano achili umumi. ¹⁸ Achino patali ipangano lyakutalika lino lyachitikeukwawula uwazi. ¹⁹ Apakuti lino Mose wayika ilamulo lyonsi umwifunde kuwanthu wonsi, watozile uwazi wangwata nimbuzi,namanzi, umwenda uwuyenzu, na hayisopu, nukusansila ponsi pavyakuwalichila vyonsi ponga nayanthu wonsi. ²⁰ Alino wavwanzile watili,''wuno uwazi wipangano wuno Leza awalamulile mwemwe.'' ²¹ Munsita yilwakwene, wasensile uwazi pamasyo matele numuviya vyonsi vino yawombelanga mumilimo. ²² Ukulingana nisunde, papipi vyonsi vyafuzilwe nnuwazi. Ukwawula ukwita uwaazi kutali ukutetelwa. ²³ Achino chali ichakulondwa ukuti amakolanya yavinthu mwiyulu yalingine ukufulwa nivyakuyipa ivyanyama. Nanthiwuli,ivinthu vyakupela vyolivyo vyali nukufulwa nivinthu ivyakuyipa nivisuma sana. ²⁴ Apakuti Kilisitu atinjile mumasyo yakalamba ayapangwe namakasa, yano amatolela sile ayawuchumi yatupu. mumalo mwakwe winjile umwiyulu lyolilyo, pakulolechela nomba umukuzanwa kwakwe Leza kuli sweswe. ^{25 26} Atayile kulya ukuti akayipe weliwe kasita umuvule, ngati muno yakachila yasimapepo ayakalamba, yano yakayinjila sana mumasyo ayatiswe umwaka numwaka nuwazi wa muze. Ndi amuno vyayelile,ngali wachuzile akavule ukufuma palufula lwansi. Kwene nomba watalolechela kuwumalilo wamyaka pakuzafumya uluyembu pakuyipa kwakwe wenga. ²⁷ Ngati vino umunthu wasolwa ukufwa lyonga ,nupya ukufuma papo wukayiza uwupinguzi, ²⁸ nomba nupya, Kilisitu wayipile lyonga pakufumya amaluyembu ayawavule, nupya aliloleka kakwe chili, ukuzalimbana nuluyembu pole, kwene pakwizapususya yalya ayakumulindilila weliwe.